ADផ្ទាំងផ្សព្វផ្សាយពាណិជ្ជកម្ម

Picture

​បុរសម្នាក់ភ័.យពេកផ្តួលម៉ូតូ រត់ចូលទឹកស្ទឹង ក្រោយ​នាងប្តឹងរឿងឆ.ក់កាបូប

6 ខែ មុន
  • ភ្នំពេញ

រាជធានីភ្នំពេញ ៖​ ជនសង្ស័យ​២​នាក់​បាន​ធ្វើ​សកម្មភាព​ឆ.ក់​កាបូប​ពី​ស្ត្រី​ម្នាក់​បាន​សម្រេច ប៉ុន្តែ​ស្ត្រី​

រាជធានីភ្នំពេញ ៖​ ជនសង្ស័យ​២​នាក់​បាន​ធ្វើ​សកម្មភាព​ឆ.ក់​កាបូប​ពី​ស្ត្រី​ម្នាក់​បាន​សម្រេច ប៉ុន្តែ​ស្ត្រី​រង​គ្រោះ​ប្ដឹង​នគរបាល​ដែល​កំពុង​ល្បាត​តាម​ផ្លូវ​ឲ្យ​ជួយ បន្ទាប់​មក​នគរបាល​បាន​ប្រកាស​តាម​វិទ្យុទាក់ទង ហើយ​កម្លាំង​នគរបាល​តាម​គោលដៅ​នានា​បាន​ចេញ​ពួនស្ទាក់​និង​ដេញ​តាម​។ ជា​ហេតុ​ធ្វើ​ឲ្យ​ជនសង្ស័យ​ភ័យ​ស្លន់ស្លោ ហើយ​ជន​ម្នាក់​បាន​ផ្ដួល​ម៉ូតូ​ចោល​រួច​រត់គេច​ខ្លួន​ចូល​ទៅ​ក្នុង​ទឹកស្ទឹង​និង​ត្រូវ​នគរបាល​ឃាត់ខ្លួន​បាន ដោយឡែក​បក្សពួក​ម្នាក់​ទៀត​ជិះ​ម៉ូតូ​១​គ្រឿង​ផ្សេង​ទៀត​គេចខ្លួន​បាត់​ស្រមោល​។

ការ​ចាប់ខ្លួន​ជនសង្ស័យ​ខាងលើ​បាន​ធ្វើ​ឡើង​កាលពី​វេលា​ម៉ោង​៣​និង​២០​នាទី​រសៀល​ថ្ងៃ​ទី​២០ ខែវិច្ឆិកា ឆ្នាំ​២០២៣ នៅ​តាម​ផ្លូវ​ទំនប់​សណ្ដរ​ស្ទឹង​ព្រែក​ត្នោត ស្ថិត​នៅ​ក្នុងភូមិ​ពាម សង្កាត់​ព្រៃ​ស ខណ្ឌដង្កោ រាជធានី​ភ្នំពេញ​។

នគរបាល​ពុំ​បាន​ប្រាប់​ពី​អត្តសញ្ញាណ​របស់​ជនសង្ស័យ​ខាងលើ​នោះ​នៅឡើយ ហើយ​ក្រោយ​ពេល​ចាប់ខ្លួន​បាន នគរបាល​ខណ្ឌដង្កោ​បាន​ប្រគល់​ជនសង្ស័យ​រូប​នេះ​ទៅ​ឲ្យ​នគរបាល​ក្រុង​តា​ខ្មៅ ខេត្តកណ្ដាល​ដើម្បី​ចាត់ការ​បន្ត​ភ្លាម​ៗ​ផង​ដែរ​ដែរ​។

តាម​ប្រភព​ព័ត៌មាន​បាន​ឲ្យ​ដឹង​ថា ហេតុការណ៍​នោះ​បាន​កើតឡើង​នៅ​ក្នុងភូមិ​សាស្ត្រ​ក្រុង​តា​ខ្មៅ ខេត្តកណ្ដាល ដោយនៅ​វេលា​ម៉ោង​ខាងលើ ជនសង្ស័យ​មាន​គ្នា​២​នាក់​ជិះ​ម៉ូតូ​ម្នាក់​១​គ្រឿង​ធ្វើ​សកម្មភាព​ឆក់​កាបូប​ពី​ស្ត្រី​ម្នាក់​បាន​សម្រេច​រួច​ជិះ​ម៉ូតូ​គេចខ្លួន​ចូល​ភូមិសាស្ត្រ​ខណ្ឌដង្កោ​។​ចំណែក​ស្ត្រី​រង​គ្រោះ​ក៏​បាន​ជិះ​ម៉ូតូ​ដេញ​តាម​និង​ស្រែ​កថា​ចោរ​ៗ​ជាប់​រហូត ហើយ​បាន​ជួប​កម្លាំង​នគរបាល​ប៉ុស្តិ៍​ព្រែក​កំពឹស ខណ្ឌដង្កោ​កំពុង​ល្បាត​តាម​ផ្លូវ​ក៏​ប្ដឹង​ឲ្យ​នគរបាល​ជួយ​អន្តរាគមន៍ ។

ប្រភព​ដដែល​បាន​ប្រាប់​ឲ្យ​ដឹង​បន្ត​ទៀត​ថា ខណៈនោះ​នគរបាល​ក៏​បាន​ប្រកា​លតា​ម​វិទ្យុទាក់ទង​ភ្លាម​ៗ ហើយ​កម្លាំង​តាម​គោលដៅ​ប៉ុស្តិ៍​នានា​បាន​ចេញ​ពួនស្ទាក់​និង​ដេញ​តាម ជា​ហេតុ​ធ្វើ​ឲ្យ​ជនសង្ស័យ​ភ័យ​ស្លន់ស្លោ ។ ពេល​នោះ​ជន​ម្នាក់​បាន​ផ្ដួល​ម៉ូតូ​ម៉ា​ហុងដា​ឌ្រី​ម​សង់​ពណ៌​ខ្មៅ​ពាក់​ស្លា​លេខ ភ្នំពេញ 1KG-4742 ចោល​រួច​រត់គេច​ខ្លួន​ចូល​ទៅ​ក្នុង​ទឹកស្ទឹង​និង​ត្រូវ​នគរបាល​ឃាត់ខ្លួន​បាន ដោយឡែក​បក្សពួក​ម្នាក់​ទៀត​ជិះ​ម៉ូតូ​១​គ្រឿង​ផ្សេង​ទៀត​គេចខ្លួន​បាត់​ស្រមោល​ ។​ បន្ទាប់​នគរបាល​ប៉ុស្តិ៍​ព្រែក​កំពឹស​ក៏​បាន​ប្រគល់​ជនសង្ស័យ​ទៅ​ឲ្យ​នគរបាល​ក្រុង​តា​ខ្មៅ​ខេត្តកណ្ដាល​សាកសួរ​និង​កសាង​សំណុំរឿង​ចាត់ការ​បន្ត​ទៀត​ ៕​

អត្ថបទសរសេរ ដោយ

កែសម្រួលដោយ