ចាប់បានហើយ! ជនសង្ស័យបើកឡានបុ.កនគរបាលចរាចរណ៍ គឺជានគរបាលក្រុងស្វាយរៀងជាមួយគ្នា
- ស្វាយរៀង
ខេត្តស្វាយរៀង ៖ មានករណីគ្រោះថ្នាក់ចរាចរណ៍ដ៏រន្ធ.ត់មួយបានកើតឡើង ខណៈលោកនាយរងផ្នែក
ខេត្តស្វាយរៀង ៖ មានករណីគ្រោះថ្នាក់ចរាចរណ៍ដ៏រន្ធ.ត់មួយបានកើតឡើង ខណៈលោកនាយរងផ្នែកសណ្តាប់ធ្នាប់នគបាលចរាចរណ៍នៃអធិការដ្ឋាននគបាលក្រុងស្វាយរៀងម្នាក់កំពុងឈរមើលសណ្តាប់ធ្នាប់នៅលើចិញ្ចឹមផ្លូវជាតិលេខ១ ស្រាប់តែត្រូវរថយន្តមួយគ្រឿងម៉ាកព្រូស ពណ៌ស បុ.កយ៉ាងពេញទំហឹង បណ្តាលឱ្យលោកនាយរងផ្នែកសណ្តាប់ធ្នាប់ចរាចរណ៍រូបនោះរងរបួសធ្ងន់ធ្ងរ បាក់ឆ្អឹងជំនីរ បាក់ដងកាំបិត បាក់ដៃម្ខាង ដាច់ជង្គង់ទាំងសងខាង បាក់ថ្គាម និងពកក្បាលធ្ងន់ធ្ងរសន្លប់នៅនិងកន្លែងគួរឲ្យសង្វេគ។
ករណីគ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង៦និ១០នាទីព្រឹកថ្ងៃទី៣០តុលា ឆ្នាំ២០២៣ នៅខាងកើតផ្លូវបំបែកជាបួន (លើចិញ្ចើមផ្លូវជាតិលេខ១) ត្រង់ចំណុចខាងមុខហាងលក់ម៉ូតូ ស្ថិតនៅភូមិបាក់រនាស់ សង្កាត់សង្ឃរ័ ក្រុងស្វាយរៀង សមត្ថកិច្ចដាក់ការសង្ស័យថា ជនបង្កមានចេតនា ។
តាមប្រភពសមត្ថកិច្ចបានបង្ហើបឲ្យដឹងថា មុនពេលកើតហេតុ មហាជនបានឃើញជនរងគ្រោះ គឺលោកអនុសេនីយ៍ឯក នាង សុខនរ៉ា នាយរងផ្នែកសណ្តាប់ធ្នាប់ចរាចរណ៍នៃអធិការដ្ឋាននគបាលក្រុងស្វាយរៀង បានឈរមើលសណ្តាប់ធ្នាប់នៅលើចិញ្ចើមផ្លូវជាតិលេខ១ ត្រង់ចំណុចខាងកើតកែងផ្លូវបំបែកជាបួន ខាងមុខហាងលក់ម៉ូតូ បែមុខមកខាងលិចឈៀងខាងត្បូង ។ មួយសន្ទុះក្រោយមក គេឃើញមានរថយន្ត១គ្រឿងម៉ាកព្រូស ពណ៌ស បើកពីទិសខាងលិចទៅកើតយ៉ាងលឿន លុះទៅផុតផ្លូវបំបែកជាបួន បានប្រមាណ១០០ម៉ែត្រចំណុចខាងមុខ យានដ្ឋានជួសជុលរថយន្តស្រាប់ចាប់ហ្វ្រាំងបង្អង់ល្បឿនរួចបត់មកក្រោយវិញបើកពីទិសខាងកើតមកលិចយ៉ាងលឿនសំដៅមកបុ.កជនរងគ្រោះពេញទំហឹងប៉ើងហោះទៅលើខ្ទា.តចម្ងាយជាង១០ម៉ែត្រ ធ្លាក់មកលើថ្នល់សន្លប់ឈឹងតែម្តងសំណាងល្អរថយន្ត១គ្រឿងមកពីលិចមិនបានកិ.ន បើកិ.នវិញមិនដឹងយ៉ាណានោះទេ។
ចំណែករថយន្តបង្កបានបន្ថែមល្បឿនយ៉ាងលឿនបើកសំដៅមកចូលក្នុងក្រុងស្វាយរៀងបាត់ ខណៈនោះសមត្ថកិច្ចដែលឈជើងនៅកន្លែងកើតហេតុនោះបានជិះម៉ូតូ២គ្រឿងដេញតាមរថយន្តបង្ក រហូតមកដល់រង្វង់មូលនាគរាជ្យ ខាងមុខសាលាដំបូងខេត្ត ក៏បាត់ដានទៅ ។ ចំណែកជនរងគ្រោះត្រូវសមត្ថកិច្ចហៅរថយន្តសាមុយនៃមន្ទីរពេទ្យខេត្តស្វាយរៀងបញ្ជូនទៅមន្ទីរពេទ្យកាលម៉ែត្ររាជធានីភ្នំពេញដើម្បីសង្គ្រោះ ។ សំណាងល្អ នៅកន្លែងកើតហេតុ មានដាក់កាមរ៉ាសុវត្ថិភាព បានឃើញភិនភាគរថយន្តបង្ក តែមើលមិនឃើញស្លាកលេខ ក៏ប៉ុន្តែសមត្ថកិច្ចបានដាក់កម្លាំងស្ទាក់គ្រប់ផ្លូវ ក្នុងនិងក្រៅក្រុងស្វាយរៀង រហូតដល់ម៉ោង៦យប់ថ្ងៃដ៏ដែលទើបរកឃើញរថយន្តបង្កម៉ាកព្រូស ពណ៌ស ពាក់ស្លាកលេខ ភ្នំពេញ 2BR-5841 យកទៅលាក់ទុកនៅក្នុងផ្ទះមួយក្នុងភូមិរោងបន្លែ សង្កាត់ស្វាយរៀង បានឆែកឆេក្នុងរថយន្ត បានឃើញកាតគ្រីរថយន្តនិងអត្តសញ្ញាណបណ្ណ័ចម្លងមួយសន្លឹកទើបស្រាវជ្រាវ រហូតចាប់ខ្លួនជនសង្ស័យបាន។
