ADផ្ទាំងផ្សព្វផ្សាយពាណិជ្ជកម្ម

Picture

ក្រុមហ៊ុន​ផលិត​អា​គុយ EV របស់​ចិន​បោះ​ជំហាន​មុតមាំ ដណ្តើម​ចំណែក​ទីផ្សារ​កូរ៉េ​ខាងត្បូង​នៅ​អឺរ៉ុប

3 អាទិត្យ មុន

ប្រទេស​ចិន ៖ ចំ​ពេល​កំពុង​មានការ​ខ្វះខាត​ការ​ផ្គត់ផ្គង់​អា​គុយ​រថយន្ត​អគ្គិសនី​នោះ (EV) បណ្តា​ក្រុម

ប្រទេស​ចិន ៖ ចំ​ពេល​កំពុង​មានការ​ខ្វះខាត​ការ​ផ្គត់ផ្គង់​អា​គុយ​រថយន្ត​អគ្គិសនី​នោះ (EV) បណ្តា​ក្រុមហ៊ុន​ផលិត​របស់​ចិន កំពុង​ពង្រីក​ការ​ឈាន​ទៅ​ដល់​កាន់តែ​ជ្រៅ​ទៅ​ក្នុង​ទីផ្សារ​ទ្វីបអឺរ៉ុប ដែល​ជាទី​ផ្សារ​ធំ​ទី​២​របស់​ពិភពលោក​សម្រាប់​រថយន្ត​អគ្គិសនី ដែល​ប្រទេស​កូរ៉េ​ខាងត្បូង​ជា​គូប្រជែង​ធ្លាប់​ជា​អ្នកលេង​លេចធ្លោ​ខ្លាំង​។

អំឡុង​ឆ្នាំ ២០២១-២០២២ ក្រុមហ៊ុន LG Energy Solution, Samsung SDI និង SK On របស់​កូរ៉េ​ខាងត្បូង​បាន​កាន់កាប់ ៧០.៦% នៃ​ទីផ្សារ​អា​គុយ​រថយន្ត​អគ្គិសនី ដែល​កំពុង​រីក​ចម្រើន​ខ្លាំង​នៅ​អឺរ៉ុប ខណៈ​ដែល​បណ្តា​ក្រុមហ៊ុន​ចិន​មាន​ត្រឹម ៦.៧% ប៉ុណ្ណោះ​។ នេះ​បើ​តាម​ទិន្នន័យ​ពី​ទីភ្នាក់ងារ​តាមដាន​ទីផ្សារ SNE Research​។

ប៉ុន្តែ​ទោះ​យ៉ាងណា ការ​ដឹកនាំ​ដោយ​ក្រុមហ៊ុន​ផលិត​អា​គុយ​រថយន្ត​អគ្គិសនី​លេខ ១ របស់​ពិភពលោក CATL ក្រុមហ៊ុន​ផលិត​របស់​ចិន បាន​ជំរុញ​ចំណែក​ទីផ្សារ​ពួក​គេ​ឡើង​ដល់ ៤០.១% គិត​ត្រឹម​ខែមករា​ដល់​ខែកក្កដា​ឆ្នាំ​នេះ បើ​ធៀប​នឹង ៥៧% ដែល​ជា​ចំណែក​ក្រុមហ៊ុន​កំពូល​របស់​កូរ៉េ​ខាងត្បូង​ទាំង​៣​។

អ្នកជំនាញ​បាន​លើក​ឡើង​ថា ការ​ការពារ​ទីផ្សារ​នៅ​អឺរ៉ុប គឺ​មាន​សារៈសំខាន់​សម្រាប់​អ្នក​ផលិត​អា​គុយ​រថយន្ត​អគ្គិសនី​កូរ៉េ ដើម្បី​បង្កើន​ភាព​ជា​អ្នកដឹកនាំ​របស់​ពួក​គេ ខណៈ​ពួក​គេ​បាន​ធានា​នូវ​ជំហរ​រឹង​មាំ​នៅ​សហរដ្ឋអាមេរិក ដែល​ជាទី​ផ្សារ​រថយន្ត​អគ្គិសនី​ដ៏​ធំ​បំផុត ដែល​គោលនយោបាយ​គាំពារ​និយម​មាន​គោលបំណង​ប្រឆាំង​នឹង​វត្តមាន​របស់​ប្រទេស​ចិន នៅ​ក្នុង​វិស័យ​ឧស្សាហកម្ម​សំខាន់​ៗ ដែល​ផ្តល់​អត្ថប្រយោជន៍​សម្រាប់​កូរ៉េ​ខាងត្បូង​។

