កម្លាំងនាយដ្ឋានប្រឆាំងបទល្មើសល្បែ.ងពាណិជ្ជកម្ម នៃអគ្គស្នងការនគរបាលជាតិ បានធ្វើការឆ្មក់បង្ក្រាបទីតាំងល្បែ.ងស៊ីសងអេឡិចត្រូនិកមួយកន្លែង នៅតំបន់ផ្សារចិន ដោយធ្វើការឃាត់ខ្លួនមនុស្សប្រុសស្រីជាង៨០នាក់
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា កម្លាំងនាយដ្ឋានប្រឆាំងបទល្មើសល្បែ.ងពាណិជ្ជកម្ម នៃអគ្គស្នងការនគរបាលជាតិ បានធ្វើការឆ្មក់បង្ក្រាបទីតាំងល្បែ.ងស៊ីសងអេឡិចត្រូនិកមួយកន្លែង នៅតំបន់ផ្សារចិន ដោយធ្វើការឃាត់ខ្លួនមនុស្សប្រុសស្រីជាង៨០នាក់ បង្កឱ្យមានការភ្ញាក់ផ្អើលកាលពីវេលាម៉ោង៨យប់ ថ្ងៃទី៣១ ខែតុលា ឆ្នាំ២០២៣ នៅចំណុចទីតាំងយីហោ «ការកម្សាន្តក្រោន» ទល់មុខអគារឌឹកព្រីត ផ្លូវ៦៨ ស្ថិតក្នុងសង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មានពីកន្លែងកើតហេតុបានប្រាប់ឱ្យដឹងថា ទីតាំងខាងលើនេះ គឺជាទីតាំងបើកល្បែ.ងស៊ីសងអេឡិចត្រូនិកខុសច្បាប់ ដោយមានមនុស្សប្រុសស្រី រួមទាំងជនបរទេសផងដែរ បាននាំគ្នាចូលទៅក្នុងទីតាំងនោះ ដោយមិនមានការបង្ក្រាបពីអាជ្ញាធរមូលដ្ឋាននោះទេ ។
ប្រភពដដែលបន្តថា លុះនៅវេលាយប់ថ្ងៃទី៣១ ខែតុលា ឆ្នាំ២០២៣នេះ កម្លាំងនាយកដ្ឋានប្រឆាំងបទល្មើសល្បែ.ងស៊ីសងពាណិជ្ជកម្ម នៃអគ្គស្នងការនគរបាលជាតិ បានធ្វើការឆ្មក់បង្ក្រាបទីតាំងខាងលើ ដោយសហការជាមួយនឹងអាជ្ញាធរសមត្ថកិច្ចមូលដ្ឋាន ធ្វើការឃាត់ខ្លួនមនុស្សប្រុសស្រីជាង៨០នាក់ ក្នុងនោះរួមមាន ៖ ជនជាតិខ្មែរ ចិន និងវៀតណាម រួមទាំងដកហូតសម្ភារៈអេឡិចត្រូនិក ដែលប្រព្រឹត្តិឱ្យល្បែ.ងស៊ីសងមួយចំនួនទៀតផង។
ក្រោយរង្វង់ប្រតិបត្តិការខាងលើនេះ មនុស្សប្រុសស្រីទាំងអស់ រួមទាំងវត្ថុតាង ត្រូវបានសមត្ថកិច្ចនាំខ្លួនយកទៅសួរនាំតាមជំនាញ នៅនាយកដ្ឋានប្រឆាំងបទល្មើសល្បែ.ងស៊ីសងពាណិជ្ជកម្ម នៃអគ្គស្នងការនគរបាលជាតិផងដែរ ៕
ចែករំលែកព័តមាននេះ