ប្រធានាធិបតីតួកគីចាត់ទុកអ៊ីស្រាអែលជារដ្ឋភេរវកម្ម
សង្គ្រាមអ៊ីស្រាអែលនិងហាម៉ាស់ ៖ ប្រធានាធិបតីតួកគីលោករីស៊ីបតៃយីបអ័រដូហ្គានកាលពីថ្ងៃទី១៥
សង្គ្រាមអ៊ីស្រាអែលនិងហាម៉ាស់ ៖ ប្រធានាធិបតីតួកគីលោករីស៊ីបតៃយីបអ័រដូហ្គានកាលពីថ្ងៃទី១៥វិច្ឆិកា ចាត់ទុកអ៊ីស្រាអែលជារដ្ឋភេរវកម្ម ដោយបរិហារការសម្លាប់មនុស្ស តាមរយៈការទម្លាក់គ្រាប់បែក លើជ្រោយហ្គាហ្សាប្រឆាំងក្រុមហាម៉ាស់ប៉ាឡេស្ទីន។
២ថ្ងៃមុនពេលលោកទៅបំពេញទស្សនកិច្ចនៅអាល្លឺម៉ង់ មេដឹកនាំតួកគីរូបនេះពេលថ្លែងទៅកាន់បណ្ដាសមាជិកគណបក្សលោកនៅក្នុងសភាលើកឡើងថា ខ្ញុំនិយាយយ៉ាងច្បាស់ថា អ៊ីស្រាអែលជារដ្ឋភេរវកម្មមួយ។ នេះនិយាយពីរដ្ឋាភិបាលអ៊ីស្រាអែល តែយើងមិនភ្លេចទេបណ្ដាអ្នកដែលគាំទ្រដោយចំហចំពោះការសម្លា.ប់រង្គាលនោះ និងពួកអ្នកដែលធ្វើអ្វីគ្រប់យ៉ាង ដើម្បីធ្វើឲ្យការសម្លា.ប់រង្គាលក្លាយជាភាពត្រឹមត្រូវ។ លោកលើកបែបនេះចង់និយាយយោងដល់សហរដ្ឋអាមេរិកនិងប្រទេសលោកខាងលិចមួយចំនួនដែលគាំទ្រអ៊ីស្រាអែល។ លោកវាយតម្លៃថា ពិភពនាពេលនេះកំពុងតែប្រឈមមុខនឹងអំពើប្រល័យពូជសាសន៍មួយនៅជ្រោយហ្គាហ្សា៕
ចែករំលែកព័តមាននេះ