ADផ្ទាំងផ្សព្វផ្សាយពាណិជ្ជកម្ម

Picture

លោក អុល សំអាង លើក​ឡើង​២​ចំណុច​ពាក់ព័ន្ធ​រឿង​សមត្ថកិច្ច​ឃាត់​វង់​ល្ខោនបាសាក់ (​វី​ដេ​អូ​)

3 ខែ មុន
  • ភ្នំពេញ

ប្រធាន​វង់​ល្ខោន​អុល​សំអាង​ទី​១ រាជធានី​ភ្នំពេញ លោក អុល សំអាង បាន​លើក​ឡើង​២​ចំណុច ពាក់ព័ន្ធ​ទៅ​នឹង​ករណី​សមត្ថកិច្ច​ចុះ​ទៅ​ឃាត់​ក្រុម​វង់​ល្ខោនបាសាក់​មួយ​កន្លែង​ដែល​កំពុង​សម្តែង​បាន​ពាក់កណ្តាល​ទី ដោយ​សួរ​រក

រាជធានី​ភ្នំពេញ ៖ ប្រធាន​វង់​ល្ខោន​អុល​សំអាង​ទី​១ រាជធានី​ភ្នំពេញ លោក អុល សំអាង បាន​លើក​ឡើង​២​ចំណុច ពាក់ព័ន្ធ​ទៅ​នឹង​ករណី​សមត្ថកិច្ច​ចុះ​ទៅ​ឃាត់​ក្រុម​វង់​ល្ខោនបាសាក់​មួយ​កន្លែង​ដែល​កំពុង​សម្តែង​បាន​ពាក់កណ្តាល​ទី ដោយ​សួរ​រក​ច្បាប់​អនុញ្ញាត ក្នុង​ពេល​ដែល​ករណី​មួយ​នេះ កំពុង​តែ​ផ្ទុះ​ការ​រិះគន់​យ៉ាង​ខ្លាំង​ពី​សំណាក់​មហាជន ។

ក្នុង​នាម​អ្នក​ប្រតិបត្តិ​ករ​ផ្នែក​ល្ខោនបាសាក់​ម្នាក់​ដែរ លោក អុល សំណាង បាន​លើក​ឡើង​ដោយ​ដាក់​ជា​សំណួរ​ថា «​ក្នុង​ករណី​នេះ តើ​បង​ៗ​សមត្ថកិច្ច​សួ​រក​ច្បាប់​ប្រកប​អាជីវកម្ម​របស់​ក្រុម​សិល្បៈ? ឬ​សួ​រក​ច្បាប់​អនុញ្ញាត​ឱ្យធ្វើ​បុណ្យ? ឬ​ម្ចាស់​កម្មវិធី​បុណ្យ មិន​បាន​ជម្រាប​សមត្ថកិច្ច​ឱ្យ​បាន​លម្អិត?»​។

លោក​បញ្ជាក់​ថា «​ជា​ធម្មតា ម្ចាស់​កម្ម​ពិធីបុណ្យ គណៈកម្មការ និង​ព្រះ​ចៅអធិការ​វត្ត ឬ​បុណ្យ​ឯកជន ត្រូវ​តែ​សុំ​ច្បាប់​ពី​អាជ្ញាធរ​ដែនដី​ភូមិ​-​សង្កាត់​-​ស្រុក និង​សុំ​កម្លាំង​សមត្ថកិច្ច ដើម្បី​ការពារ​សុវត្ថិភាព សន្តិសុខ ជូន​កម្ម​ពិធី និង​ទស្ស​និ​ជន​»​។

លោក​បន្ត​ថា «​បើ​ច្បាប់​ប្រកប​អាជីវកម្ម​សិល្បៈ​វិញ គ្រប់​ក្រុម​ល្ខោន ឬ​វង់​ល្ខោន​នីមួយ​ៗ​ក្នុង​ប្រទេស ត្រូវ​តែ​មានច្បាប់​ចេញ​ដោយ​ក្រសួង​មន្ទីរ​វប្បធម៌ និង​វិចិត្រសិល្បៈ ចេញ​លិខិតអនុញ្ញាត​ឱ្យ សម្គាល់​ឈ្មោះ​ក្រុម​ល្ខោនបាសាក់​នោះ ឬ​ក្រុម​តន្ត្រី​នោះ ឬ​ក៏​ក្រុម​ភ្លេង​ការ​នោះ ដើម្បី​ដាក់​តាម​ខ្លួន នៅ​ពេល​សមត្ថកិច្ច​ចុះ​សួរ​រក យើង​មាន ។ និយាយ​រួម​ទៅ ម្ចាស់​កម្មវិធី​បុណ្យ ត្រូវ​តែ​សុំ​ច្បាប់​កម្មវិធី​បុណ្យ​ហើយ​ពិធី​នោះ បាន​រាយ​កម្ម​ពិធី​មាន ក្រុង​ពលី សូត្រ​មន្ត ទេសនា​។ បើ​ពេល​រាត្រី​មាន​សម្តែង​សិល្បៈ ដាក់​សិល្បៈ​ល្ខោនបាសាក់​ក្រុម​ណា ឬ​តន្ត្រី​ក្រុម​ណា ឬ​ក៏​ដាក់ ចាប៉ី ឬ​មួយ​អា​យ៉ៃ​ដែល​គេ​ចែក​ធៀប​អញ្ជើញ​ចូលរួម​ពិធីបុណ្យ​នោះ ជា​ភារៈ​ម្ចាស់​ដើម​ទាន ប្រធាន​ដើមបុណ្យ គឺជា​អ្នក​ទទួលខុសត្រូវ​ហើយ​»​។

