ការរញ្ជួយដីមួយមានកម្លាំង៥,៩រីស្ទ័រកើតមានកាលពីយប់ថ្ងៃទី១៩ ឧសភា នៅភាគពាយ័ព្យតួកគី ។ ទីភ្នាក់ងារសារព័ត៌មានផ្លូវការប្រទេសនេះ ANATOLIE រាយការណ៍ដំបូងពីមនុស្សស្លា.ប់ម្នាក់ និងការខូចខាតនានា ។ ចំណុចកណ្តាលនៃការរញ្ជួយដីនេះដែលកើតមានកាលពីវេលាម៉ោង២២និង១៥នាទី ម៉ោងនៅក្រុងប៉ារីស
ការរញ្ជួយដីមួយមានកម្លាំង៥,៩រីស្ទ័រកើតមានកាលពីយប់ថ្ងៃទី១៩ ឧសភា នៅភាគពាយ័ព្យតួកគី ។ ទីភ្នាក់ងារសារព័ត៌មានផ្លូវការប្រទេសនេះ ANATOLIE រាយការណ៍ដំបូងពីមនុស្សស្លាប់ម្នាក់ និងការខូចខាតនានា ។
ចំណុចកណ្តាលនៃការរញ្ជួយដីនេះដែលកើតមានកាលពីវេលាម៉ោង២២និង១៥នាទី ម៉ោងនៅក្រុងប៉ារីស ស្ថិតនៅស៊ីម៉ាវ ជាមូលដ្ឋានមួយនៃខេត្ត KIITAHYA ស្ថិតនៅចម្ងាយប្រមាណជា៣១០គីឡូម៉ែត្រ ខាងលិចរដ្ឋធានីអង់ការ៉ា ។ ការរញ្ជួយដីនេះ បណ្តាលឱ្យមានការញ័ររង្គើរហូតដល់ទីក្រុងអ៊ីស្តង់ប៊ុលជាទីក្រុងធំបំផុតរបស់តួកគីមានប្រជាជនជាង១២លាននាក់ ។ ការរញ្ជួយដីនេះញ៉ាំងឱ្យមានការភ័យជ្រួលច្របល់នៅ KIITAHYA និងក្នុងតំបន់ដទៃៗទៀតដោយប្រជាជននាំគ្នារត់មកនៅតាមដងវិថីទាំងឡាយ ។
ការរញ្ជួយដីកម្លាំងប៉ុណ្ណោះជាទូទៅបង្កឱ្យមានការខូចខាតធ្ងន់ធ្ងរនៅតួកគី ។ កាលពីឆ្នាំ១៩៧០ គ្រោះមហន្តរាយរញ្ជួយដីមួយកម្លាំងប្រហាក់ប្រហែលគ្នានេះបានសម្លាប់មនុស្សជាង១.០០០នាក់ ក្នុងខេត្ត KIITAHYA ៕
ចែករំលែកព័តមាននេះ