សំណង់ទ្វារទឹកព្រៃខ្ពស់ ប្រជាពលរដ្ឋនាំគ្នាដាក់ស្បៃមុង ហើយត្រីជាច្រើនក្បាលលោ.តចូលក្នុងស្បៃមុត ពលរដ្ឋក៏នាំគ្នាដួសយកទៅលក់ ដោយ១ថ្ងៃជិត១តោនឯណោះ។ ប្រជាពលរដ្ឋរកត្រីនេះ គឺបានជិត១សប្តាហ៍មកហើយ បើគិតរហូតមកដល់
ខេត្តបន្ទាយមានជ័យ ៖ សំណង់ទ្វារទឹកព្រៃខ្ពស់ ប្រជាពលរដ្ឋនាំគ្នាដាក់ស្បៃមុង ហើយត្រីជាច្រើនក្បាលលោ.តចូលក្នុងស្បៃមុត ពលរដ្ឋក៏នាំគ្នាដួសយកទៅលក់ ដោយ១ថ្ងៃជិត១តោនឯណោះ។ ប្រជាពលរដ្ឋរកត្រីនេះ គឺបានជិត១សប្តាហ៍មកហើយ បើគិតរហូតមកដល់ថ្ងៃទី០១ ខែវិច្ឆិកា ឆ្នាំ២០២៣នេះ ស្ថិតនៅក្នុងភូមិ-ឃុំព្រៃខ្ពស់ ស្រុកបវេល ខេត្តបាត់ដំបង។
បើតាមប្រជាពលរដ្ឋ បានប្រាប់ឱ្យដឹងថា «សំណង់ទ្វារទឹកព្រៃខ្ពស់ នៅពេលដែលរដូវទឹកស្រក ធ្លាក់ខ្យល់ ប្រជាពលរដ្ឋនាំគ្នាដាក់ស្បៃមុងលើទឹកមុខទ្វារទឹក ហើយត្រីក៏លោ.តចូលស្បៃមុងនោះជាច្រើនក្បាល បន្ទាប់មកពលរដ្ឋក៏នាំគ្នាដួសយកត្រីមកលក់ ដោយក្នុង១ថ្ងៃជិត១.០០០គីឡូក្រាមស្មើនឹងជិត១តោន ក្នុងនោះមានដូចជា ៖ ត្រី.ស ឬត្រីរៀល។ នៅពេលចាប់ត្រីបានហើយ ប្រជាពលរដ្ឋក៏នាំគ្នាលក់នៅក្បែរសំណង់ ដោយនៅពេលព្រឹកលក់ក្នុង១គីឡូក្រាម តម្លៃ១.៥០០រៀល លុះពេលថ្ងៃរសៀលរហូតដល់ល្ងាច លក់ក្នុង១គីឡូក្រាម តម្លៃ១,០០០រៀល»។
ប្រជាពលរដ្ឋបានបញ្ជាក់ថា «ត្រីដែលដាក់ស្បៃមុងត្រងត្រីលក់នេះ ជាត្រីទឹកឡើង គឺនៅពេលទឹកហូរទៅផ្នែកខាងក្រោម រដូវទឹកសម្រក ដែលដាក់ត្រីត្រូវបានរយៈពេលជិត១សប្តាហ៍។ ប៉ុន្តែរយៈពេល១ថ្ងៃ ទៅ២ថ្ងៃនេះ ដាក់ត្រីត្រឹមតែ៥នាទី ពលរដ្ឋអាចដួសត្រីចេញពីស្បៃមុងបានប្រមាណ៣០គីឡូក្រាម។ បើរយៈពេលពេញ១ថ្ងៃវិញ គឺបានប្រមាណជិត១.០០០គីឡូក្រាម ស្មើនឹងជិត១តោនឯណោះ។ ហើយត្រីដែលប្រជាពលរដ្ឋទិញយកទៅនោះ គឺត្រីស ឬត្រីរៀលតូចៗ ដើម្បីយកទៅធ្វើត្រីប្រហុក និងត្រីដែលធំល្មមៗ គឺយកទៅដោតចង្កាក់ឆ្អើរលក់ ព្រោះបានថ្លៃជាង»។
ប្រជាពលរដ្ឋបានបញ្ជាក់ថា «សំណង់ព្រៃខ្ពស់នេះ នៅពេលបើកទឹកស្រក ធ្លាក់ទៅដងស្ទឹងមង្គលបូរី និងដងស្ទឹងសិរីសោភ័ណ្ឌ ហើយពេលដែលរដូវទឹកស្រក ធ្លាក់ខ្យល់វិញ ត្រីឡើងពីដងស្ទឹងមង្គលបូរី ជាប់ព្រំប្រទល់ស្រុកបវេល ខេត្តបាត់ដំបង ហើយសំណង់ទ្វារទឹកនេះ ផលប្រយោជន៍លើវិស័យកសិកម្ម និងនេសាទរកបានជារៀងរាល់ឆ្នាំ ខណៈពេលដែលរដូវទឹកសម្រកធ្លាក់ខ្យល់ម្ដងៗ»៕
ចែករំលែកព័តមាននេះ