ADផ្ទាំងផ្សព្វផ្សាយពាណិជ្ជកម្ម

Picture

សម្តេច​ធិ​បតី ៖ ការ​ដាក់​គោលដៅ​ឆ្នាំ​២០៥០ មាន​ប្រាក់​ចំណូល​ខ្ពស់ ដើម្បី​ផលប្រយោជន៍​ប្រជាពលរដ្ឋ​ខ្មែរ

6 ខែ មុន

រាជធានី​ភ្នំពេញ​ ៖ ជា​សារ​មួយ​ឆ្លើយ​តប​ទៅក្រុមប្រឆាំង​ ដែល​តែងតែ​ទើស​រហូត​នោះ សម្ដេច​ធិ​បតី ហ៊ុន ម៉ា​ណែ​ត ​នាយក​រដ្ឋមន្ដ្រី នៃ​កម្ពុជា​ បាន​គូសបញ្ជាក់​ថា…

រាជធានី​ភ្នំពេញ​ ៖ ជា​សារ​មួយ​ឆ្លើយ​តប​ទៅក្រុមប្រឆាំង​ ដែល​តែងតែ​ទើស​រហូត​នោះ សម្ដេច​ធិ​បតី ហ៊ុន ម៉ា​ណែ​ត ​នាយក​រដ្ឋមន្ដ្រី នៃ​កម្ពុជា​ បាន​គូសបញ្ជាក់​ថា ការ​ដាក់​ចេញ​គោលដៅ ឆ្នាំ​២០៥០ មាន​ប្រាក់​ចំណូល​ខ្ពស់​នោះ គឺ​ដើម្បី​ផលប្រយោជន៍​របស់​ប្រជាពលរដ្ឋខ្មែរ ហើយ​រាជរ​ដ្ឋាភិ​បាល ក៏​ប្ដេជ្ញា​សម្រេច​ឲ្យ​បាន​ផង​ដែរ ​។

ថ្លែង​ក្នុង​ឱកាស​ជួប​សំណេះសំណាល​ជាមួយ​កម្មករ និយោជិត ជិត២​ម៉ឺន​នាក់ តាម​បណ្តា​រោង​ចក្រ សហគ្រាស នៅ​រាជធានី​ភ្នំពេញ នា​ព្រឹក​ថ្ងៃ​ទី​២១ ខែវិច្ឆិកា ឆ្នាំ​២០២៣​ សម្តេច​ធិ​បតី ហ៊ុន ម៉ា​ណែ​ត បាន​ថ្លែង​ថា មហិច្ឆតា នៃ​ការ​អភិវឌ្ឍន៍​របស់​រាជរដ្ឋាភិបាល គឺ​ធ្វើ​ឲ្យ​ប្រជា​ពល​រដ្ឋ​មាន​ជីវភាព​កាន់តែ​ល្អ​ប្រសើរ​ ។

សម្ដេច​នាយក​រដ្ឋមន្ត្រី​ បាន​បន្ដ​ថា គោលនយោបាយ​នេះ នៅ​តែ​ជា​គោលដៅ​របស់​រាជរដ្ឋាភិបាល នីតិកាល​ថ្មី ដើម្បី​រុញ​ប្រទេស​ឲ្យ​ក្លាយជា​ប្រទេស​មាន​ចំណូល​ខ្ពស់​នៅ ​ឆ្នាំ​២០៥០ ​។

សម្ដេច​ធិ​ប​ទី ​គូសបញ្ជាក់​យ៉ាង​ដូច្នេះ​ថា​ ៖ «​អ្នកខ្លះ​គេ​ថា រដ្ឋាភិបាលដាក់​ស្អី ២០៥០ ដេក​ស្រមើល​ស្រ​ម៉ៃ។ វា​ទាមទារ នូវ​ការ​ស្រ​ម៉ៃ ការ​ដាក់​ទិស​ដៅ ដើម្បី​យើង​ខំប្រឹង​។ បើ​រដ្ឋាភិបាល មិន​ដាក់​សូចនាករ ២០៥០ ជា​ប្រទេស​អ្នកមាន ដាក់​ម៉ា​ល្មមទៅ ចឹ​ង​មិនបាច់​ខំប្រឹង។ តែ​យើង ត្រូវ​ដាក់​ឲ្យ​ខ្ពស់ ខំប្រឹង​សម្រេច​ឲ្យ​បាន ដើម្បី​ផល​ប្រយោជន៍​ឲ្យ​ប្រជាជនយើង ​ឲ្យ​បាន​កាន់តែ​ច្រើន នេះ​ជា​អ្វី​ដែរ​យើង​ធ្វើ​» ​។

