រាជធានីភ្នំពេញ ៖ យោងតាមសេចក្តីប្រកាសព័ត៌មានរបស់គណបក្សនរោត្តម រណឫទ្ធិ បានឱ្យដឹងថា កាលពីព្រឹកថ្ងៃទី១៩ ឧសភា ២០១១ សម្តេចក្រុមព្រះនរោត្តម រណឫទ្ធិ ព្រះប្រធានគណបក្សនរោត្តម រណឫទ្ធិ ព្រះអង្គបានយាងចុះជួបសំណេះសំណាល ជាមួយសមាជិក សមាជិកា របស់ព្រះអង្គនៅក្រុងស្វាយរៀង ខេត្តស្វាយរៀង
រាជធានីភ្នំពេញ ៖ យោងតាមសេចក្តីប្រកាសព័ត៌មានរបស់គណបក្សនរោត្តម រណឫទ្ធិ បានឱ្យដឹងថា កាលពីព្រឹកថ្ងៃទី១៩ ឧសភា ២០១១ សម្តេចក្រុមព្រះនរោត្តម រណឫទ្ធិ ព្រះប្រធានគណបក្សនរោត្តម រណឫទ្ធិ ព្រះអង្គបានយាងចុះជួបសំណេះសំណាល ជាមួយសមាជិក សមាជិកា របស់ព្រះអង្គនៅក្រុងស្វាយរៀង ខេត្តស្វាយរៀង ដោយមានសមាជិកសកម្មចូលរួមប្រមាណជាង២០០នាក់ ។ បន្ទាប់មកនៅរសៀលថ្ងៃដដែល វេលាម៉ោង២រសៀលព្រះអង្គបានយាងជួបសំណេះសំណាលជាមួយសមាជិក សមាជិកា របស់ព្រះអង្គនៅស្រុកព្រះស្តេច ខេត្តព្រៃវែង ដោយមានសមាជិកមកពីគ្រប់ស្រុកចូលរួមប្រមាណជាង៤០០នាក់ ។
គណបក្សនរោត្តម រណឫទ្ធិ បន្តថា ក្នុងពិធីនោះសម្តេចក្រុមព្រះបានមានបន្ទូលកោតសរសើរ និងថ្លែងអំណរគុណចំពោះសមាជិក ដែលស្មោះស្ម័គ្រជាមួយព្រះអង្គ និងសមាជិកថ្មីដែលបានមកចូលរួមជាមួយគណបក្សនរោត្តម រណឫទ្ធិ ។ នៅក្នុងឱកាសនោះ សម្តេចក្រុមព្រះ បានលើកឡើងពីគោលនយោបាយជាយុទ្ធសាស្ត្ររបស់គណបក្សនរោត្តម រណឫទ្ធិ ដែលប្រកាន់យកនូវមាគ៌ាកណ្តាល ដើម្បីរួមចំណែកអភិវឌ្ឍន៍ និងកសាងប្រទេសជាតិដូចដែលព្រះអង្គធ្លាប់បានធ្វើកន្លងមក ៕
ចែករំលែកព័តមាននេះ