លោក ប្លង់ សុផល ព្រះរាជអាជ្ញារង និងជាអ្នកនាំពាក្យនៃអយ្យការអមសាលាដំបូងរាជធានីភ្នំពេញ បានឲ្យដឹងកាលពីរសៀលថ្ងៃទី៣០ ខែតុលា ឆ្នាំ២០២៣នេះថា សំណុំរឿងជនជាតិចិន១០នាក់ ត្រូវបានលោក គឹម ហុងសាន្ត ព្រះរាជអាជ្ញារង ធ្វើការ
រាជធានីភ្នំពេញ ៖ លោក ប្លង់ សុផល ព្រះរាជអាជ្ញារង និងជាអ្នកនាំពាក្យនៃអយ្យការអមសាលាដំបូងរាជធានីភ្នំពេញ បានឲ្យដឹងកាលពីរសៀលថ្ងៃទី៣០ ខែតុលា ឆ្នាំ២០២៣នេះថា សំណុំរឿងជនជាតិចិន១០នាក់ ត្រូវបានលោក គឹម ហុងសាន្ត ព្រះរាជអាជ្ញារង ធ្វើការចោទប្រកាន់ជាផ្លូវការហើយ ។
លោក ប្លង់ សុផល បញ្ជាក់ទៀតថា សំណុំរឿងនេះ តំណាងអយ្យការបានបើកការស៊ើបសួរពីបទ «ស្ថានទម្ងន់ទោស នៃសញ្ចារក.ម្ម ការដឹកនាំពេ.ស្យាចារ និងរូបភាព ព្រមទាងសម្ភារៈអា.សអា.ភា.ស» ដែលបទល្មើសព្រហ្មទណ្ឌនេះ មានចែងតាមបញ្ញត្តិមាត្រា២៧ មាត្រា២៩ និងមាត្រា៣០ នៃច្បាប់ស្តីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេ.ទ។
ក្រោយពីតំណាងអយ្យការចោទប្រកាន់រួចរាល់ហើយ សំណុំរឿងនេះបានចាត់ទៅខាងចៅក្រមស៊ើបសួរ ដើម្បីសម្រេចឃុំខ្លួនជនសង្ស័យជាជនជាតិចិនទាំង១០នាក់ ដាក់ពន្ធនាគារជាបណ្តោះអាសន្ន ដោយរង់ចាំបើកសវនាការផ្តន្ទាទោសតាមផ្លូវច្បាប់ ។
សូមបញ្ជាក់ថា នារសៀលថ្ងៃទី២៧ ខែតុលា ឆ្នាំ២០២៣ រថយន្ត២គ្រឿងរបស់កម្លាំងសមត្ថកិច្ចនាយកដ្ឋាននគរបាលព្រហ្មទណ្ឌក្រសួងមហាផ្ទៃ បានបញ្ជូនជនជាតិចិនចំនួន១០នាក់ទៅសាលាដំបូងរាជធានីភ្នំពេញ ពាក់ព័ន្ធករណី«ថតរឿងក្តៅសា.ច់នៅក្នុងសណ្ឋាគារមួយកណ្តាលរាជធានីភ្នំពេញ»។
ជនសង្ស័យជាជនជាតិចិនទាំង១០នាក់ខាងលើនេះ រួមមាន ៖ ១- ឈ្មោះ LIU YULONG, ២-ឈ្មោះ LUO DONG, ៣- ឈ្មោះ WANG XIAO BOA, ៤- ឈ្មោះ XU YUN PENG, ៥- ឈ្មោះ GUO BAO JIAN, ៦- ឈ្មោះ LU KANG, ៧- ឈ្មោះ WANG LI WEI, ៨- ឈ្មោះ ZHA JIAN CHENG, ៩- ឈ្មោះ GU YANG BOA និង១០- ឈ្មោះ JING YANG YANG ។
ពួកគេត្រូវបានសមត្ថកិច្ចកសាងសំណុំរឿងបញ្ជូនទៅកាន់តុលាការ ពាក់ព័ន្ធពីបទ «សញ្ចារក.ម្ម ការដឹកនាំពេ.ស្យាចារ និងផលិតចែកចាយរូបភាពវីដេអូអា.សអា.ភា.ស» តាមពាក្យបណ្តឹងរបស់នារីរងគ្រោះចំនួន២នាក់ ។ ហើយសំណុំរឿងបានស្ថិតនៅលោក គឹម ហុងសាន្ត ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បើកការស៊ើបសួរ ប៉ុន្តែនៅរសៀលថ្ងៃខាងលើនេះ តំណាងអយ្យការមិនទាន់បានធ្វើការសាកសួរជនសង្ស័យនៅឡើយទេ ដោយពេលផុតម៉ោងមន្ត្រីរាជសម្រាក ដូច្នោះទើបសមត្ថកិច្ចតម្រូវឲ្យនាំខ្លួនក្រុមជនសង្ស័យយកទៅគ្រប់គ្រងជាបណ្តោះអាសន្នវិញ ។
