សាលាដំបូងរាជធានីភ្នំពេញ កាលពីព្រឹកថ្ងៃទី១៦ ខែវិច្ឆិកា ឆ្នាំ២០២៣ បានប្រកាសសាលក្រមផ្តន្ទាទោសទៅលើជនជាប់ចោទប្រុសស្រីចំនួន១១នាក់ ដោយក្នុងម្នាក់កំណត់១ឆ្នាំ តែទោសនេះតម្រូវឲ្យអនុវត្តក្នុងពន្ធនាគារត្រឹមតែ៧ថ្ងៃ ចំណែកទោសនៅសល់ប៉ុន្មាន គឺព្យួរទាំងអស់ ពាក់ព័ន្ធសំណុំរឿងពីបទ
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី១៦ ខែវិច្ឆិកា ឆ្នាំ២០២៣ បានប្រកាសសាលក្រមផ្តន្ទាទោសទៅលើជនជាប់ចោទប្រុសស្រីចំនួន១១នាក់ ដោយក្នុងម្នាក់កំណត់១ឆ្នាំ តែទោសនេះតម្រូវឲ្យអនុវត្តក្នុងពន្ធនាគារត្រឹមតែ៧ថ្ងៃ ចំណែកទោសនៅសល់ប៉ុន្មាន គឺព្យួរទាំងអស់ ពាក់ព័ន្ធសំណុំរឿងពីបទ «ភ្នាក់ងារបម្រើឲ្យល្បែ.ងស៊ីសងដោយខុសច្បាប់»។
ក្នុងម្នាក់កំណត់១ឆ្នាំ តែតម្រូវឲ្យអនុវត្តក្នុងពន្ធនាគារត្រឹម៧ថ្ងៃ ហើយទោសនៅសល់ព្យូរសាកល្បងទាំងអស់នេះ។ សាលក្រមបានប្រកាសជាសាធារណៈដោយលោក ញឹម វិសាល ចៅក្រមជំនុំជម្រះ តំណាងអយ្យការ គឺលោក សិត វណ្ណៈ ព្រះរាជអាជ្ញារងអមសាលាដំបូងរាជធានីភ្នំពេញ ។ ហើយសាលក្រមបានសម្រចភ្លាមៗ ក្រោមរូបភាពជំនុំជម្រះផ្ទាល់នៅចំពោះមុខជនជាប់ចោទទាំង១១នាក់ ក្រោយពីបានបំបែកសំណុំរឿងនេះចេញពីក្រុមជនជាតិចិន ដែលជាអ្នកទទួលខុសត្រូវលើបនល្បែ.ងស៊ីសងដោយខុសច្បាប់នោះ ។
ជនជាប់ចោទទាំង១១នាក់ ក្នុងនោះមាន ៖ ១- ឈ្មោះ ងួន ពៅ ភេទប្រុស ជាសន្តិសុខ, ២- ឈ្មោះ សៀន រ៉ាត់ ភេទប្រុស ជាសន្តិសុខ, ៣- ឈ្មោះ ឈាន ណា ភេទប្រុស ជាសន្តិសុខ, ៤- ឈ្មោះភ័ក្រ ថង ភេទស្រី ជាអ្នកចែកបៀ, ៥- ឈ្មោះ ចាន់ សុផល ភេទស្រី ជាអ្នកចែកបៀ, ៦- ឈ្មោះ មេង ស្រីធា ជាអ្នកចែកបៀ, ៧- ឈ្មោះ សុខ ធា ភេទស្រី ជាអ្នកចែកបៀ, ៨- ឈ្មោះ ធាង សិទ្ធ ភេទស្រី ជាអ្នកចែកបៀ, ៩- ឈ្មោះ សុង ផល្លា ភេទស្រី ជាអ្នកចែកបៀ, ១០- ឈ្មោះ បន រក្សា ភេទស្រី ជាអ្នកចែកបៀ និង១១.ឈ្មោះ សុង ស្រីទូច ភេទស្រី ជាអ្នកចែកបៀ។
នៅក្នុងសវនាការ ជនជាប់ចោទបានសារភាពថា «ដោយសារពួកគេមានការខ្វះខាតជីវភាពប្រចាំថ្ងៃក្នុងគ្រួសារ ដោយអ្នកខ្លះជំពាក់បំណុលធនាគារ និងខ្លះទៀតមានម្ដាយឪពុកចាស់ជរា ឈឺ ដង្កាត់ កូនត្រូវការលុយកាក់រៀនសូត្រ ទើបពួកគេដាច់ចិត្តទៅធ្វើជាភ្នាក់ងារបម្រើបនល្បែ.ងស៊ីសងដោយខុសច្បាប់នោះ ក្នុងគោលបំណងតែមួយគត់ គឺដើម្បីបានប្រាក់យកមកផ្គត់ផ្គង់ចិញ្ចឹមគ្រួសារ។ ហើយអ្នកខ្លះទើបតែធ្វើការបើកប្រាក់បាន១ខែ និងអ្នកខ្លះទៀតធ្វើការមិនទាន់បានបើកប្រាក់ម្ដងផង ក៏ត្រូវសមត្ថកិច្ចបង្ក្រាប និងចាប់ខ្លួនតែម្ដង»។
