លោកលី ខឺឈៀង អតីតនាយករដ្ឋមន្ត្រីចិនទទួលមរណភាពហើយ
ប្រទេសចិន ៖ តាមទីភ្នាក់ងារព័ត៌មានចិនស៊ីនហ៊ួថា អតីតនាយករដ្ឋមន្ត្រីចិន លោកលី ខឺឈៀង (Li
ប្រទេសចិន ៖ តាមទីភ្នាក់ងារព័ត៌មានចិនស៊ីនហ៊ួថា អតីតនាយករដ្ឋមន្ត្រីចិន លោកលី ខឺឈៀង (Li Keqiang) បានទទួលមរណភាពហើយកាលពីថ្ងៃទី២៧ តុលា នៅក្រុងសៀងហៃ ដោយសារការគាំងបេះដូង។
លោកលី ខឺឈៀង សមាជិកគណៈកម្មាធិការអចិន្ត្រៃយ៍ការិយាល័យនយោបាយបក្សកុម្មុយនីស្តចិន ព្រមទាំងជាអតីតនាយករដ្ឋមន្ត្រីចិន(២០១៣-២០២៣) ដែលទៅកាន់ក្រុងសៀងហៃនាពេលថ្មីៗនេះ កាលពីថ្ងៃទី២៦ តុលា ស្រាប់តែមានបញ្ហាបេះដូងភ្លាមៗ ហើយលោកបានទទួលមរណភាពនាវេលាម៉ោង១២និង១០នាទីរំលងអធ្រាត្រម៉ោងក្នុងស្រុកឈានចូលថ្ងៃទី២៧ តុលា ក៏ទោះបីមានការខិតខំប្រឹងប្រែងជួយសង្គ្រោះលោកបែបណាក្ដី។ លោកទទួលមរណភាពក្នុងជន្មាយុ៦៨ឆ្នាំ។
លោកកាន់តំណែងនាយករដ្ឋមន្ត្រីចិនអស់ពេល១០ឆ្នាំ ហើយត្រូវបានដូរតំណែងនោះកាលពីខែមីនាកន្លងទៅ ដោយលោកលី ខឺឈៀង ៥ខែក្រោយសមាជរបស់បក្សកុំមុយនីស្តចិន។
លោកជាអ្នកសេដ្ឋកិច្ចចេះភាសាអង់គ្លេសនិងជាអ្នកកែទម្រង់សេដ្ឋកិច្ច។ លោកត្រូវបានគេសរសើរដែលបានជួយប្រទេស ឲ្យចាកផុតពិវិបត្តិហិរញ្ញវត្ថុពិភពលោក។ លោកជាអ្នកហក់ចូលក្នុងនយោបាយទាំងវ័យក្មេង ដោយជាលេខាធិការបក្សរបស់អង្គភាពផលិតកម្មមួយ ក្នុងឆ្នាំ១៩៧៦ ជាឆ្នាំមរណភាពរបស់លោកម៉ៅសេទុង។
ក្នុងបណ្ដាឆ្នាំដំបូងនៃការកែទម្រង់របស់លោកតេង ស៊ីវភីញ លោកបានបន្តការសិក្សាខាងច្បាប់នៅសាកលវិទ្យាល័យក្រុងប៉េកាំង ហើយក្រោយមកជាប់ជាបណ្ឌិតសេដ្ឋកិច្ចជនបទ៕
ចែករំលែកព័តមាននេះ