សូមបញ្ជាក់ថា នាយកដ្ឋាននគរបាលព្រហ្មទណ្ឌក្រសួងមហាផ្ទៃ បានដាក់កម្លាំងចុះឡោមព័ទ្ធទីតាំងអគារមួយកន្លែង និងបានឃាត់ខ្លួនជនបរទេសជាច្រើននាក់ ដោយសង្ស័យពាក់ព័ន្ធករណីផលិតរឿងបែប (អា.សអា.ភា.ស) បង្កឱ្យមានការភ្ញាក់ផ្អើលកាលពីវេលាម៉ោង៨យប់ ថ្ងៃទី២៤ ខែតុលា ឆ្នាំ២០២៣ នៅលើកំណាត់ផ្លូវលេខ៣១០ ស្ថិតក្នុងសង្កាត់បឹងកេងកង១ ខណ្ឌបឹងកេងកង រាជធានីភ្នំពេញ ។
សូមបញ្ជាក់បន្តថា មុនពេលកើតហេតុ មាននារីខ្មែរ២នាក់ ជាជនរងគ្រោះ បានទៅដាក់ពាក្យបណ្តឹងនៅក្រសួងមហាផ្ទៃ ដោយចោទប្រកាន់ជនជាតិចិន១ក្រុមនោះថា យកពួកនាងទៅថត និងផលិតរឿងជាវីដេអូក្តៅសា.ច់បែបអា.សអា.ភា.សនៅក្នុងបន្ទប់ជាន់ទី៩ នៃអគាកើតហេតុខាងលើ។
ក្រោយពីទទួលបានព័ត៌មាននោះភ្លាម កម្លាំងសមត្ថកិច្ចនាយកដ្ឋាននគរបាលព្រហ្មទណ្ឌក្រសួងមហាផ្ទៃដឹកនាំផ្ទាល់ដោយលោកឧត្តមសេនីយ៍ឯក ង៉េង ជួ ប្រធាននាយកដ្ឋាន ក្រោមការចង្អុលបង្ហាញពីនាយឧត្តមសេនីយ៍ ស ថេត អគ្គស្នងការនគរបាលជាតិ និងមានការសម្របសម្រួលពីស្ថាប័នអយ្យការអមសាលាដំបូងរាជធានីភ្នំពេញ បានដាក់កម្លាំងជាច្រើននាក់ រួមមាន ៖ ឯកសណ្ឋានអាវក្រោះ និងកាំភ្លើ.ងវែងខ្លីស្ទើរគ្រប់ដៃ ចុះទៅឡោមព័ទ្ធទីតាំងអគារមួយកន្លែងនោះ ព្រមទាំងធ្វើការឃាត់ខ្លួនជនបរទេសប្រមាណជិត៥០នាក់ ដោយសង្ស័យជាប់ពាក់ព័ន្ធករណីថត និងផលិតរឿងវីដេអូបែបអា.សអា.ភា.ស។
ក្រោយពេលឃាត់ខ្លួនជនជាតិចិនទាំងអស់នោះ សមត្ថកិច្ចក៏ធ្វើការដកហូតវត្ថុតាងពាក់ព័ន្ធបទល្មើសមួយចំនួនផងដែរ និងនាំទៅកាន់នាយកដ្ឋាននគរបាលព្រហ្មទណ្ឌ ដើម្បីសាកសួរ និងចម្រាញ់រកជនពាក់ព័ន្ធបទល្មើស ដើម្បីកសាងសំណុំរឿងបញ្ជូនទៅកាន់តុលាការ ។ ដូច្នោះ គឺលទ្ធផលចុងក្រោយ មានតែជនសង្ស័យ១០នាក់ប៉ុណ្ណោះ ដែលជាប់ពាក់ព័ន្ធ ចំណែកក្រៅពីនោះ សមត្ថកិច្ចបានធ្វើការឃាត់ខ្លួនក្នុងរង្វង់ប្រតិបត្តិការ បន្ទាប់មកត្រូវបានអនុញ្ញាតឲ្យវិលត្រឡប់ទៅផ្ទះវិញហើយ៕
ចែករំលែកព័តមាននេះ