ADផ្ទាំងផ្សព្វផ្សាយពាណិជ្ជកម្ម

Picture

គណបក្ស​ប្រជាជន​កម្ពុជា និង​គណបក្ស​នយោបាយ​ចំនួន​២៧ នឹង​ចងសម្ព័ន្ធភាព​ជាមួយ​គ្នា​នៅ​ថ្ងៃ​ទី​២៥ តុលា

7 ខែ មុន

រាជធានី​ភ្នំពេញ ៖ គណបក្ស​ប្រជាជន​កម្ពុជា នឹង​គណបក្ស​នយោបាយ ចំនួន​២៧ នឹង​ធ្វើ​ពិធី​ចុះ “​កិច្ចព្រមព្រៀង​កិច្ច​សហប្រតិបត្តិការ និង​សម្ព័ន្ធភាព​” ក្រោម​អធិបតីភាព សម្ដេច​តេ​ជោ…

រាជធានី​ភ្នំពេញ ៖ គណបក្ស​ប្រជាជន​កម្ពុជា នឹង​គណបក្ស​នយោបាយ ចំនួន​២៧ នឹង​ធ្វើ​ពិធី​ចុះ “​កិច្ចព្រមព្រៀង​កិច្ច​សហប្រតិបត្តិការ និង​សម្ព័ន្ធភាព​” ក្រោម​អធិបតីភាព សម្ដេច​តេ​ជោ ហ៊ុន សែន ប្រធាន​គណបក្ស​ប្រជាជន​កម្ពុជា នៅ​វិមាន ៧​មក​រា នា​ថ្ងៃ​ទី​២៥ ខែតុលា ឆ្នាំ​២០២៣ ។

មេដឹកនាំ​គណបក្ស​នយោបាយ​មួយ ក្នុង​ចំណោម​គណបក្ស​នយោបាយ ដែល​ចងសម្ព័ន្ធភាព​ជាមួយ​គណបក្ស​ប្រជាជន​កម្ពុជា បាន​ឲ្យ​ដឹង​ថា នៅ​ថ្ងៃ​ទី​២៥ ខែតុលា ឆ្នាំ​២០២៣ ខាង​មុខ​នេះ គណបក្ស​នយោបាយ​ចំនួន​២៧ នឹង​ចុះ​កិច្ចព្រមព្រៀង​កិច្ច​សហប្រតិបត្តិការ និង​សម្ព័ន្ធភាព​ជា មួយ​គណបក្ស​ប្រជាជន​កម្ពុជា ។

ចំណែក​លោក សុខ ឥ​សាន អ្នកនាំពាក្យ​គណបក្ស​ប្រជាជន​កម្ពុជា បាន​ឲ្យ​អ្នក​សារព័ត៌មាន​ដឹក​យ៉ាង​ខ្លី​ថា ពិតជា​មាន​ពិធី​ចុះ “​កិច្ចព្រមព្រៀង​កិច្ច​សហប្រតិបត្តិការ និង​សម្ព័ន្ធភាព​” ក្រោម​អធិបតីភាព​ដ៏​ខ្ពង់ខ្ពស់​សម្តេច​តេ​ជោ ហ៊ុន សែន ប្រធាន​គណបក្ស​ប្រជាជន​កម្ពុជា នៅ​វិមាន ៧​មក​រា នា​ថ្ងៃ​ទី​២៥ ខែតុលា ឆ្នាំ​២០២៣ ។

សូម​ជម្រាប​ថា កាលពី​ថ្ងៃ​ទី​១០ ខែតុលា ឆ្នាំ​២០២៣ គណបក្ស​នយោបាយ​ជា​ច្រើន បាន​ធ្វើ​លិខិត​គោរព​ជូន​សម្តេច​តេ​ជោ ហ៊ុន សែន ស្នើ​សុំ​ចងសម្ព័ន្ធភាព​ជាមួយ​គណបក្ស​ប្រជាជន​កម្ពុជា ។

