បណ្តាសមាជិកក្រុមប្រឹក្សាសន្តិសុខអ.ស.ប និងក្រុមប្រឹក្សាសន្តិភាព និងសន្តិសុខរបស់សហភាពអាហ្វ្រិកបានស្នើកាលពីថ្ងៃទី២១ ឧសភា ឱ្យមានបទឈប់បាញ់គ្នាជាបន្ទាន់ និងការបញ្ចប់ទាំងស្រុងនូវអំពើហិង្សា ព្រមទាំងការវាយប្រហារប្រឆាំងបណ្តាជនស៊ីវិលនៅលីប៊ី ។ ក្នុងសេចក្តីប្រកាសមួយចេញផ្សាយបន្ទាប់ពីកិច្ចប្រជុំពិគ្រោះយោបល់របស់ក្រុមប្រឹក្សាសន្តិសុខអ.ស.ប និងក្រុមប្រឹក្សាសន្តិភាព និងសន្តិសុខរបស់សហភាពអាហ្វ្រិកនៅក្រុងអាឌីស អាបេបា (អេត្យូពី) សមាជិកក្រុមប្រឹក្សាទាំង២នេះ គូសបញ្ជាក់ពីភាពចាំបាច់នៃបទឈប់បាញ់គ្នាគួរឱ្យជឿជាក់ និងអាចត្រួតពិនិត្យបានដោយលើកទឹកចិត្តដាល់សហភាពអាហ្វ្រិក និងអ.ស.ប ព្រមទាំងតួអង្គដទៃៗឱ្យធ្វើអ្វីគ្រប់យ៉ាងតាមដែលអាចធ្វើទៅបាន ដើម្បីសម្រេចទិសដៅនេះ ។
សេចក្តីប្រកាសនោះគូសបញ្ជាក់ថា សមាជិក ក្រុមប្រឹក្សាសន្តិសុខអ.ស.ប និងក្រុមប្រឹក្សាសន្តិភាព និងសន្តិសុខរបស់សហភាពអាហ្វ្រិកស្នើឱ្យមានបទឈប់បាញ់គ្នាជាបន្ទាន់មួយ បញ្ឈប់ទាំងស្រុងនូវអំពើហិង្សា និងការវាយប្រហារប្រឆាំងជនស៊ីវិល ហើយឱ្យមានដំណោះស្រាយមួយនៃវិបត្តិដែលឆ្លើយតបចំពោះការទាមទារស្របច្បាប់ទាំងឡាយរបស់ប្រជាជនលីប៊ី ។
បណ្តាសមាជិកក្រុមប្រឹក្សាសន្តិសុខអ.ស.ប និងក្រុមប្រឹក្សាសន្តិភាព និងសន្តិសុខរបស់សហភាពអាហ្វ្រិកគូសបញ្ជាក់ពីភាពចាំបាច់ស្វែងរកដំណោះស្រាយនយោបាយមួយចំពោះជម្លោះនៅលីប៊ី អបអរសាទរចំពោះការខិតខំប្រឹងប្រែងទាំងឡាយរបស់បេសកជន ពិសេសនៃអគ្គលេខាធិការអ.ស.ប សម្រាប់ប្រទេសលីប៊ី លោកអាប់ដែល អឺឡាហ៍ ម៉ូហាម៉េដអាល់ ខាទីប និងការខិតខំប្រឹងប្រែងទាំងឡាយរបស់គណៈកម្មាធិការពិសេសកម្រិតខ្ពស់របស់គណៈកម្មាធិការសហភាពអាហ្វ្រិកក្នុងក្របខណ្ឌនៃបណ្ណដើរផ្លូវរបស់គណៈកម្មាធិការនោះ ។
បណ្តាសមាជិកក្រុមប្រឹក្សាទាំង២សម្តែងពីការព្រួយបារម្ភយ៉ាងខ្លាំងដល់សភាពការណ៍មនុស្សធម៌នៅលីប៊ី ៕
ចែករំលែកព័តមាននេះ