ប្រធានក្រុមហ៊ុន TEPCO ដែលគ្រប់គ្រងមជ្ឈមណ្ឌលនុយក្លេអ៊ែរហ្វូគូស៊ីម៉ាដែលមានបញ្ហាធ្លាយវិទ្យុសកម្មយ៉ាងអាក្រក់ក្រោយការរញ្ជួយដី និងស៊ូណាមីបានសុំលាលែងចេញពីតំណែងកាលពីថ្ងៃទី២០ ឧសភា បន្ទាប់ពីប្រកាសពីការខាតយ៉ាងច្រើនបំផុតជាប្រវត្តិសាស្ត្ររបស់សហគ្រាសនោះមក ។
ដោយលោកប្រកាសទទួលខុសត្រូវចំពោះវិបត្តិ។ នៅមុខសារព័ត៌មានលោកថ្លែងថា ខ្ញុំសូមទទួលខុសត្រូប្រធានរបស់ក្រុមហ៊ុន TOKYO ELECTRIC POWER CO. (TEPCO) លោកមីសាតាកា ស៊ីមីស៊ូ បានសុំទោសនៅឯទីស្នាក់ការក្រុមហ៊ុនក្នុងទីក្រុងតូក្យូវទាំងស្រុង ហើយសុំលាលែងចេញពីតំណែងជានិមិត្តរូបនៃការទទួលខុសត្រូវនោះ។ យើងបានធ្វើនូវអ្វីគ្រប់យ៉ាងតាមដែលយើងអាចធ្វើទៅបានដើម្បីដោះស្រាយវិបត្តិ។
រេអាក់ទ័រ៣របស់មជ្ឈមណ្ឌលនុយក្លេអ៊ែរហ្វូគូស៊ីម៉ារងការវាយប្រហារដោយសារការរញ្ជួយដី និងស៊ូណាមីកាលពីថ្ងៃទី១១ មីនា កន្លងមកនេះ ដែលបានបំផ្លាញប្រព័ន្ធធ្វើឱ្យត្រជាក់។ ការប៉ុនប៉ងនានាដើម្បីរារាំងការធ្លាយវិទ្យុសកម្ម ហើយត្រួតត្រាឡើងវិញលើរេអាក់ទ័រទាំងនោះមានការលំបាកយ៉ាងខ្លាំង។
ការសុំលាលែងរបស់ប្រធានក្រុមហ៊ុន TEPCO គេរង់ចាំជាពិសេស បន្ទាប់ពីការប្រកាសពីការខាតប្រាក់ដល់ទៅប្រមាណជា១០,៦ពាន់លានអឺរ៉ូសំរាប់ឆ្នាំសារពើពន្ធដែលបញ្ចប់ក្នុងខែមីនា ឆ្នាំ២០១១ ដែលក្នុងឆ្នាំសារពើពន្ធមុននេះក្រុមហ៊ុនចំណេញប្រាក់ចំនួន១១,៤លានអឺរ៉ូ ៕
ចែករំលែកព័តមាននេះ