ADផ្ទាំងផ្សព្វផ្សាយពាណិជ្ជកម្ម

Picture

ទីផ្សារ​ស្មា​ត​ហ្វូ​ន​ចិន​កើនឡើង នៅ​ពេល​ការ​លក់​ស៊េរី​ចុង​ក្រោយ​របស់ Xiaomi ផ្ទុះ​ឡើង

7 ខែ មុន

ចិន ៖ ក្រុម​អ្នកវិភាគ​ទីផ្សារ​ស្មា​ត​ហ្វូ​ន​អះអាង​ថា ការ​លក់​ស្មា​ត​ហ្វូ​ន​ស៊េរី​ចុង​ក្រោយ​បំផុត​របស់​ក្រុម

ចិន ៖ ក្រុម​អ្នកវិភាគ​ទីផ្សារ​ស្មា​ត​ហ្វូ​ន​អះអាង​ថា ការ​លក់​ស្មា​ត​ហ្វូ​ន​ស៊េរី​ចុង​ក្រោយ​បំផុត​របស់​ក្រុមហ៊ុន​ចិន Xiaomi ច្រើន​ជាង​១​លាន​គ្រឿងក្នុង​១​ស​ប្តា​ហ៍ ចាប់តាំងពី​ការ​ចេញ​លក់​លើក​ដំបូង គឺជា​សញ្ញា​ថ្មី​ដែល​បង្ហាញ​ថា ការ​ធ្លាក់​ចុះ​នៅ​ក្នុង​ទីផ្សារ​ទូរស័ព្ទ​របស់​ប្រទេស​ចិន​អាច​នឹង​ជិត​ដល់ទី​បញ្ចប់​ហើយ​។

តម្រូវការ​នៅ​ក្នុង​ប្រទេស ដែល​ជាទី​ផ្សារ​ស្មា​ត​ហ្វូ​ន​ដ៏​ធំ​បំផុត​របស់​ពិភពលោក បាន​ធ្លាក់​ចុះ​ជា​យូរ​មក​ហើយ ដោយសារ​តែ​ជំងឺ​រាតត្បាត​កូ​វី​ដ​-១៩ ហើយ​បន្ទាប់​មក​តស៊ូ​ជាមួយ​ការ​ធ្លាក់​ចុះ​សេដ្ឋកិច្ច​របស់​ប្រទេស​សេដ្ឋកិច្ច​ធំ​លំដាប់​ទី​២ ពិភពលោក​មួយ​នេះ ដែល​ធ្វើ​ឱ្យ​អតិថិជន​ត្រូវ​រង់ចាំ​រហូត​ទាល់តែ​ចេញ​ស៊េរី​ស្មា​ត​ហ្វូ​ន ដែល​ពួក​គេ​ពេញចិត្ត​បំផុត ទើប​ចំណាយ​ប្រាក់​ពី​ហោប៉ៅ​។

លោក Lei Jun នាយក​ប្រតិបត្តិ​ក្រុមហ៊ុន Xiaomi បាន​បង្ហោះ​សារ​នៅ​លើ​បណ្តាញ​សង្គម​ចិន Weibo កាលពី​ពេល​ថ្មី​ៗ​នេះ​ថា «​ការ​លក់​ស្មា​ត​ហ្វូ​ន Xiaomi 14 បាន​កើនឡើង​លើស​ពី​១​លាន​គ្រឿង​»​។ ម៉ូ​ដែល​នេះ បាន​ដាក់​លក់​នៅ​ប្រទេស​ចិន កាលពី​ថ្ងៃ​ទី​៣១ ខែតុលា ដោយ​ប្រើប្រាស់​បន្ទះ​ឈី​ប Snapdragon 8 Gen 3 processor របស់​ក្រុមហ៊ុន​អា​មេ​រិ​ក Qualcomm និង​កម្មវិធី HyperOS ដែល​ជា​កម្មសិទ្ធិ​របស់​ក្រុមហ៊ុន Xiaomi ផ្ទាល់​តែ​ម្តង​។

លោក Lei Jun

លោក Will Wong អ្នកវិភាគ​ក្រុមហ៊ុន​ស្រាវជ្រាវ​ឧស្សាហកម្ម IDC បាន​លើក​ឡើង​ថា ការ​បើក​ដំណើរការ​ដ៏​រឹង​មាំ​នេះ បាន​ពង្រឹង​ទីផ្សារ​ស្មា​ត​ហ្វូ​ន ដែល​ធ្លាក់​ចុះ​របស់​ចិន ដែល​មក​ពី​ការ​រួមចំណែក​ដ៏​សំខាន់​ផង​ដែរ នៃ​ការ​កើនឡើង​យ៉ាង​ខ្លាំង​ពី​ការ​លក់​របស់​ក្រុមហ៊ុន Huawei លើ​ស៊េរី Mate 60 ដែល​នេះ​គឺជា​ការ​ត្រលប់​មក​វិញ សម្រាប់​ក្រុមហ៊ុន​មាន​មូលដ្ឋាន​នៅ​ទីក្រុង​សិន​ជិន (Shenzhen) ខេត្ត​ក្វា​ង​ទុង (Guangdong) បន្ទាប់​ពី​សហរដ្ឋអាមេរិក​បាន​ដាក់​ការ​គ្រប់គ្រង​ដ៏​តឹង​រឹត​លើ​ការ​នាំ​ចេញ​លើ កាលពី​ឆ្នាំ ២០១៩ កន្លង​ទៅ​។ IDC ក៏​បាន​ព្យាករណ៍​ថា ទីផ្សារ​ចិន​កំពុង​ស្ថិត​នៅ​លើ​ផ្លូវ​ដើម្បី​សម្រេច​បាន​នូវ​កំណើន នៃ​ការ​លក់​ពី​មួយ​ឆ្នាំទៅ​មួយ​ឆ្នាំ​នៅ​ក្នុង​ត្រីមាស​ទី​៤ បន្ទាប់​ពី​ការ​ធ្លាក់​ចុះ ១០​ត្រីមាស​ជាប់​ៗ​គ្នា​។

ជាមួយនឹង​គ្នា​នោះ​ភ​ង​ដែរ អ្នក​រចនា​បន្ទះ​ឈី​ប​របស់​ក្រុមហ៊ុន​អា​មេ​រិ​ក Qualcomm ក៏​បាន​លើក​ឡើង​ថា ខ្លួន​កំពុង​មើលឃើញ​តម្រូវការ​ខ្លាំង​ពី​បណ្តា​ក្រុមហ៊ុន​ស្មា​ត​ហ្វូ​ន ជា​ពិសេស​នៅ​ក្នុង​ប្រទេស​ចិន​។

Xiaomi 14 ដែល​មាន​តម្លៃ​ចន្លោះ​ពី ៥៥០-៨៩០​ដុល្លារ តំណាង​ឱ្យ​ការ​ប៉ុនប៉ង​របស់​ក្រុមហ៊ុន Xiaomi ដើម្បី​ធ្វើ​ឱ្យ​កាន់តែ​ស៊ីជម្រៅ​ទៅ​ក្នុង​ទីផ្សារ​ស្មា​ត​ហ្វូ​ន​លំដាប់​កំពូល និង​ប្រកួតប្រជែង​ជាមួយ​ក្រុមហ៊ុន​អា​មេ​រិ​ក Apple និង​ក្រុមហ៊ុន​រួម​ជាតិ Huawei ៕ (​ប្រភព​ពី Reuters)

អត្ថបទសរសេរ ដោយ

កែសម្រួលដោយ