ADផ្ទាំងផ្សព្វផ្សាយពាណិជ្ជកម្ម

អ៊ីស្រាអែលរកឃើញកន្លែងសម្ងាត់ក្រុមហាម៉ាស់នៅក្រោមមន្ទីរពេទ្យ

8 ខែ មុន

១៦ ខែ វិច្ឆិកា ឆ្នាំ ២០២៣ ម៉ោង ០៥:៣៥

ហ្កាហ្សា៖ គេរកឃើញបញ្ជាការដ្ឋានសម្ងាត់ និងអាវុធយុទ្ធភ័ណ្ឌជាច្រើនដែលក្រុមហាម៉ាស់លាក់បំពួននៅក្នុងមន្ទីរពេទ្យ។ នេះបើតាមការអះអាងរបស់អ្នកនាំពាក្យអ៊ីស្រាអែល។ មន្ទីរពេទ្យឈ្មោះអាល់ស៊ីហ្វា (Al Shifa) ជាផ្ទាំងស៊ីបនៃការវាយប្រហាររបស់អ៊ីស្រាអែលនៅទីក្រុងហ្កាហ្សាស៊ីធី។ អ៊ីស្រាអែលថ្លែងថាទីតាំងនោះត្រូវគេសាងសង់នៅក្នុងរូងក្រោមដីនៅពីក្រោមមន្ទីរពេទ្យ។ ការថ្លែងបែបនេះត្រូវក្រុមហាម៉ាស់ចាត់ទុកថាជាការនិយាយភូតកុហក…

ហ្កាហ្សា៖ គេរកឃើញបញ្ជាការដ្ឋានសម្ងាត់ និងអាវុធយុទ្ធភ័ណ្ឌជាច្រើនដែលក្រុមហាម៉ាស់លាក់បំពួននៅក្នុងមន្ទីរពេទ្យ។ នេះបើតាមការអះអាងរបស់អ្នកនាំពាក្យអ៊ីស្រាអែល។ មន្ទីរពេទ្យឈ្មោះអាល់ស៊ីហ្វា (Al Shifa) ជាផ្ទាំងស៊ីបនៃការវាយប្រហាររបស់អ៊ីស្រាអែលនៅទីក្រុងហ្កាហ្សាស៊ីធី។ អ៊ីស្រាអែលថ្លែងថាទីតាំងនោះត្រូវគេសាងសង់នៅក្នុងរូងក្រោមដីនៅពីក្រោមមន្ទីរពេទ្យ។ ការថ្លែងបែបនេះត្រូវក្រុមហាម៉ាស់ចាត់ទុកថាជាការនិយាយភូតកុហក និងជាការឃោសនាអកុសល។

អ្នកនាំពាក្យអ៊ីស្រាអែលថ្លែងថាទាហានរបស់ខ្លួនកំពុងស្រាវជ្រាវជាបន្តទៀតបន្ទាប់ពីពួកគេចូលកាន់កាប់មន្ទីរពេទ្យ។ ពួកគេប្រយុទ្ធគ្នាទល់នឹងក្រុមជាច្រើនថ្ងៃទម្រាំវាយយកបានទីតាំងខាងលើនេះ។ អ៊ីស្រាអែលបញ្ចេញវីឌីអូឃ្លីបបង្ហាញសម្ភារៈមួយចំនួនដែលរឹបអូសបានពីអគារសម្ងាត់នៃមន្ទីរពេទ្យ។ ក្នុងនោះមានកាំភ្លើងស្វ័យប្រវត្តិ, គ្រាប់បែក, គ្រាប់កាំភ្លើង និងអាវក្រោះ។

នៅអគារ១កន្លែងទៀតនៃមន្ទីរពេទ្យ ទាហានអ៊ីស្រាអែលរកឃើញទីតាំងបញ្ជា និងគ្រឿបរិក្ខារបំពាក់បច្ចេកវិទ្យាទំនើបរបស់ក្រុមហាម៉ាស់។ នេះជាការបង្ហាញថាពួកគេប្រើប្រាស់មន្ទីរពេទ្យជាកន្លែងបិទបាំងអំពើភេរវកម្មរបស់ខ្លួន។ នេះបើយោងសេចក្ដីថ្លែងការណ៍របស់កងទ័ពអ៊ីស្រាអែល។ អាមេរិកបញ្ជាក់ថាការថ្លែងរបស់អ៊ីស្រាអែលជាការពិតដោយយោងតាមការប្រមូលព័ត៌មានសម្ងាត់របស់អាមេរិកផ្ទាល់។

ដើម្បីអបអរសាទរចំពោះការចូលកាន់កាប់មន្ទីរពេទ្យនោះ នាយករដ្ឋមន្ត្រីអ៊ីស្រាអែល លោកណឺតាន់យ៉ាហ៊ូ ចេញសេចក្ដីថ្លែងការណ៍ដែលមានខ្លឹមសារសំខាន់ៗថានៅតំបន់ហ្កាហ្សាគ្មានទីកន្លែងណាដែលយើងមិនអាចទៅដល់នោះទេ។ គ្មានឡើយទីកន្លែងលាក់ខ្លួនសម្ងាត់។ យើងនឹងបន្តបោសសម្អាតក្រុមហាម៉ាស់ និងរំដោះចំណាប់ខ្មាំងទាំងអស់ត្រឡប់មកវិញ។

យុទ្ធនាការរបស់អ៊ីស្រាអែលជាង១ខែកន្លងទៅនេះបានសម្លាប់មនុស្សជាង១១៥០០នាក់នៅតំបន់ហ្កាហ្សា ក្នុងនោះមានទាំងក្រុមហាម៉ាស់ និងជនស៊ីវិល។ កុមារមានរហូតដល់៤០%នៃអ្នកស្លាប់សរុប។ អ្នកខ្លះស្លាប់ទៅហើយរកកន្លែងបញ្ចុះឱ្យបានសមរម្យក៏មិនបានផង។ សាកសពខ្លះត្រូវកប់ចោលនៅក្នុងគំនរបាក់បែក។ អ៊ីស្រាអែលបញ្ជាឱ្យអ្នករស់នៅតំបន់ហ្កាហ្សាខាងជើងប្រញាប់ជម្លៀសខ្លួនទៅភាគខាងត្បូង។ ឥឡូវនេះ ជនស៊ីវិលប្រហែល២/៣គ្មានផ្ទះសម្បែងសម្រាប់ជ្រកកោននោះទេ៕

ប្រភព៖ Reuters
https://www.reuters.com/world/middle-east/israel-raids-gazas-al-shifa-hospital-2023-11-15/#:~:text=GAZA%2C%20Nov%2015%20(Reuters),the%20fate%20of%20civilians%20inside