ពាក់ព័ន្ធក្នុងរង្វង់ក្រចកសេះ ជនជាប់ចោទប្រុសស្រីទាំង១១នាក់ បានលើដៃប្រណមអង្វករស្នើសុំដល់លោកចៅក្រមជំនុំជម្រះ មេត្តាអត់អោន និងបន្ធូរបន្ថយទោស ក្នុងស្ថានភាពដែលពួកគេកំពុងស្ថិតដូចអណ្ដើកក្នុងភ្លើងនេះផង ។
បន្ទាប់មកលោក សិត វណ្ណៈ ព្រះរាជអាជ្ញារងតំណាងអយ្យការ បានឡើងធ្វើការសន្និដ្ឋានថា ដោយពិនិត្យលើអង្គហេតុ និងអង្គច្បាប់ ក្រុមជនជាប់ចោទបានប្រព្រឹត្តកំហុសដោយអចេតនា ដើម្បីតែជីវភាពរស់នៅប្រចាំថ្ងៃ ដូច្នេះតំណាងអយ្យការស្នើសុំឲ្យតុលាការបន្ធូរបន្ថយទោស និងកុំពិន័យពួកគេ ដោយសារអ្នកខ្លះធ្វើការមិនទាន់បើកប្រាក់ផងនោះ ។
សវនាការក្នុងការសាកសួរដេញដោលនេះ ត្រូវបានបញ្ចប់នាព្រឹកថ្ងៃដដែល ចៅក្រមជំនុំជម្រះក៏បានធ្វើការប្រកាសសាលក្រមភ្លាមៗ ដោយផ្ដន្ទាទោសជនជាប់ចោទទាំង១១នាក់ ក្នុងម្នាក់១ឆ្នាំ តែទោសនេះត្រូវអនុវត្តទណ្ឌកម្មក្នុងពន្ធនាគារ៧ថ្ងៃប៉ុណ្ណោះ សល់ប៉ុន្មានគឺព្យួរទាំងអស់ ។
ក្រោយពេលប្រកាសសាលក្រមចប់ ជនជាប់ចោទទាំងអស់ត្រូវបានក្រុមអនុរក្សដឹកយកទៅពន្ធនាគារព្រៃ.សវិញ ដើម្បីរង់ចាំយកសាលក្រមដោះលែងរបស់តុលាការភ្នំពេញ។
សូមរម្លឹកថា កាលពីយប់ថ្ងៃទី៤ ខែវិច្ឆិកា ឆ្នាំ២០២៣ កម្លាំងសមត្ថកិច្ចនគរបាលការិយាល័យប្រឆាំងគ្រឿ.ងញៀ.នរាជធានីភ្នំពេញ សហការជាមួយនគរបាលព្រហ្មទណ្ឌខណ្ឌពោធិ៍សែនជ័យ បានឆ្មក់បង្ក្រាបបនល្បែ.ងមួយកន្លែង ស្ថិតក្នុងសង្កាត់ចោមចៅ៣ ខណ្ឌពោធិ៍សែនជ័យ ដោយឃាត់មនុស្សប្រុសស្រីជាច្រើននាក់ រួមទាំងរឹបអូសឧបករណ៍ពាក់ព័ន្ធបទល្មើសលេងល្បែ.ងស៊ីសងដោយខុសច្បាប់ និងថវិកាមួយចំនួនធំផងដែរ ។
ក្រោយឃាត់ខ្លួន ជនសង្ស័យ និងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងរាជធានីភ្នំពេញ រហូតថ្ងៃទី៩ ខែវិច្ឆិកា ឆ្នាំ២០២៣ តុលាការបានសម្រេចឃុំខ្លួនជនសង្ស័យដាក់ពន្ធនាគារជាបណ្តោះអាសន្ន ។ លុះដល់ថ្ងៃទី១៦ ខែវិច្ឆិកា ព្រឹកមិញនេះ សំណុំរឿងត្រូវបានតុលាការលើកយកមកបើកសវនាការ និងផ្តន្ទាទោសលើជនជាប់ចោទពាក់ព័ន្ធ «ភ្នាក់ងារបម្រើឲ្យល្បែ.ងស៊ីសងដោយខុសច្បាប់នោះ» ពោលគឺកាត់តម្រឹមត្រឹម៧ថ្ងៃ ត្រូវចេញពីពន្ធនាគារល្មម៕
ចែករំលែកព័តមាននេះ