ហ្គាហ្សា ៖ មន្ត្រីអ្នកនាំពាក្យ ក្រសួងសុខាភិបាលប៉ាឡេស្ទីន បាននិយាយនៅថ្ងៃទី២៣ ខែតុលា ឆ្នាំ២០២៣នេះថា មន្ទីរពេទ្យចំនួន១២ និងមជ្ឈមណ្ឌលវេជ្ជសាស្ត្រចំនួន៣២ នៅក្នុងទីក្រុងហ្គាហ្សា ឥឡូវនេះ លែងដំណើរការហើយ បន្ទាប់ពីការវាយប្រហាររបស់អ៊ីស្រាអែល និងការកាត់ផ្ដាច់ប្រេងឥន្ធនៈ ។
អ្នកនាំពាក្យលោក Ashraf Al-Qudra បានអោយដឹងទៀតថា មនុស្សចំនួន៤៣៦នាក់ ក្នុងនោះមានកុមារ១៨២នាក់ ត្រូវបានសម្លា.ប់ក្នុងការវាយប្រហារពេញ ត្រឹមតែមួយយប់របស់អ៊ីស្រាអែល មកលើតំបន់ហ្គាហ្សា ។
អ្នកនាំពាក្យ បញ្ជាក់ថា ចំនួនអ្នកស្លា.ប់សរុប ចាប់តាំងពីមានការទម្លាក់គ្រាប់បែកលើតំបន់ហ្គាហ្សា បានកើនឡើងដល់ ៥,០៨៧នាក់ ក្នុងនោះមានកុមារចំនួន ២,០៥៥នាក់ និងស្ត្រី ១,១១៩នាក់ ហើយមនុស្សជាង ១៥,០០០នាក់ទៀត បានរងរបួស នៅក្នុងសង្គ្រាមនេះ ៕
ចែករំលែកព័តមាននេះ