សម្តេចធិបតី ហ៊ុន ម៉ាណែត រំលឹកថា ពេលសម្តេចចាប់ក្នុងផ្ទៃបាន៧ខែ ត្រូវជាប់គុកជាមួយម្តាយ
ខេត្តព្រះសីហនុ ៖ នាយករដ្ឋមន្ដ្រី នៃកម្ពុជា បានរំលឹកថា នៅពេលសម្តេចកំណើតចាប់ក្នុងផ្ទៃម្តាយ បាន៧ខែ ត្រូវជាប់គុកជាមួយម្តាយ នៅសម័យ ប៉ុល…
ខេត្តព្រះសីហនុ ៖ នាយករដ្ឋមន្ដ្រី នៃកម្ពុជា បានរំលឹកថា នៅពេលសម្តេចកំណើតចាប់ក្នុងផ្ទៃម្តាយ បាន៧ខែ ត្រូវជាប់គុកជាមួយម្តាយ នៅសម័យ ប៉ុល ពត ។
នាឱកាសអញ្ជើញជួបសំណេះសំណាលជាមួយកម្មករនិយោជិតជាង ១ម៉ឺននាក់ នៅតាមបណ្តារោងចក្រ សហគ្រាស មានមូលដ្ឋាន ក្នុងតំបន់សេដ្ឋកិច្ចពិសេស ខេត្តព្រះសីហនុ នៅព្រឹកថ្ងៃទី៧ ខែវិច្ឆិកា ឆ្នាំ២០២៣ សម្តេចធិបតី ហ៊ុន ម៉ាណែត នាយករដ្ឋមន្ត្រី បានថ្លែងថា ទារកកើតនៅអំឡុងពេលនេះ មានសំណាងខ្ពស់ជាងឪពុក-ម្ដាយរបស់សម្តេច ដែលកើតក្នុងអំឡុងរបបខ្មែរក្រហម (ប៉ុល ពត) ។
សម្ដេចធិបតី បានគូសបញ្ជាក់ថា ៖ «ថ្ងៃមុន ខ្ញុំធ្លាប់ប្រាប់គេថា ខ្ញុំធ្លាប់ជាប់គុក នៅជំនាន់ ប៉ុល ពត ។ គេថា ម៉េចអ៊ីចឹង ? មកពីកាលជំនាន់ ប៉ុល ពត ពុកគាត់រត់ចេញទៅតស៊ូ អ៊ីចឹងគេដាក់ម៉ែក្នុងគុក ហើយខ្ញុំ អាយុ៧ខែ នៅក្នុងពោះ ក៏ជាប់គុកដែរ» ។
សម្ដេចបន្ដថា នៅពេលសម្ដេច កើតចេញមកវិះនឹងស្លា.ប់ទៀត ព្រោះពេលនោះ បានកៅ្តខ្លួនខ្លាំង មិនមានថ្នាំពេទ្យឡើយ ។
ជាមួយគ្នានោះដែរ សម្ដេចធិបតី ក៏បានរំលឹកទៀតថា បងប្រុសទីមួយរបស់សម្ដេច បានស្លា.ប់ដោយសារធ្លាក់ពីលើដៃរបស់គ្រូពេទ្យ ។
ចំពោះស្ថានភាព បច្ចុប្បន្នពីបញ្ហាសុខភាពទារក និងម្តាយវិញ សម្ដេចធិបតីនាយករដ្ឋមន្ដ្រី ក៏បន្ថែមថា ប៉ុន្ដែឥឡូវនេះ កូនៗពេទ្យដឹងសុខភាព និងភេទតាំងពីក្នុងពោះម្ដាយ ហើយក៏មានពេទ្យ នៅដល់មូលដ្ឋានជាប់ជាប្រចាំ ផងដែរ ។
ក្នុងឱកាសនោះដែរ សម្ដេចនាយករដ្ឋមន្ត្រី ចាត់ទុកថា «ទាំងនេះហើយ ជាការវិវត្តន៍របស់ប្រទេសកម្ពុជា» ៕
ចែករំលែកព័តមាននេះ