រដ្ឋាភិបាលលីប៊ីនិយាយកាលពីថ្ងៃទី១៩ ឧសភា កន្លងមកថា ខ្លួននឹងដកទ័ពចេញពីទីក្រុងនានា ក្នុងប្រទេសប្រសិនបើពួកឧទ្ទាមយល់ព្រមធ្វើដូច្នេះដែរ ។ ការផ្តល់នូវការដកទ័ពរបស់រដ្ឋាភិបាលលោកកាដាហ្វី នេះធ្វើឡើងផងដែរ ក្នុងលក្ខខណ្ឌដែលអង្គការអូតង់បញ្ឈប់ការវាយប្រហារតាមអាកាសប្រឆាំងទីតាំងកងកម្លាំងរបស់លោក
រដ្ឋាភិបាលលីប៊ីនិយាយកាលពីថ្ងៃទី១៩ ឧសភា កន្លងមកថា ខ្លួននឹងដកទ័ពចេញពីទីក្រុងនានា ក្នុងប្រទេសប្រសិនបើពួកឧទ្ទាមយល់ព្រមធ្វើដូច្នេះដែរ ។ ការផ្តល់នូវការដកទ័ពរបស់រដ្ឋាភិបាលលោកកាដាហ្វី នេះធ្វើឡើងផងដែរ ក្នុងលក្ខខណ្ឌដែលអង្គការអូតង់បញ្ឈប់ការវាយប្រហារតាមអាកាសប្រឆាំងទីតាំងកងកម្លាំងរបស់លោក ។
អ្នកនាំពាក្យរដ្ឋាភិបាលលីប៊ី លោក Mussa Ibrahim និយាយថា ពេលនេះយើងបានត្រៀមខ្លួនរួចជាស្រេច ដើម្បីដកទ័ពចេញពីទីក្រុងទាំងឡាយក្នុងប្រទេស ។
កាលពីល្ងាចថ្ងៃទី១៩ ឧសភា កន្លងមក លោកកាដាហ្វី បានបង្ហាញខ្លួនតាមកញ្ចក់ទូរទស្សន៍រដ្ឋមួយភ្លែត ប៉ុន្តែលោកមិនបានថ្លែងពីអ្វីនោះទេ ។
តាមប្រភពមួយថា រដ្ឋាភិបាលលោកកាដាហ្វី បានស្ម័គ្រចិត្តដកទ័ពចេញពីទីក្រុងនានា ក្រោយពីអង្គការអូតង់បន្តការវាយប្រហារតាមអាកាសប្រឆាំងកងកម្លាំងរបស់លោក ៕
ចែករំលែកព័តមាននេះ