សម្ដេច បន្ដ​ថា អ្នក​ដែល​ថា ​រាជរដ្ឋាភិបាល «​ដេក​» ប្រហែល​អត់​មើល​សកម្មភាពរបស់​រាជរដ្ឋាភិបាល​ទេ​ដឹង ? ចុះ​ជួប​កម្មករ និយោជិត មិន​ជួប​តាម​សុបិន​ទេ គឺ​ជួប​ផ្ទាល់​។

សម្ដេចបន្ថែម​ថា គោលនយោបាយ​ចម្បង​របស់​រាជរដ្ឋាភិបាល គឺ​រក្សាសុខ​សន្តិភាព​ ដែល​ដោយ​លំបាក របស់​រាជរដ្ឋាភិបាល​នីតិកាល​ចាស់ រក្សា​ស្ថេ​រ​ភាព រក្សា​សមិទ្ធផល បង្កើត​សមិទ្ធផល​ថ្មី និង​លើកកម្ពស់​ជីវភាព​ប្រជាពលរដ្ឋ​ឲ្យ​កាន់តែ​ប្រសើរ​ ។

សម្ដេចនាយក​រដ្ឋមន្ដ្រី បាន​ឲ្យ​ដឹង​ទៀត​ថា រាជរដ្ឋាភិបាល នឹង​ជំរុញ​ការ​អភិវ​ឌ្ឍ​ឲ្យ​កាន់តែ​រីក​ចម្រើន ពី​មួយ​ជំនាន់ ទៅ​មួយ​ជំនាន់ ដើម្បី​ទទួល​បាន​ប្រាក់​ចំណូល កាន់តែ​ខ្ពស់ ​ប្រសើរ​ជាង​បច្ចុប្បន្ន​នេះ ​ថែម​ទៀត ​។

ជាមួយ​គ្នា​នោះ​ដែរ​ សម្តេច​ធិ​បតី ហ៊ុន ម៉ា​ណែ​ត បាន​ថ្លែង​ថា ការ​ចុះ​ជួប​កម្មករ មាន​ផល​ចំណេញ​យ៉ាងច្រើន ដើម្បី​ដឹង​សុខទុក្ខ​ជូន​ពួក​គាត់។ ក្នុង​រយៈពេល ៩០​ថ្ងៃ ក្រោយ​កាន់​តំណែង​ជា​នាយក​រដ្ឋមន្ត្រី សម្តេចបាន​ចុះ​ជួប​សំណេះសំណាល​ជាមួយ​កម្មករ និយោជិត ចំនួន​១០ដង​ហើយ ដោយ​មាន​កម្មករ​-​កម្មការិនី ជាង២០​ម៉ឺន​នាក់​ ។

សម្ដេចគូសបញ្ជាក់​ថា «​អ៊ីចឹង​ថ្ងៃនេះ គឺជា​ការ​ជួប​លើក​ទី​១០ ហើយ​សម្រាប់ឆ្នាំ​២០២៣​នេះ ជា​ការ​ជួប​ចុង​ក្រោយ សម្រាប់​កម្មវិធី​ខ្ញុំ​។ មិនមែន​ជា​កម្មវិធី​ចុង​ក្រោយ​លែង​ជួបបងប្អូន​កម្មករ និយោជិត ចឹ​ង​ទៀត​ទេ យើង​នឹង​បន្ដ​ជួប​ បន្ដិចទៀត នៅ​ពេល​ក្រោយ ក្នុង​អាណត្តិ​នេះ យើង​ថា យ៉ាង​ហោច​ណាស់​ជួប​ពីរ​ជុំ​ទៀត ក្នុង​ម៉ា​អាណត្តិ​នេះ​»​។

សម្ដេចបានឱ្យ​ដឹង​ថា ទោះបី សម្ដេចមិន​ជួប​កម្មករ​-​និយោជិត ក៏​សម្ដេចនៅ​តែ​យកចិត្ត​ទុក​ដាក់​បំផុត​ចំពោះ កម្មករ -​និយោជិត ​ព្រមទាំង​យកចិត្ត​ទុក​ចំពោះ​ការ​ចរចាប្រាក់ឈ្នួល​ផងដែរ ​៕

អត្ថបទសរសេរ ដោយ