បុរសម្នាក់ស្រវឹងស្រាខ្ចីម៉ូតូមិត្តភក្កិជិះ ខណៈពេលម្ចាស់តាមយកម៉ូតូមកវិញ បុរសរូបនេះមិនព្រមឱ្យទៅម្ចាស់វិញទេ ថែមទាំងទា.ញកាំបិ.តប៉័ងតោដេញកា.ប់ម្ចាស់ម៉ូតូផ្អើលសមត្ថកិច្ចទាំងយប់ទៀតផង ហើយត្រូវក៏បានសមត្ថកិច្ច
រាជធានីភ្នំពេញ ៖ បុរសម្នាក់ស្រវឹងស្រាខ្ចីម៉ូតូមិត្តភក្កិជិះ ខណៈពេលម្ចាស់តាមយកម៉ូតូមកវិញ បុរសរូបនេះមិនព្រមឱ្យទៅម្ចាស់វិញទេ ថែមទាំងទា.ញកាំបិ.តប៉័ងតោដេញកា.ប់ម្ចាស់ម៉ូតូផ្អើលសមត្ថកិច្ចទាំងយប់ទៀតផង ហើយត្រូវក៏បានសមត្ថកិច្ចឃាត់ខ្លួននាំមកសាកសួរនាំ បង្កឱ្យមានការភ្ញាក់ផ្អើលកាលពីវេលាម៉ោង៩និង២០នាទីយប់ ថ្ងៃទី២៨ ខែតុលា ឆ្នាំ២០២៣ តាមបណ្តោយផ្លូវបេតុង ត្រង់ចំណុចមុខផ្សារព្រៃទា ស្ថិតក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យដែលត្រូវសមត្ថកិច្ចឃាត់ខ្លួនខាងលើនោះ មានឈ្មោះ សម្បត្តិ ភេទប្រុស អាយុ១៩ឆ្នាំ មុខរបរ និងស្នាក់នៅមិនប្រាកដ។
បើតាមប្រភពព័ត៌មាននៅកន្លែងកើតហេតុ បានប្រាប់អោយដឹងថា នៅមុនពេលកើតហេតុ ជនសង្ស័យបានខ្ចីម៉ូតូពីមិត្តភក្កិមួយគ្រឿង ម៉ាកស៊ុយស៊ីគីឡែត មិនចាំពណ៌ មិនចាំស្លាកលេខ មកជិះ។ ខណៈពេលកំពុងតែជិះសុខៗ ស្រាប់តែម្ចាស់ម៉ូតូបានមកសុំយកម៉ូតូវិញ តែជនសង្ស័យរូបនេះមិនព្រមឱ្យនោះទេ ថែមទាំងទា.ញកាំបិ.តប៉័ងតោដេញកា.ប់ម្ចាស់ម៉ូតូរត់បាតជើងសព្រាតទៀតផង។
ប្រភពដដែលបន្តថា ស្របពេលនោះ ក៏មានជនរងគ្រោះ២នាក់ផ្សេងទៀតដែលជិះម៉ូតូម៉ាកហុងដាឌ្រី ស៊េរីឆ្នាំ២០២២ ពណ៌ក្រហម ពាក់ស្លាកលេខ ព្រៃវែង1R-8521 មកដល់ជិតជនសង្ស័យ ស្រាប់តែជនសង្ស័យស្មានតែបក្សពួករបស់ម្ចាស់ម៉ូតូដែលខ្លួនខ្ចីនោះ ក៏ស្ទុះទា.ញយកកាំបិ.តប៉័ងតោកា.ប់ម៉ូតូខាងលើ បណ្តាលឱ្យរងការខូចខាត បែកស្តុប និងចង្កៀងមុខ ចំណែកម្ចាស់ម៉ូតូ និងអ្នករួមដំណើរម្នាក់ទៀត រត់ទាន់រងខូចខាតម៉ូតូតែប៉ុណ្ណោះ។
ក្រោយពេលកើតហេតុ ម្ចាស់ម៉ូតូរងគ្រោះដែលរងការខូចខាត និងម្ចាស់ម៉ូតូដែលជនសង្ស័យខ្ចីជិះនោះ មិនបានទៅដាក់ពាក្យបណ្តឹងនោះទេ គ្រាន់តែសុំម៉ូតូយកទៅផ្ទះរៀងៗខ្លួនតែប៉ុណ្ណោះ ចំណែកឯជនសង្ស័យវិញ ត្រូវបានសមត្ថកិច្ចឃាត់ខ្លួន រួចនាំមកសាកសួរនាំនៅប៉ុស្តិ៍នគរបាលរដ្ឋបាលចោមចៅទី៣ ដើម្បីធ្វើការអបរំ និងរង់ចាំក្រុមគ្រួសារមកធានាយកទៅផ្ទះវិញ៕
ចែករំលែកព័តមាននេះ