ឡានកាមរីបុ.កជាមួយឡានដឹកទឹកកក កៀបអ្នកបើកបរស្លា.ប់ក្នុងឡាន
- ភ្នំពេញ
រាជធានីភ្នំពេញ ៖ បុរសម្នាក់បានស្លា.ប់នៅក្នុងរថយន្ត ពេលបើករថយន្តបុ.កគ្នាជាមួយរថយន្តកូរ៉េ
រាជធានីភ្នំពេញ ៖ បុរសម្នាក់បានស្លា.ប់នៅក្នុងរថយន្ត ពេលបើករថយន្តបុ.កគ្នាជាមួយរថយន្តកូរ៉េដឹកទឹកកកកៀបជាប់នៅខាងក្នុងរថយន្ត បង្កការភ្ញាក់ផ្អើលនៅវេលាម៉ោង៣និង២៥ឈានចូលព្រឹកថ្ងៃទី១៧ ខែវិច្ឆិកា ឆ្នាំ២០២៣ ស្ថិតនៅតាមបណ្ដោយផ្លូវវេងស្រេងទល់មុខមុខផ្សារកាណាឌីយ៉ា សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
ជនរងគ្រោះម្នាក់ដែលបាត់បង់ជីវិតខាងលើឈ្មោះ ជាង សក្កណា ភេទប្រុស អាយុ២៨ឆ្នាំ បច្ចុប្បន្ន ស្នាក់ ផ្លូវ ១១៨ ភូមិ១០ សង្កាត់ទឹកល្អក់១ ខណ្ឌទួលគោក រាជធានីភ្នំពេញ។
តាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តកូរ៉េដឹកទឹកកក ពណ៍ស បិទក្រហម ពាក់ស្លាកលេខ ភ្នំពេញ 2N-8821 ធ្វើដំណើរពីកើតទៅលិច លុះមកដល់ចំណុចខាងលើ ស្រាប់តែមានរថយន្តម៉ាកតូយ៉ូតា កាមរី ហាយប្រីត ពណ៍ស ពាក់ស្លាកលេខ ភ្នំពេញ2R-8861 ធ្វើដំណើរស្របទិសដៅគ្នាពីលិចទៅកើតក្នុងល្បឿនយ៉ាងលឿនបានទៅបុ.កជាមួយរថយន្តដឹកទឹកកកពេញទំហឹងចំផ្នែកខាងក្រោយ បណ្ដាលឲ្យរថយន្តដឹកទឹកកកក្រឡា.ប់ផ្ងារជើងឡើងលើធ្លាក់ទឹកកករាយប៉ាយពេញផ្លូវ ចំណែកខាងរថយន្តកាមរីវិញបានរួញមួយកំណាត់មុខកៀបបើកបរជាប់ស្លា.ប់នៅខាងក្នុងរថយន្ត ។
បន្ទាប់ពីកើតហេតុ ប្រជាពលរដ្ឋឃើញក៏រាយការណ៍ទៅសមត្ថកិច្ចមូលដ្ឋានចុះទៅអន្តរា មន៍សំរួលបញ្ចៀសចរាចរណ៍នៅកន្លែងកើតហេតុហើយក៏រាយការណ៍ទៅផ្នែកជំនាញបន្តភ្លាមៗផងដែរ លុះក្រោយមក ទើបខាងរថយន្តសង្គ្រោះបន្ទាន់របស់អង្គភាពកងពលតូចលេខ៧០ ផ្នែកវ៉ះកាត់បានមកដល់ រួចធ្វើការកាត់រថយន្ត ដើម្បីយកស.ពជនរងគ្រោះចេញពីក្នុងរថយន្តយកទៅដាក់លើឃឿនចិញ្ចើមផ្លូវ។
ក្រោយពេលកើតហេតុ ស.ពរងគ្រោះត្រូវបានសមត្ថកិច្ចផ្នែកជំនាញធ្វើលិខិតប្រគល់ទៅអោយសាច់ញាតិក្រុមគ្រួសារដឹកយកទៅធ្វើបុណ្យតាមប្រពៃណី ចំណែករថយន្តទាំង២គ្រឿងត្រូវបានសមត្ថកិច្ចផ្នែកជំនាញធ្វើការវាស់វែងយកទៅរក្សាទុកនៅអធិការដ្ឋាននគរបាលចរាចរណ៍ផ្លូវគោករង់ចាំការដោះស្រាយបន្តនៅពេលក្រោយទៀត ៕
ចែករំលែកព័តមាននេះ