កងកម្លាំងសន្តិសុខស៊ីរីបានបាញ់សម្លាប់បាតុករ៥នាក់ទៀត ហើយបាតុករច្រើននាក់រងរបួស កាលពីថ្ងៃទី២១ ឧសភា កន្លងមក នៅពេលមនុស្សក្នុងចំនួនដ៏ច្រើនចូលរួមពិធីបុណ្យសពបាតុករប្រឆាំងរបបរបស់មេដឹកនាំប្រទេសនេះ លោកបាចា អាល់អាសាដ ដែលត្រូវបាញ់ស្លាប់នាពេលកន្លងមក ។ សកម្មជនសិទ្ធិមនុស្សមួយរូបបានប្រាប់ទីភ្នាក់ងារព័ត៌មានបារាំង AFP ថា មនុស្សជាច្រើនម៉ឺននាក់បានចូលរួមពិធីបុណ្យ និងដង្ហែសពនៅទីលានសំខាន់ក្នុងទីក្រុងដាម៉ាស់ រដ្ឋធានីស៊ីរីទៅកាន់កន្លែងបញ្ចុះសព Taal-Nasr ហើយកងកម្លាំងសន្តិសុខ បានបាញ់រះលើហ្វូងមនុស្សទាំងនោះនៅពេលពួកគេចេញពីកន្លែងបញ្ចុះសពវិញ ។
ដោយឡែកនៅថ្ងៃទី២១ ឧសភា នោះ ហ្វូងបាតុករជាច្រើនពាន់នាក់បានបន្តធ្វើបាតុកម្មទៀតនៅក្នុងទីក្រុង Saqba ក្បែររដ្ឋធានីដា
ម៉ាស់ ។ កាលពីថ្ងៃទី២០ ឧសភា កន្លងមក កងកម្លាំងសន្តិសុខស៊ីរីបានបាញ់សម្លាប់មនុស្ស៤៤នាក់ នៅពេលហ្វូងបាតុករប្រឆាំងរបបរបស់មេដឹកនាំប្រទេសនេះ បោសសំអាតក្រោយពិធីបន់ស្រន់បួងសួងរបស់ពួកអ្នកកាន់សាសនាមូស្លីមប្រចាំសប្តាហ៍ ។
សហគមន៍អន្តរជាតិកំពុងបង្កើនសម្ពាធលើលោកប្រធានាធិបតីបាចា អាល់អាសាដ ឱ្យបញ្ឈប់ការបង្ក្រាបដោយហិង្សាប្រឆាំងហ្វូងបាតុករ ហើយប្រទេសតួកគីបានទទូចដល់លោកបាចា អាល់អាសាដ ឱ្យបញ្ឈប់សង្គ្រាមនេះកុំឱ្យវាហួសពេលទាន់៕
ចែករំលែកព័តមាននេះ