ស្រង់កំប្លោក និងសំរាមក្នុងទន្លេ ព្រមទាំងលាងសំអាតតាមមាត់ច្រាំង ដើម្បីបង្កភាពងាយស្រួលដល់ពិធីប្រណាំងទូក
- ភ្នំពេញ
រាជធានីភ្នំពេញ៖ អាជ្ញាធរខណ្ឌ ដូនពេញ ខណ្ឌជ្រោយចង្វារ និងអង្គការសម្អាតទន្លេ សមុទ្រ បាន
រាជធានីភ្នំពេញ៖ អាជ្ញាធរខណ្ឌ ដូនពេញ ខណ្ឌជ្រោយចង្វារ និងអង្គការសម្អាតទន្លេ សមុទ្រ បាន
រាជធានីភ្នំពេញ៖ អាជ្ញាធរខណ្ឌ ដូនពេញ ខណ្ឌជ្រោយចង្វារ និងអង្គការសម្អាតទន្លេ សមុទ្រ បាន និងកំពុងចុះស្រង់កំប្លោក និងសំរាម នៅក្នុងទន្លេ ព្រមទាំងធ្វើអនាម័យលាងសំអាតតាមមាត់ច្រាំងទន្លេ ដើម្បីបរិស្ថានស្អាត និងបង្កលក្ខណៈ ងាយស្រួលដល់ពិធីប្រណាំងទូកក្នុងព្រះរាជពិធីបុណ្យអុំទូក បណ្តែតប្រទីព និងសំពះព្រះខែ អកអំបុកនាពេលឆាប់ៗនះ។ គួររំលឹកថា លោកឃួង ស្រេង ណែនាំមន្ទីរ និងអាជ្ញាធរស្រង់កំប្លោកតាមទន្លេ ធ្វើយ៉ាងណាកុំឱ្យកំប្លោករំខានដល់ការប្រណាំងទូក
ក្រុមការងារសណ្តាប់ធ្នាប់ខណ្ឌដូនពេញបានអោយដឹងថា ដោយមានការណែនាំពីរដ្ឋបាលរាចធានីភ្នំពេញ ក្រុមការងារសណ្តាប់ធ្នាប់ និងអនាម័យ បានចុះស្រង់កំប្លោកនិងសំរាម ព្រមទាំងសំអាតតាមច្រាំងទន្លេជាងមួយសប្តាហ៏មកហើយ និងបន្តធ្វើរហូតដល់ពេលនេះបានស្អាតអស់ហើយ ។ ចំណែកការលាងសំអាតតាមច្រាំងទន្លេក្រុមការងារសណ្តាប់ធ្នាប់ និងអនាម័យបានធ្វើជាប្រចាំជាពិសេសបាញ់ទឹកលាងតាមច្រាំងបេតុង និងការ៉ូឡានៅផ្នែកខាងលើ ហើយការងារលាងសំអាតអនាម័យនេះ ចាប់ពីគុលស្ពានជ្រោយចង្វាររហូតដល់ក្រោយសណ្ឋាគារកាំបូឌីយ៉ាណាដែលជាកន្លែងប្រារពពិធីប្រណាំងទូក។ លោកបញ្ជាក់ថា ប៉ុន្តែទោះជាយ៉ាងណាឆ្នាំនេះកំប្លោកមិនច្រើនដូចឆ្នាំមុនៗនោះទេ។
នៅក្នុងកិច្ចប្រជុំត្រៀមលក្ខណៈរៀបចំព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នៅសាលារជធានីភ្នំពេញ កាលពីព្រឹកថ្ងៃទី២២ វិច្ឆិកា២០២៣នេះ លោកឃួង ស្រេង អភិបាលនៃគណៈអភិបាលរាជធានីភ្នំពេញ បានណែនាំ អោយអាជ្ញាធរខណ្ឌព្រែកព្នៅ ខណ្ឌឬស្សីកែវ ខណ្ឌជ្រោយចង្វា ខណ្ឌដូនពេញនិងមន្ទីរកសិកម្មរាជធានីភ្នំពេញ ចុះស្រង់កំប្លោក និងលាងសំអាតអនាម័យនៅតាមដងទន្លេសាប ធ្វើយ៉ាងណាកុំអោយកំប្លោកនេះរំខានដល់ការប្រណាំងទូក ។ ក្នុងឱកាសព្រះរាជពិធីបុណ្យអុំទូកនេះដែរ លោក ឃួងស្រេង ក៏បានណែនាំអោយ អាជ្ញាធរ និងមន្ត្រីពាក់ពន្ធ័ត្រូវគិតគូរអោយបានម៉ត់ចត់បំផុត ចំពោះការប្រមូល ទុកដាក់សំរាម សំណល់រឹង នៅក្នុងពិធីនេះ ចំណែកការតុបតែងកែលម្អររាជធានីភ្នំពេញ សម្រេចបានជាង៩០ភាគរយហើយ ។
តាមគម្រោងព្រះរាជពិធីឆ្នាំនេះនឹងមាន ទូក ង ចូលរួមប្រណាំងប្រមាណជាង៣០០ទូក (រាជធានីភ្នំពេញមានប្រមាណជាង៤០ទូក), មានកីឡាករ កីឡាការិនីចំណុះទូកប្រមាណជិត២ម៉ឺននាក់និងមានប្រទីពចូលរួមប្រមាណជាង៣០ប្រទីព។
ចំពោះទីតាំងសម្រាប់ការស្នាក់នៅរបស់កីឡាករចំណុះទូក ត្រូវបានបែងចែកជា២ទីតាំង ក្នុងនោះ នៅអតីតៈឃ្លាំងសាំងក្នុងខណ្ឌឬស្សីកែវមួយទីតាំង និងនៅខាងកើតទន្លេសាបក្នុងដីអភិវឌ្ឍន៍OCICខាងជើងរង្វង់មូលនាងមច្ឆា ខណ្ឌជ្រោយចង្វាមួយទីតាំងទៀត ហើយទីតាំងទាំង២នេះនឹងការរៀបចំបណ្តាញទឹក ភ្លើងនិងបង្គន់អនាម័យយ៉ាងល្អប្រសើរផងដែរ៕
ចែករំលែកព័តមាននេះ