តាមប្រភពបន្តថា ជនសង្ស័យឈ្មោះ ប្រាក់ ឯមសារ៉ាវុធ អាយុ២៩ឆ្នាំ ជាមន្ត្រីនគបាលផ្នែកអន្តរាគមន៍នៃអធិការដ្ឋាននគបាលក្រុងស្វាយរៀងដែរ មានទីលំនៅភូមិរោងបន្លែសង្កាត់ស្វាយរៀងក្រុងស្វាយរៀង ជាកូនមន្ត្រីគយ ។ ជនសង្ស័យត្រូវសមត្ថកិច្ចចាប់ខ្លួនបាននៅវេលាម៉ោង៨និង១០នាទីយប់។ បើតាមសាច់ញាតិរបស់ជនសង្ស័យ បាននិយាយថា មិនមែនមានចេតនាបុ.កជនរងគ្រោះដូចការសង្ស័យពីសមត្ថកិច្ចនោះទេ គឺមកពី ងងុយដេកងោកមួយភាំង ទើបបង្កគ្រោះថ្នាក់បែបនេះ។
ដោយជនបង្កបានបើករថយន្តទៅលេងនៅខេត្តសៀមរាបកាលពីថ្ងៃសុក្រ ទី២៧-២៨ តុលា ដល់ថ្ងៃអាទិត្យ ទី២៩ តុលា ឆ្នាំ២០២៣ វេលាម៉ោង៦យប់ ទើបត្រឡប់មកវិញ រថយន្តមិនស្រួលខូច លុះព្រឹកឡើងថ្ងៃចន្ទ័ ទី៣០ តុលា យកឡានទៅធ្វើជួសជុល ពេលទៅដល់យានដ្ឋានជួសជុលមើលទៅមិនឃើញ ជាងបើកទ្វារ ក៏បើករថយន្តត្រឡប់មកផ្ទះវិញ ស្រាប់តែងងឹតមុខ ទើបរេចង្កូតទៅបុ.កជនរងគ្រោះតែម្តង។
ទោះបីយ៉ាងណាក៏ដោយ សមត្ថកិច្ចនៅតែដាក់ការសង្ស័យថាមានចេតនា ដូច្នេះសមត្ថកិច្ចកំពុងធ្វើការសាកសួរ ជនសង្ស័យឆ្លើយថា ខ្លួនងងឹតមុខងងុយដេក។ ក៏ប៉ុន្តែបើតាមការស្រាវជ្រាវបឋម ៖ចំណុចទី១ មើលតាមរូបភាព កាមរ៉ាសុវត្ថិភាព ជនរងគ្រោះឈនៅលើដីចិញ្ចើមផ្លូវ រថយន្តបើកល្បឿនលឿន បើកពីទិសខាងកើតតាមចេញ្ចើមផ្លូវមកបុកជនរងគ្រោះតែម្តង បុ.កប៉ើងហោះខ្ទាតចម្ងាយជាង១០ម៉ែត្រហើយបន្ថែមល្បឿនយ៉ាងលឿនទៅមុខគ្មានរេចង្កូតអ្វីទេ ។
ចំណុចទី២-បុ.កហើយបើករត់គេចមិនទទួលខុសត្រូវ ។ ចំណុចទី៣-បើតាមការស្រាវជ្រាវបឋម ជនសង្ស័យ បើករថយន្តពីទឹសខាងលិចទៅកើត ទំនងជាឃើញជនរងគ្រោះ ឈនៅលើចិញ្ចើមផ្លូវ ទើបបើករថយន្តទៅមុខហួសប្រមាណចម្ងាយ១០០ម៉ែត្រ ក៏បង្អន់ល្បឿនរថយន្តរួចបត់ត្រឡប់មកក្រោយវិញ រួចបើករថយន្តយ៉ាងលឿនតម្រង់មកបុ.កជនរងគ្រោះតែម្តង ទើបសមត្ថកិច្ចដាក់ការសង្ស័យ ហើយត្រូវតែធ្វើការស្រាវជ្រាវរកសាក្សីនៅកន្លែងកើតហេតុមកសាកសួរ និងសាច់ញាតិជនបង្ក មកសាកសួរ និងសួរ ជនសង្ស័យ ដើម្បីកសាងសំណុំរឿងបញ្ជូនទៅលោកស្នងការចាត់ការបន្ត លទ្ធផលយ៉ាណានោះ សូមរង់ចាំ ការសាកសួរនិងស្រាវជ្រាវបញចប់សិន។
បច្ចុប្បន្នជនរងគ្រោះកំពុងសម្រាកព្យាបាលនៅមន្ទីរពេទ្យកាលម៉ែត្ររាជធានីភ្នំពេញ បានធូរស្រាលបន្តិច ហើយគ្រូពេទ្យសង្ឃឹមថារួចផុតពីគ្រោះថ្នាក់ដល់អាយុជីវិតហើយ៕
ចែករំលែកព័តមាននេះ