ផលិតកម្មរថយន្តរបស់ថៃធ្លាក់ចុះ បើទោះការនាំចេញកើនឡើងយ៉ាងណាក៏ដោយ
ថៃ ៖ សហព័ន្ធឧស្សាហកម្មថៃ កាលពីថ្ងៃទី២៣ ខែវិច្ឆិកា ឆ្នាំ២០២៣ បានប្រកាសថា ការផលិតរថយន្ត
ថៃ ៖ សហព័ន្ធឧស្សាហកម្មថៃ កាលពីថ្ងៃទី២៣ ខែវិច្ឆិកា ឆ្នាំ២០២៣ បានប្រកាសថា ការផលិតរថយន្តរបស់ប្រទេសថៃបានធ្លាក់ចុះនៅក្នុងខែតុលា ដោយសារតែការធ្លាក់ចុះនៃផលិតកម្មសម្រាប់ទីផ្សារទាំងក្នុងស្រុក និងក្រៅស្រុក បើទោះបីជាមានការកើនឡើងនៃការនាំចេញយ៉ាងណាក៏ដោយ។
សហព័ន្ធឧស្សាហកម្មថៃ ដែលហៅកាត់ថា FTI បានឱ្យដឹងថា ក្រុមហ៊ុនផលិតរថយន្តថៃបានផលិតរថយន្តចំនួន ១៥៨,៧៣៤គ្រឿងកាលពីខែមុន ដែលធ្លាក់ចុះ ៧.០២% បើធៀបនឹងឆ្នាំមុន ដោយសារតែការធ្លាក់ចុះយ៉ាងខ្លាំងនៃផលិតកម្មរថយន្តភីកអាប់ (Pickup Truck) និងមូលដ្ឋាននៃការព្យាករណ៍ខ្ពស់កាលពីឆ្នាំមុន ដោយសារតែការផ្គត់ផ្គង់សារធាតុសម្រាប់ផលិតគ្រឿងបង្គំមានភាពប្រសើរឡើង។
លោក Surapong Paisitpattanapong អនុប្រធាន និងជាអ្នកនាំពាក្យ FTI បានថ្លែងថា ការនាំចេញរថយន្តបានបញ្ចប់ជាមួយប្រទេសអាស៊ីអាគ្នេយ៍បានកើនឡើង ១២.២០% កាលពីឆ្នាំមុនជាមួយចំនួន ១០៥,៧២៦គ្រឿង ដោយសារតែការកើនឡើងនៃការលក់ក្នុងទីផ្សារដៃគូពាណិជ្ជកម្ម។
លោក Surapong បានប្រាប់សន្និសីទសារព័ត៌មានមួយថា តម្លៃនៃការនាំចេញរថយន្តដែលបានបញ្ចប់បានកើនឡើង ១៧.៣៣% នៅក្នុងខែតុលា ដែលសរុបមានចំនួន ៧២.៤៨ពាន់លានបាត ប្រហែល ២.០៥ពាន់លានដុល្លារអាមេរិក ភាគច្រើនបានមកពីការពង្រីកការនាំចេញទៅកាន់ប្រទេសអូស្ត្រាលី មជ្ឈិមបូព៌ា និងអឺរ៉ុប។
លោកបានបន្តថា ការលក់រថយន្តក្នុងស្រុកបានធ្លាក់ចុះ ៨.៧៥% កាលពីឆ្នាំមុនមកនៅត្រឹម ៥៨,៩៦៣គ្រឿង ខណៈការលក់រថយន្តភីកអាប់បានធ្លាក់ចុះដោយសារការរឹតបន្តឹងប្រាក់កម្ចីរបស់ធនាគារ។ លោកបន្ថែមថា នៅអំឡុងខែមករា ដល់ខែតុលា ការលក់រថយន្តម៉ាស៊ីនចំហេះបានធ្លាក់ចុះ ១៩.១៥% មកនៅត្រឹម ៥១៨.៤៣៨គ្រឿង ខណៈដែលការលក់រថយន្តអគ្គិសនីបានកើនឡើង ៧០២.៣៩% ចំនួន ៥៦.១១៩គ្រឿង៕ (ដកស្រង់ ៖ បាងកកប៉ុស្ត៍ និងសារព័ត៌មានចិន ស៊ីនហួ)
ចែករំលែកព័តមាននេះ