កងទ័ពអីុស្រាអែលបញ្ជូនប៊ុលដូហ្ស័រមកកាន់មន្ទីរពេទ្យAL-CHIFA
សង្គ្រាមអ៊ីស្រាអែលនិងហាម៉ាស់ ៖ កងទ័ពអ៊ីស្រាអែលដែលលុកលុយចូលក្នុងមន្ទីរពេទ្យធំនៅហ្គាហ្សាគឹ
សង្គ្រាមអ៊ីស្រាអែលនិងហាម៉ាស់ ៖ កងទ័ពអ៊ីស្រាអែលដែលលុកលុយចូលក្នុងមន្ទីរពេទ្យធំនៅហ្គាហ្សាគឹមន្ទីរពេទ្យAL-CHIFA អះអាងថា បានរកឃើញអាវុធនានានៅមន្ទីរពេទ្យនោះដែលក្រុមហាម៉ាស់បដិសេធ។
នាថ្ងៃទី១៦វិច្ឆិកាកងទ័ពអ៊ីស្រាអែលបន្តប្រតិបត្តិការក្នុងមន្ទីរពេទ្យAL-CHIFA ដែលនាំឲ្យមានការព្រួយបារម្ភយ៉ាងខ្លាំងនិងការរិះគន់ជាអន្តរជាតិ លើវាសនារបស់បណ្ដាអ្នកជំងឺនិងជនស៊ីវិលច្រើនពាន់នាក់ ដែលជាប់នៅក្នុងបរិវេណនៃមន្ទីរពេទ្យនេះ។ ចេញពីភាពស្ងាត់ស្ងៀមតាំងពីចាប់ផ្ដើមសង្គ្រាមនៅហ្គាហ្សាមក ក្រុមប្រឹក្សាសន្តិសុខ អ.ស.ប អំពាវនាវឲ្យមានការផ្អាកឈប់បាញ់មនុស្សធម៌និងច្រកមនុស្សធម៌នៅហ្គាហ្សា ។
ស្រាអែលបានចោទក្រុមហាម៉ាស់ថា ប្រើមន្ទីរពេទ្យAL-CHIFAជាមូលដ្ឋានយោធា ខណៈទីតាំងនោះតំណាងឲ្យទិសដៅចម្បងមួយរបស់អ៊ីស្រាអែលក្នុងសង្គ្រាមប្រឆាំងក្រុមហាម៉ាស់។ ក្រសួងសុខាភិបាលរបស់ហាម៉ាស់រៀបរាប់ពីការបញ្ជូនប៊ុលដូហ្ស័រអ៊ីស្រាអែល មកកាន់មន្ទីរពេទ្យAL-CHIFA ដែលតាមអ.ស.បថាមានមនុស្សប្រមាណ២៣០០នាក់ ក្នុងនោះមានទាំងអ្នកជំងឹ អ្នករបួស បុគ្គលិកពេទ្យនិងអ្នកភៀសខ្លួន។ ប៊ុលដូហ្ស័រទាំងនេះចាប់ផ្ដើមឈូសបំផ្លាញនៅមន្ទីរពេទ្យនេះ។
ចំណែកប្រទេសកាតាវិញកាលពីថ្ងៃទី១៥វិច្ឆិកាទាមទារឲ្យមានការស៊ើបអង្កេតជាអន្តរជាតិមួយ លើប្រតិបត្តិការយោធាអ៊ីស្រាអែល ប្រឆាំងបណ្ដាមន្ទីរពេទ្យនៅជ្រោយហ្គាហ្សា ដោយបរិហារថា ការលុកលុយចូលមន្ទីរពេទ្យAL-CHIFAជាឧក្រិដ្ឋកម្មសង្ក្រាម ៕
ចែករំលែកព័តមាននេះ