ជិតចូលរោងការ! សង្ស័យនាងតូចចិត្តរឿងចាញ់បោកគេ សំរេចចិត្តធ្វើរឿងនឹកស្មានមិនដល់ផ្អើលបន្ទប់ជួល
- ភ្នំពេញ
រាជធានីភ្នំពេញ ៖ នារីម្នាក់សង្ស័យមានបញ្ហាចាញ់បោកគេអស់លុយមួយចំនួន និងទាស់ពាក្យសម្តី
រាជធានីភ្នំពេញ ៖ នារីម្នាក់សង្ស័យមានបញ្ហាចាញ់បោកគេអស់លុយមួយចំនួន និងទាស់ពាក្យសម្តីជាមួយគូដណ្តឹង ស្រាប់តែច.ងកសម្លា.ប់ខ្លួនក្នុងបន្ទប់ជួលទាំងជិតដល់ថ្ងៃចូលរោងការ បង្កការភ្ញាក់ផ្អើលដល់បងប្អូនប្រជាពលរដ្ឋនិងសមត្ថកិច្ចចុះត្រួតពិនិត្យកាលពីវេលាម៉ោង៥និង៣០នាទីល្ងាចថ្ងៃទី៣០ ខែតុលា ឆ្នាំ២០២៣ នៅចំនុចបន្ទប់ជួលលេខ1F5 ជាន់ទី៥ ផ្លូវ៣០ម៉ែត្រ ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។
នារីរងគ្រោះឈ្មោះហាក់ ឌីណា អាយុ២២ឆ្នាំ មុខរបរជាអ្នកកាត់តរូបភាព ស្នាក់នៅបន្ទប់កន្លែងកើតហេតុ មានស្រុកកំណើតនៅភូមិទួលតាអៀម ឃុំជ្រលង ស្រុកតាំងគោក ខេត្តកំពង់ធំ។
តាមប្រភពព័ត៌មានពីប្រជាពលរដ្ឋដែលរស់នៅក្បែរកន្លែងកើតហេតុ បានអោយដឹងថា នារីរងគ្រោះស្នាក់នៅបន្ទប់ជាមួយគូដណ្តឹង កាលពីប៉ុន្មានថ្ងៃមុនបានទាស់ពាក្យសម្តីជាមួយបុរសជាគូដណ្ដឹងរឿងចាញ់បោកគេអស់លុយមួយចំនួន ហើយអ្នកទាំង២មិនបាននិយាយរកគ្នាទេ ។ ពួកគេចូលរោងការនៅខែធ្នូ ឆ្នាំ២០២៣ ខាងមុខនេះផងដែរ ។
តាមប្រភពដដែលបានបន្តទៀតថា លុះមកដល់ថ្ងៃកើតហេតុ គេបានឃើញបុរសជាគូដណ្ដឹងបានចេញទៅធ្វើការ ចំនែកនារីរងគ្រោះមិនបានចេញទៅធ្វើការងារនោះទេ តែគេបានឃើញនារីរងគ្រោះនៅពេលម៉ោងបាយថ្ងៃត្រង់បានបោកខោអាវ ហើយយកខោអាវចេញមកហាលខាងក្រៅផ្ទះ តែមិនបាននិយាយជាមួយអ្នកណានោះទេ គឺមានទឹកមុខស្រងូតស្រងាត់ ហើយក៍ចូលទៅក្នុងបន្ទប់វិញបាត់ទៅ ។ លុះដល់ម៉ោងកើតហេតុ ក៍ស្រាប់តែបុរសជាគូដណ្ដឹងបានចេញពីធ្វើការមកបន្ទប់ជួលវិញ បានគោះទ្វារហៅដែរ តែមិនឃើញនារីរងគ្រោះឆ្លើយតប និងបើកទ្វារនោះទេ ទើបបុរសជាគូដណ្ដឹងសម្រេចធាក់ទម្លុះទ្វារចូលទៅឃើញនារីជាគូរដណ្ដឹងបានច.ងកជាមួយខ្សែអាវជាប់និងដែកស្នួលខោអាវ មិនដឹងថាស្លា.ប់ឬរស់នោះទេ ហើយមិនតែប៉ុណ្ណោះ បុរសជាគូដណ្ដឹង បានស្រែកអោយគេជួយ និងលើកគូដណ្ដឹងទម្លាក់មកក្រោមដើម្បីជួយ តែជាអកុសល នារីរូបនោះបានដា.ច់ខ្យល់ស្លា.ប់បាត់ទៅហើយ ។