លោក Park Cheol-wan សាស្ត្រាចារ្យ​ផ្នែក​វិស្វកម្ម​រថយន្ត នៅ​សកល​វិទ្យាល័យ Seojeong បាន​លើក​ឡើង​យ៉ាង​ដូច្នេះ​ថា «​បើ​ប្រៀបធៀប​ទៅ​នឹង​សហរដ្ឋអាមេរិក ក្រុមហ៊ុន​ផលិត​អា​គុយ​រថយន្ត​អគ្គិសនី​របស់​កូរ៉េ​មិន​អាច​ទទួល​បាន​អត្ថប្រយោជន៍​ពី​វិធានការ​គោលនយោបាយ​អំណោយផល​នៅ​ទ្វីបអឺរ៉ុប​នោះ​ទេ ដែល​មាន​ន័យ​ថា ជា​ការ​ប្រកួតប្រជែង​បើកចំហ​ជាមួយ​ចិន ដែល​ជា​គូប្រជែង​។ ដោយ​ពិចារណា​លើ​ក្រុមហ៊ុន​ផលិត​រថយន្ត​នៅ​អឺរ៉ុប កំពុង​ទទួលយក​អា​គុយ​តម្លៃ​ថោក ដែល​ផលិត​នៅ​ចិន ក្រុមហ៊ុន​ចិន​អាច​មាន​លទ្ធភាព​ខ្ពស់​ក្នុង​ផ្នែក​នេះ ដែល​មាន​តម្លៃ​ទាប​ជាង​ដល់​ទៅ​ពាក់កណ្តាល​ឯណោះ​»​។

ក្រុមហ៊ុន​ចិន អាច​ត្រូវ​បាន​គេ​ស្គាល់​ដោយសារ​ការ​ប្រកួតប្រជែង​តម្លៃ​របស់​ពួក​គេ ដោយ​ថ្ម​លី​ចូ​ម​-​អ៊ីយ៉ុង​ផូស្វាត (Lithium-ion Phosphate) ជា​ផលិតផល​សំខាន់​។ ប៉ុន្តែ​ថ្មី​ៗ​នេះ ពួក​គេ​កំពុង​វិនិយោគ​ខ្លាំង​ក្នុង​ការ​ផលិត​ថ្ម​ផ្ទុក​អគ្គិសនី ដែល​មាន​តម្លៃ​ខ្ពស់​ដូច​ជា ថ្ម​នី​កែ​ល ម៉​ង់​ហ្គា​ណែ​ហ្ស និង កូ​បាល់ (Cobalt) ដើម្បី​ប្រកួតប្រជែង​ជាមួយនឹង​កូរ៉េ​ខាងត្បូង​។

សូម​ជម្រាប​ថា ក្រុមហ៊ុន​ចិន CATL គឺជា​អ្នក​នាំមុខ​ទីផ្សារ ដែល​មិន​អាច​ប្រៀបផ្ទឹម​បាន​ក្នុង​ចំណោម​ក្រុមហ៊ុន​នានា​របស់​ចិន​ដែល​កំពុង​ធ្វើ​អាជីវកម្ម​នៅ​អឺរ៉ុប ដោយ​បង្កើត​បាន​ស្ទើរតែ ៩០% នៃ​ការ​លក់​សរុប​របស់​ចិន​នៅ​ទីនោះ​៕ (​ប្រភព​ពី Asia News Network)

អត្ថបទសរសេរ ដោយ

កែសម្រួលដោយ