លោក ត្រាំ ប្តេជ្ញាចិត្តសម្លា.ប់កិច្ចព្រមព្រៀងពាណិជ្ជកម្មអាស៊ីរបស់លោក បៃដិន ប្រសិនបើជាប់ឆ្នោត
អាមេរិក ៖ លោក ដូណាល់ ត្រាំ (Donald Trump) មកពីគណបក្សសាធារណរដ្ឋ បានប្រកាសនឹងលុប
អាមេរិក ៖ លោក ដូណាល់ ត្រាំ (Donald Trump) មកពីគណបក្សសាធារណរដ្ឋ បានប្រកាសនឹងលុប
អាមេរិក ៖ លោក ដូណាល់ ត្រាំ (Donald Trump) មកពីគណបក្សសាធារណរដ្ឋ បានប្រកាសនឹងលុបចោលកិច្ចព្រមព្រៀងពាណិជ្ជកម្មប៉ាស៊ីហ្វិក ដែលកំពុងត្រូវបានជំរុញដោយប្រធានាធិបតីអាមេរិក លោក ចូ បៃដិន (Joe Biden) ប្រសិនបើលោកឈ្នះការបោះឆ្នោតនៅឆ្នាំ ២០២៤ ហើយត្រលប់ទៅកាន់សេតវិមានវិញ។ នេះបើយោងតាមប្រភពពីទីភ្នាក់ងារសារព័ត៌មាន Reuters ចេញផ្សាយកាលពីថ្ងៃទី១៩ ខែវិច្ឆិកា កន្លងទៅ។
ថ្លែងទៅកាន់អ្នកគាំទ្រនៅរដ្ឋអាយអូវ៉ា (Iowa) លោក ត្រាំ បានថ្លែងថា លោកប្រឆាំងនឹងកិច្ចព្រមព្រៀងពាណិជ្ជកម្មក្នុងតំបន់ ដែលកំពុងត្រូវបានចរចាដោយរដ្ឋបាលលោក បៃដិន ជាមួយប្រទេសចំនួន ១៣ ផ្សេងទៀត ដោយលើកហេតុផលថា កិច្ចព្រមព្រៀងនេះ នឹងរារាំងការផលិតរបស់សហរដ្ឋអាមេរិក និងបង្កការបាត់បង់ការងារ។
កិច្ចពិភាក្សាលើផ្នែកពាណិជ្ជកម្មនៃក្របខណ្ឌសេដ្ឋកិច្ចឥណ្ឌូ-ប៉ាស៊ីហ្វិក ហៅកាត់ថា IPEF ដែលមានបំណងផ្តល់ជូនតំបន់នូវជម្រើសមួយ ចំពោះការកើនឡើងឥទ្ធិពលពាណិជ្ជកម្មរបស់ចិន បានជំពប់ដួលក្នុងរយៈពេលប៉ុន្មានថ្ងៃថ្មីៗនេះ បន្ទាប់ពីប្រទេសមួយចំនួនរួមទាំងវៀតណាម និងឥណ្ឌូនេស៊ី បានបដិសេធការប្តេជ្ញាចិត្តចំពោះកម្លាំងពលកម្មខ្លាំង និងស្តង់ដារបរិស្ថាន។
លោក ត្រាំ ដែលបានដកខ្លួនចេញពីកិច្ចព្រមព្រៀងពាណិជ្ជកម្មភាពជាដៃគូអន្តរប៉ាស៊ីហ្វិក ហៅកាត់ថា TPP បន្ទាប់ពីកាន់តំណែងនៅខែមករា ឆ្នាំ២០១៧ បានប្រកាសនឹងលុបចោលកិច្ចព្រមព្រៀង IPEF ដែលលោកហៅថា «TPP Two» ភ្លាមៗ ដោយប្រធានាធិបតីអាមេរិកលើកទី៤៥រូបនេះបាននិយាយថា «នៅក្រោមរដ្ឋបាលបន្ទាប់ ផែនការរបស់ បៃដិន សម្រាប់ TPP Two នឹងស្លាប់នៅថ្ងៃណាមួយ ដោយវាអាក្រក់ជាងលើកទី១ទៅទៀត ដោយគំរាមគំហែងដល់កសិករ និងអ្នកផលិតជាមួយនឹងទង្វើសាហាវយង់ឃ្នងសកលនិយមដ៏ធំមួយទៀតទៅកាន់អាស៊ី»។
IPEF គឺជាគំនិតផ្តួចផ្តើមសេដ្ឋកិច្ចចាប់ផ្តើមដោយលោក ចូ បៃដិន កាលពីថ្ងៃទី២៣ ខែឧសភា ឆ្នាំ ២០២២ ជាមួយប្រទេសសមាជិកស្ថាបនិកចំនួន១៤ នៅក្នុងតំបន់ឥណ្ឌូប៉ាស៊ីហ្វិករួមមាន អូស្ត្រាលី ប្រ៊ុយណេ ហ្វីជី ឥណ្ឌា ឥណ្ឌូនេស៊ី ជប៉ុន កូរ៉េខាងត្បូង ម៉ាឡេស៊ី នូវែលហ្សេឡង់ ហ្វីលីពីន សិង្ហបុរី ថៃ វៀតណាម និងអាមេរិក ជាមួយនឹងការអញ្ជើញដោយបើកចំហសម្រាប់ប្រទេសផ្សេងទៀតចូលរួម។
រដ្ឋបាលលោក បៃដិន សង្ឃឹមថា នឹងបញ្ចប់ជំពូកសំខាន់ៗ នៃគំនិតផ្តួចផ្តើមពាណិជ្ជកម្ម IPEF របស់ខ្លួន ស្របពេលដែលអ្នកជំនាញពាណិជ្ជកម្ម និងក្រុមធុរកិច្ចអះអាងថា ខ្លួនបានប្តេជ្ញាបន្តការចរចារកិច្ចព្រមព្រៀងដ៏មានមហិច្ឆតានេះ ប៉ុន្តែសម្ពាធឆ្នាំបោះឆ្នោតនៅអាមេរិក និងការទប់ទល់ការប្តេជ្ញាចិត្តដ៏តឹងតែងពីប្រទេសមួយចំនួន ធ្វើឱ្យកិច្ចព្រមព្រៀងពិបាកចេញផ្លែផ្កា៕
ចែករំលែកព័តមាននេះ