ក្នុងនោះដែរ បុរសជាគូដណ្តឹងបានឃើញសារសរសេរនៅក្នុងទូរស័ព្ទ ដោយភ្ជាប់រូបភាពនារីរងគ្រោះមួយសេវជាប់លើអេក្រង់ទូរស័ព្ទថា «ជាទីនឹករលឹក ខ្ញុំមិនគិតថាខ្លួនខ្ញុំដើរដល់ចំណុចនេះ គឺចំណុចមួយដែរអាត្មានិយមខ្លាំងបំផុត ប៉ុន្តែមុននឹងឈានដល់ចំណុចនេះ ខ្ញុំបានព្យាយាមអស់ហើយ ព្យាយាមធ្វើជាកូនកតញ្ញូចំពោះអ្នកមានគុណ ធ្វើជាបងប្អូនល្អសម្រាប់បងៗ និងប្អូនៗគ្រប់គ្នា ធ្វើជាមិត្តល្អនិងអ្នកគ្រប់គ្នាដែលខ្ញុំស្គាល់ សូម្បីតែពុកម៉ែសាច់ថ្លៃក៍ខ្ញុំទុកដូចជាសាច់បង្កើតដែរ ប៉ុន្តែខ្ញុំមិនបានធ្វើល្អសម្រាប់ខ្លួនឯង ជ្រើសរើសយកផ្លូវមួយដែលយ៉ាប់បំផុត ខ្ញុំព្យាយាមយកឈ្នះរាល់បញ្ហាដែលកើតមានឡើង យកឈ្នះគ្រប់ឧបសគ្គ ប៉ុន្តែដល់ពេលនេះ វេលានេះ ខ្ញុំហត់ ហត់ខ្លាំងណាស់ ហត់លែងចង់បន្តទៅមុខ ខ្ញុំកោតសរសើរដល់ម្ដាយគ្រប់រូប ដែលគាត់មានចិត្តកាយរឹងមាំក្លាហាន បានចិញ្ចឹមបីបាច់ថែរក្សាគ្រួសារនិងកូនៗបានយ៉ាងល្អ សូមសសើរនៅការតស៊ូ អត់ធ្មត់មិនថាមានបញ្ហាអ្វីក៏ដោយ ជាពិសេសអ្នកម្តាយរបស់ខ្ញុំផ្ទាល់ និងអ្នកម្តាយក្មេករបស់ខ្ញុំ គាត់តស៊ូខ្លាំងណាស់ គាត់ទាំង២ជាស្ត្រីរឹងមាំ សុខចិត្តដេកយំមិនអោយកូននិងប្តីដឹង ប៉ុន្តែត្រលប់មកខ្ញុំវិញ គឺអាត្មានិយមខ្លាំងបំផុត មិនហ៊ានស៊ូជាមួយបញ្ហា យកការស្លាប់ជំនួសអោយភាពរឹងមាំ ខ្ញុំស្រលាញ់អ្នកទាំងអស់គ្នា ប៉ុន្តែអោយខ្ញុំសុំទោស» ។
ក្នុងហេតុការណ៍នេះដែរ បន្តិចក្រោយមកក៏មានកម្លាំងសមត្ថកិច្ចមូលដ្ឋានក៏ជាជំនាញកោសល្យវិច័យវិទ្យាសាស្ត្រខណ្ឌមានជ័យ ក៍ជាជំនាញកោសល្យវិច័យបច្ចេកទេសវិទ្យា សាស្ត្រនៃស្នងការដ្ឋាននគរបាលរាជធានីភ្នំពេញ បានចុះទៅកន្លែងកើតហេតុ ដើម្បីពិនិត្យសពនារីរងគ្រោះតែម្តង ។
ក្រោយពេលកើតហេតុ បន្ទាប់ពីពិនិត្យស.ពរួចរាល់ និងបញ្ជាក់ថា នារីរងគ្រោះពិតជាស្លា.ប់ដោយសារច.ងកពិនិត្យប្រាកដមែន ទើបសម្រេចធ្វើលិខិតប្រគល់អោយសាច់ញាតិយកទៅចាត់ចែងធ្វើបុណ្យតាមប្រពៃណីនៅស្រុកកំណើតឯខេត្តកំពង់ធំ ៕
ចែករំលែកព័តមាននេះ