មន្ត្រីអាវុធហត្ថខណ្ឌចំការមនម្នាក់ បានស្លា.ប់បា.ត់ប.ង់ជីវិ.តភ្លាមៗនៅនឹងកន្លែងកើតហេតុ និងនារីម្នាក់ទៀតរងរបួសធ្ងន់ ខណៈពេលអ្នកទាំង២កំពុងតែជិះម៉ូតូធ្វើដំណើរតាមផ្លូវ ហើយក៏ស្រាប់តែត្រូវ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា មន្ត្រីអាវុធហត្ថខណ្ឌចំការមនម្នាក់ បានស្លា.ប់បា.ត់ប.ង់ជីវិ.តភ្លាមៗនៅនឹងកន្លែងកើតហេតុ និងនារីម្នាក់ទៀតរងរបួសធ្ងន់ ខណៈពេលអ្នកទាំង២កំពុងតែជិះម៉ូតូធ្វើដំណើរតាមផ្លូវ ហើយក៏ស្រាប់តែត្រូវរថយន្តតូយ៉ូតាព្រុសមួយគ្រឿង បើកជ្រុលទៅបុ.កពេញទំហឹងតែម្ដង។ បន្ទាប់ពីបង្កហេតុរួច រថយន្តបង្កក៏បើករត់គេចបាត់ស្រមោល បង្កឱ្យមានការភ្ញាក់ផ្អើលកាលពីវេលាម៉ោង២និង៥០នាទីរំលងអធ្រាត្រឈានចូលថ្ងៃទី៤ ខែវិច្ឆិកា ឆ្នាំ២០២៣ នៅចំណុចផ្លូវ២១៤ កែងផ្លូវ៥១ ហៅផ្លូវប៉ាស្ទ័រ ស្ថិតក្នុងសង្កាត់បឹងរាំង ខណ្ឌដូនពេញ ។
សេចក្តីរាយការណ៍បន្តថា ស.ពជនរងគ្រោះខាងលើមានឈ្មោះ ភាង មុន្នីសក្តិ ភេទប្រុស អាយុ៣០ឆ្នាំ ជាមន្ត្រីកងរាជអាវុធហត្ថមូលដ្ឋានខណ្ឌចំការមន នឹងមានស្រុកកំណើតនៅខេត្តកំពង់ចាម ។ ដោយឡែកនារីម្នាក់ទៀតមិនបានឱ្យស្គាល់អត្តសញ្ញាណនោះទេ គ្រាន់តែដឹងថា នារីរងគ្រោះរងរបួសធ្ងន់ ហើយកំពុងតែសម្រាកព្យាបាលនៅមន្ទីរពេទ្យ។
តាមប្រភពព័ត៌មានពីកន្លែងកើតហេតុ បានប្រាប់ឱ្យដឹងថា មុនពេលកើតហេតុ គេបានឃើញបុរសម្នាក់ដែលគេស្គាល់ថា គឺជាមន្ត្រីកងរាជអាវុធហត្ថខណ្ឌចំការមន បានជិះម៉ូតូម៉ាក yamaha filano ពណ៌ក្រហម ពាក់ស្លាកលេខ ភ្នំពេញ1IN 1318 ជិះឌុបនារីម្នាក់ ធ្វើដំណើរតាមបណ្ដោយផ្លូវលេខ២១៤ ទិសដៅពីលិចទៅកើត។
ប្រភពដដែលបន្តថា លុះពេលបើកមកដល់ចំណុចកើតហេតុ ដែលជាផ្លូវបំបែកជាបួន ក៏ស្រាប់តែមានរថយន្តម៉ាកតូយូតាព្រុស មិនចាំស្លាកលេខ មួយគ្រឿង ធ្វើដំណើរតាមបណ្តោយផ្លូវលេខ៥១ ហៅផ្លូវប៉ាស្ទ័រ ទិសដៅពីជើងទៅត្បូង ក្នុងល្បឿនលឿន ហើយក៏ជ្រុលទៅបុ.កម៉ូតូរបស់ជនរងគ្រោះចំពាក់កណ្ដាលយ៉ាងពេញទំហឹងតែម្ដង បណ្តាលឲ្យម៉ូតូអូសខ្ទាតជាច្រើនម៉ែត្ររងការខូចខាត ព្រមទាំងធ្វើឲ្យបុរសជាអ្នកបើកម៉ូតូហោះផ្លោងទៅចិញ្ចើមផ្លូវ បណ្ដាលឱ្យស្លា.ប់នៅនឹងកន្លែងកើតហេតុភ្លាមៗ ចំណែកឯនារីអង្គុយខាងក្រោយវិញ រងរបួសធ្ងន់ធ្ងរ ហើយត្រូវបានដឹកតាមរថយន្តសង្គ្រោះយកទៅសង្គ្រោះនៅមន្ទីរពេទ្យកាល់ម៉ែតភ្លាមៗផងដែរ។ ដោយឡែករថយន្តបង្កវិញ ក៏រងការខូចខាតផែ្នកខាងមុខ ប៉ុន្តែភា្លមៗនោះរថយន្តបង្កក៏បានបន្ថែមល្បឿន បើករត់គេចខ្លួនបាត់ស្រមោលតែម្តងទៅ។
ពាក់ព័ន្ធក្នុងហេតុការណ៍ខាងលើនេះដែរ បន្តិចក្រោយមក ក៏មានកម្លាំងសមត្ថកិច្ច ក៏ដូចជាកម្លាំងអាវុធហត្ថដែលជាក្រុមការងារជាមួយគ្នា បានចុះទៅដល់កន្លែងកើតហេតុ និងជួយទាក់ទងសាច់ញាតិជនរងគ្រោះ ក៏ដូចជាដាក់កម្លាំង ដើម្បីជួយធ្វើការស្រាវជ្រាវស្វែងរករថយន្តបង្កនោះផងដែរ ។
ក្រោយពេលពេលកើតហេតុ ស.ពជនរងគ្រោះត្រូវបានប្រគល់ឱ្យសាច់ញាតិដឹកយកទៅចាត់ចែងធ្វើបុណ្យតាមប្រពៃណីនៅឯស្រុកកំណើត ចំណែកម៉ូតូជនរងគ្រោះវិញ ត្រូវបានសមត្ថកិច្ចជំនាញចរាចរណ៍ធ្វើការវាស់វែង រួចយករក្សាទុកនៅការិយាល័យនគរបាលចរាចរណ៍ផ្លូវគោក ដើម្បីធ្វើការស្រាវជ្រាវស្វែងរករថយន្តបង្កជាអ្នកបើកបរ យកមកចាត់ការតាមនីតិវិធីនៃច្បាប់៕
ចែករំលែកព័តមាននេះ