អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ខេត្ត ឯកឧត្តម វ៉ី សំណាង កាលពីព្រឹកថ្ងៃទី៨ ខែវិច្ឆិកា ឆ្នាំ២០២៣កន្លងទៅ បានដឹកនាំក្រុមការងារទៅសួរសុខទុក្ខ និងផ្តល់ប្រាក់ឧបត្ថម្ភសម្រាប់សម្រាល
ខេត្តកំពង់ស្ពឺ ៖ អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ខេត្ត ឯកឧត្តម វ៉ី សំណាង កាលពីព្រឹកថ្ងៃទី៨ ខែវិច្ឆិកា ឆ្នាំ២០២៣កន្លងទៅ បានដឹកនាំក្រុមការងារទៅសួរសុខទុក្ខ និងផ្តល់ប្រាក់ឧបត្ថម្ភសម្រាប់សម្រាលការស្នាក់នៅព្យាបាល ដល់កម្មករកម្មការិនីចម្ការស្វាយចំនួន៣៤នាក់ ដែលកំពុងសម្រាកព្យាបាលនៅមន្ទីរពេទ្យបង្អែកខេត្ត ក្រោយជួបគ្រោះថ្នាក់ចរាចរណ៍កាលពីព្រឹកថ្ងៃទី៦ ខែវិច្ឆិកា ២០២៣ នៅតាមផ្លូវក្រាលកៅស៊ូ ចំណុចភូមិក្បាលទឹកលើ ឃុំជ៉ាំសង្កែ ស្រុកភ្នំស្រួច ។ មុននេះបានល្បីថា កម្មករដែលរងរបួសនោះមានចំនួន៦០នាក់ ។
ឯកឧត្តម វ៉ី សំណាង ថ្លែងថា គ្រោះថ្នាក់ពិតជាមើលមិនឃើញនោះទេ ការធ្វេសប្រហែសតែមួយវិនាទី បណ្តាលឱ្យយើងជួបនូវគ្រោះថ្នាក់ភ្លាម ។ ដូច្នេះហើយ ទើបទាមទារឱ្យយើងគ្រប់គ្នាតោងមានការប្រុងប្រយ័ត្នខ្ពស់ ពិសេសគឺអ្នកបើកបរ និងអ្នកបញ្ជាយានយន្តគ្រប់ប្រភេទ ។ ការធ្វេសប្រហែសមួយពេល ធ្វើឱ្យយើងត្រូវបាត់បង់គ្រប់យ៉ាង ត្រូវរងពិការភាព និងខ្លះត្រូវបា.ត់ប.ង់ទាំងអាយុជីវិ.តទៀតផង ។
ឯកឧត្តមអភិបាលខេត្តសង្កត់ធ្ងន់ថា «នេះពិតជាសំណាង ដែលមិនមានបងប្អូនណាម្នាក់ បា.ត់ប.ង់អាយុជីវិ.ត តែមានបងប្អូនខ្លះត្រូវប្រើរយៈពេលយូរ ដើម្បីសម្រាកព្យាបាលរបួសឱ្យបានជាសះស្បើយ ។ ទាំងនេះធ្វើឱ្យបងប្អូនមិនបានទៅបម្រើការងារ ដែលធ្វើឱ្យបាត់បង់ប្រាក់ចំណូលប្រចាំថ្ងៃ ។ យ៉ាងណាក៏ដោយ សូមបងប្អូនកុំទាន់គិតលើកត្តានេះអី គឺត្រូវគិតពីសុខភាពជាសំខាន់ និងខិតខំអនុវត្តតាមការណែនាំរបស់ក្រុមគ្រូពេទ្យ ដើម្បីឆាប់បានជាសះស្បើយ» ។
លោកវេជ្ជបណ្ឌិត ឃីម វិដាសែត ឯកទេសផ្នែកវះកា.ត់នៃមន្ទីរពេទ្យបង្អែកខេត្ត បានឱ្យដឹងថា កម្មករកម្មការិនីដែលជួបគ្រោះថ្នាក់មាន៥នាក់រងរបួសធ្ងន់ ដោយ២នាក់បាក់ឆ្អឹងដងកាំបិ.ត និង៣នាក់ប៉ះពាល់ក្បាលធ្ងន់ ។
បច្ចុប្បន្នពួកគាត់កំពុងស្ថិតក្រោមការព្យាបាលយ៉ាងយកចិត្តទុកដាក់ពីក្រុមគ្រូពេទ្យ ដែលការព្យាបាលនេះ នឹងប្រើរយៈពេលយូរ ។ ចំណែកអ្នករបួសស្រាលផ្សេងទៀត អាចប្រើរយៈពេលព្យាបាលត្រឹមតែមួយសប្តាហ៍ទៅ១០ថ្ងៃប៉ុណ្ណោះ នឹងអាចវិលទៅធ្វើការជាធម្មតាវិញហើយ ៕
ចែករំលែកព័តមាននេះ