មនុស្សយ៉ាងហោចណាស់ជិត៣០នាក់ បានស្លា.ប់បាត់បង់ជីវិត និងជិត៧០នាក់ទៀតរងរបួសនៅក្នុងការវាយប្រហារដោយការបំផ្ទុះគ្រាប់បែក២លើក ក្នុងពេលដំណាលគ្នានៅទីក្រុង Kirkuk ភាគខាងជើងអ៊ីរ៉ាក់ កាលពីយប់ថ្ងៃទី១៩ ឧសភា កន្លងមក ។ ប្រភពមួយនិយាយថា តាមរបាយការណ៍ចុងក្រោយមួយមនុស្ស២៧នាក់បានត្រូវស្លា.ប់
មនុស្សយ៉ាងហោចណាស់ជិត៣០នាក់ បានស្លាប់បាត់បង់ជីវិត និងជិត៧០នាក់ទៀតរងរបួសនៅក្នុងការវាយប្រហារដោយការបំផ្ទុះគ្រាប់បែក២លើក ក្នុងពេលដំណាលគ្នានៅទីក្រុង Kirkuk ភាគខាងជើងអ៊ីរ៉ាក់ កាលពីយប់ថ្ងៃទី១៩ ឧសភា កន្លងមក ។ ប្រភពមួយនិយាយថា តាមរបាយការណ៍ចុងក្រោយមួយមនុស្ស២៧នាក់បានត្រូវស្លាប់ និង៧០នាក់ទៀតរងរបួស ដោយការផ្ទុះគ្រាប់បែក២លើក ដែលកើតឡើងក្នុងពេលដំណាលគ្នា។
ការវាយប្រហារនោះកើតឡើងនៅពេលកំពុងមានមនុស្សធ្វើដំណើរយ៉ាងច្រើនកុះករនៅពេលគ្រាប់បែកបង្កប់ក្នុងរថយន្តដែលចតនៅចំណតទល់មុខទីស្នាក់ការប៉ូលិសនៅកណ្តាលទីក្រុង Kirkuk ត្រូវបានបំផ្ទុះ ។ ក្រោយមករថយន្តមួយគ្រឿងទៀតដែលផ្ទុកទៅដោយគ្រឿងផ្ទុះបានផ្ទុះនៅពេលកងកម្លាំងសន្តិសុខ និងមនុស្សម្នាទាំងឡាយប្រមូលផ្តុំគ្នានៅកន្លែងផ្ទុះលើកទីមួយ ។
ការផ្ទុះលើកទីមួយបណ្តាលឱ្យខូចខាតស្នាក់ការប៉ូលិសមួយផ្នែកធំ ហើយភាគច្រើននៃអ្នកស្លាប់ និងរបួសជាប៉ូលិស ។ ពុំមានក្រុមណាមួយអះអាងទទួលខុសត្រូវចំពោះការវាយប្រហារបំផ្ទុះគ្រាប់បែកទាំងនោះនៅឡើយទេ ៕
ចែករំលែកព័តមាននេះ