លោក​បន្ត​ទៀត​ថា «​ហើយ​បើ​បាន​អនុញ្ញាតិ​ពី​ស្រុក​ហើយ ត្រូវ​ប្រាប់​មូលដ្ឋាន​បន្ថែម​ទៀត ដើម្បី​មេ​ភូមិ មេ​ប៉ុស្តិ៍ មេឃុំ លោក​កាន់តែ​ជ្រាប ហើយ​សម្រួល​សន្តិសុខ​ការពារ ព្រោះ​ពេល​សម្តែង​សិល្បៈ​ល្ខោន​ម្តង ប្រជាជន​មក​ទស្សនា​រាប់​ពាន់​នាក់ កន្លែង​ខ្លះ​ឈាន​ដល់​ម៉ឺន​នាក់ ដូច្នេះ​ត្រូវ​ការពារ​សុវត្ថិភាព និង​សន្តិសុខ​ណាស់​។ រួម​គ្នា​គោរព​ច្បាប់ ហើយ​រួម​គ្នា​លើក​ស្ទួយ​វិស័យ​សិល្បៈ​ល្ខោន​បុរាណ​ជាតិ កុំឱ្យ​បាត់បង់​ធ្លាក់​ចុះ ឱ្យ​ស្ថិតស្ថេរ​ជា​និរន្ត​ន៍​»​។

គួរ​បញ្ជាក់​ថា មហាជន ជា​ពិសេស​បណ្តា​អ្នកលេង​ហ្វេ​ស​ប៊ុ​កបាន​សម្តែង​ការ​ភ្ញាក់ផ្អើល និង​នាំ​គ្នា​រិះ​គន់​យ៉ាង​ចាស់ដៃ ក្រោយ​ពេល​ឃើញ​រូបភាព​វី​ដេ​អូ​មួយ​ដែល​ត្រូវ​បាន​គេ​បង្ហោះ​ពី​សកម្មភាព​យ៉ាង​ចម្រូងចម្រាស់​មួយ​រវាង​សម​ត្ថិ​ក​ច្ច និង​ក្រុម​វង់​ល្ខោន ខណៈ​ពេល​ករណី​នេះ បាន​កើតឡើង​នៅ​ភូមិ​អូរ​លុង ស្ថិត​ក្នុង​ឃុំ​ស្រែ​ចា ស្រុក​ស្នួល ខេត្តក្រចេះ​។

តាម​រយៈ​វី​ដេ​អូ​នោះ បាន​បង្ហាញ​ថា មាន​សមត្ថកិច្ច​មួយ​រូប​ដែល​គេ​អះអាង​ថា មាន​តួនាទី​ជា​មេ​ប៉ុស្តិ៍ បាន​ចុះ​ទៅ​ឃាត់​វង់​ល្ខោន​របស់​នាយ​ប្រិមប្រិយ ខណៈ​កំពុង​តែ​សម្តែង​បាន​ពាក់កណ្តាល​ទី ដើម្បី​សួរនាំ​រក​លិខិតអនុញ្ញាត ដែល​ករណី​នេះ​ក៏​មានការ​ជជែក​យ៉ាង​តឹង​សរសៃ​.​ក​ដាក់​គ្នា​ផង​ដែរ ។

យ៉ាងណា​ម៉ិ​ញ មហាជន​បាន​ដាក់បន្ទុក​ធ្ងន់​ទៅ​លើ​សមត្ថកិច្ច​ដែល​មិន​គួរ​ណា​ធ្វើ​បែប​នេះ​ឡើយ ព្រោះ​ថា សិល្បៈ​គេ​កំពុង​សម្តែង​សម្រាប់​មហាជន​ទស្សនា ហើយ​ការ​សម្តែង​នោះ​ទៀត​សោត គឺ​ធ្វើ​ឡើង​ដោយ​​មានការ​ជួល​ត្រឹមត្រូវ ចំណែក​ច្បាប់​អនុញ្ញាត គឺ​ត្រូវ​សួរនាំ​អ្នក​ដែល​បាន​ជួល​នោះ មិនមែន​មក​សួរ​ម្ចាស់​ល្ខោន ហើយ​កំពុង​សម្តែង​នោះ​ឡើយ​។

គួររំលឹកថា ៖ ផ្ទុះ​ការ​រិះគន់​! លោក​មេ​ប៉ុស្តិ៍​ឡើងលើឆាក ហាមឃាត់​ក្រុម​ល្ខោន មិនឱ្យសម្តែង​គួររំលឹកទៀតថា ៖ ក្រសួងមហាផ្ទៃ​តាមដាន​លើ​ករណី​លោក​មេ​ប៉ុស្តិ៍​មក​បញ្ឈប់​ល្ខោនបាសាក់​ទាំង​កណ្តាល​ទី

អត្ថបទសរសេរ ដោយ

កែសម្រួលដោយ