ប្រាសាទបន្ទាយឆ្មារ ជាបុរាណដ្ឋានព្រះពុទ្ធសាសនាដ៏សំខាន់មួយក្នុងសម័យបាយ័ននៃរាជ្យព្រះបាទជ័យវរ្ម័នទី៧(១១៨១-១២១៨?) ។ ក្នុងចំណោមរូបចម្លាក់ សំខាន់ៗនៃប្រាសាទនេះមានចម្លាក់ក្រឡោតទាបនៃទេពដែលមានព្រះហស្ត៨ តំណាង
ខេត្តបន្ទាយមានជ័យ ៖ ប្រាសាទបន្ទាយឆ្មារ ជាបុរាណដ្ឋានព្រះពុទ្ធសាសនាដ៏សំខាន់មួយក្នុងសម័យបាយ័ននៃរាជ្យព្រះបាទជ័យវរ្ម័នទី៧(១១៨១-១២១៨?) ។ ក្នុងចំណោមរូបចម្លាក់ សំខាន់ៗនៃប្រាសាទនេះមានចម្លាក់ក្រឡោតទាបនៃទេពដែលមានព្រះហស្ត៨ តំណាងព្រះពុទ្ធលោកេសូរ ។
បើតាមឯកសារសារមន្ទីរជាតិ លោកប្វាសឺលីយ៉េរ៍(Boisselier) បានភ្ជាប់ចម្លាក់ទាំង៣នេះទៅនឹងគម្ពីរការណ្ឌព្យូហសូត្រ ។ ផ្ទាំងរឿងទី១ បង្ហាញពីព្រះលោកេសូរយាងទៅកាន់ឋាននរក រីឯផ្ទាំងរឿងទី២ បង្ហាញពីព្រះលោកេសូរសមាធិបង្កើតបានជារូបទេព តូចៗជាច្រើនអង្គ ។ ដោយឡែកផ្ទាំងរឿងទី៣ បង្ហាញពីជំនួបព្រះឥសូរ (ទេពព្រហ្មញ្ញ) និងព្រះលោកេសូរ ។
សាច់រឿងក្នុងចម្លាក់នេះបានបង្ហាញពីការទាក់ទងដ៏សំខាន់រវាងគម្ពីរនៅស្រុកក្លឹង និងស្រុកខ្មែរ ហើយតាមការសិក្សាបានបង្ហាញថា គម្ពីរនេះទំនងជាមានវត្តមាននៅស្រុកខ្មែរនៅអំឡុងឆ្នាំ៩៧០ ៕ ដោយ ៖ ស.ភ.រ
ចែករំលែកព័តមាននេះ