កាបូប និងរបស់របរប្រេនៗក្លែងក្លាយតម្លៃ១ពាន់លានដុល្លារ ត្រូវបង្ក្រាប
សហរដ្ឋអាមេរិក ៖ តុលាការអាមេរិកប្រកាសកាលពីយប់ថ្ងៃទី១៥វិច្ឆិកា ពីការចាប់រឹបអូសបានកាបូប
សហរដ្ឋអាមេរិក ៖ តុលាការអាមេរិកប្រកាសកាលពីយប់ថ្ងៃទី១៥វិច្ឆិកា ពីការចាប់រឹបអូសបានកាបូបប្រមាណជា២២០.០០០ សម្លៀកបំពាក់ ស្បែកជើង របស់របរដទៃទៀត មានតម្លៃខ្ពស់ ព្រមទាំងផលិតផលហូបចុកប្រណិតៗដែលសុទ្ធតែក្លែងក្លាយ មានតម្លៃប្រមាណជា១ពាន់លានដុល្លារ ដែលនេះជាការចាប់បានរបស់ប្រណិតក្លែងក្លាយ ដ៏ច្រើនបំផុតពុំធ្លាប់មានក្នុងប្រវត្តិសាស្ត្រអាមេរិក។
ការប្រកាសនេះរបស់អយ្យការសហព័ន្ធ ភាគខាងត្បូងក្រុងញូវយ៉ករួមមានតំបន់ម៉ាន់ហាតាន់ផងដែរ អមជាមួយរូបភាពនានានៃបន្ទប់ជាឃ្លាំងស្តុកមួយ ស្ថិតនៅលើកោះសំខាន់នៃក្រុងញូវយ៉ក ដែលផ្ទុកពេញដោយកាតុងរបស់ដាក់គរលើធ្នើរ កាបូបដៃ កាបូបយួរ សម្លៀកបំពាក់និងប្រអប់ស្បែកជើង ដែលសុទ្ធតែជារបស់ប្រណិតគេនិយមហៅថារបស់ប្រេនក្លែងក្លាយ។
តាមសេចក្ដីប្រកាសមួយថា តម្លែនៃទំនិញដែលចាប់រឹបអូសទាំងនេះ តាមពួកអ្នកផលិតថាមានតមៃ្លដល់ទៅ១,០៣ពាន់លានដុល្លារ។ អ្នកក្រុងញូវយ៉ក២នាក់ម្នាក់អាយុ៣៨ឆ្នាំនិងម្នាក់ទៀតអាយុ៤៨ឆ្នាំបានត្រូវចាប់ខ្លួននិងជាប់ចោទពីបទរត់ពន្ធរបស់ក្លែងក្លាយ។ ពួកគេអាចមានទោសជាប់គុក១០ឆ្នាំ៕
ចែករំលែកព័តមាននេះ