ការ​ស្នើ​សុំ​ចងសម្ព័ន្ធភាព​នេះ ដោយសារ​តែ​គណបក្ស​នយោបាយ​ទាំងនោះ បាន​មើលឃើញ​ពី​ការ​ដឹកនាំ​របស់​គណបក្ស​ប្រជាជន​កម្ពុជា ក្រោម​ការ​ដឹកនាំ​របស់​សម្តេច​តេ​ជោ ហ៊ុន សែន គឺ​បាន​នាំ​ឲ្យ​កម្ពុជា មាន​សុខ​សន្តិភាព ស្ថិរភាព​នយោបាយ និង​ការ​អភិវឌ្ឍ ហើយ​ចង់​បំបាត់​វប្បធម៌​លាប​ពណ៌​ឲ្យ​គ្នា ដែល​ធ្វើ​ឱ្យ​ប្រទូស្ត​រាយ​ដល់​ប្រទេស​ជាតិ​។ ហេតុ​ដូចនេះ បានជា​គណបក្ស​នយោបាយ​ទាំងនោះ សម្រេចចិត្ត​ចងសម្ព័ន្ធភាព​ជាមួយ​គណបក្ស​ប្រជាជន​កម្ពុជា ដោយសារ​តែ​មើលឃើញ​គោលដៅ​វែង​ឆ្ងាយ និង​ក្នុង​ឱកាស​ដែល​ពិភពលោក​កំពុង តែ​ជ្រួលច្របល់ ។​

សូម​ជម្រាប​ថា កាលពី​ថ្ងៃ​ទី​១១ ខែតុលា ឆ្នាំ​២០២៣ សម្តេច​តេ​ជោ ហ៊ុន សែន ប្រធាន​គណបក្ស​ប្រជាជន​កម្ពុជា បាន​លើក​ឡើង​ថា គណបក្ស​ប្រជាជន​កម្ពុជា ពេញចិត្ត​ជាមួយនឹង​ការ​ចង​សម្ព័ន្ធភាព​លើ​មូលដ្ឋាន នៃ​ការ​គោរព​ឯករាជ្យ​ភាព នៃ​គណបក្ស​រៀង​ៗ​ខ្លួន ។​

សម្តេច​តេ​ជោ បាន​លើក​ឡើង​ទៀត​ថា គណបក្ស​ប្រជាជន​កម្ពុជា មិន​ព្យាយាម​ដើម្បី​ត្រួតត្រា​ទៅ​លើ​គណបក្ស​នយោបាយ​ដទៃ​ទេ​។ ប៉ុន្តែ​គណបក្ស​ប្រជាជន​កម្ពុជា ពេញចិត្ត​នឹង​ធ្វើការ​ជាមួយ​គណបក្ស​ផ្សេង​ទៀត ដោយ​គោរព នូវ​ឯករាជ្យ​របស់​គណបក្ស​ទាំងអស់ ហើយ​ចាត់​ទុក​គណបក្ស​ទាំងអស់ ជា​ដៃគូរ​ស្មើភាព​ជាមួយនឹង​គណបក្ស​ប្រជាជន​កម្ពុជា ។

យោង​តាម​លិ​ខិ​ច​ដាច់​ដោយឡែក​ពី​គ្នា​របស់​គណបក្ស​នយោបាយ ដាក់​ជូន​សម្តេច​តេ​ជោ ហ៊ុន សែន បាន​ស្នើ​សុំ​ចងសម្ព័ន្ធភាព​ជាមួយគណបក្ស​ប្រជាជន​កម្ពុជា មាន​ដូច​ជា ៖ គណបក្ស​ខ្មែរ​រួបរួម​ជាតិ​, គណបក្ស​ពន្លឺ​ថ្មី​, គណបក្ស​សញ្ជាតិ​កម្ពុជា​, គណបក្ស​ខ្មែរ​ក្រោក​, គណបក្ស​កម្លាំង​ប្រជាធិប​តេយ្យ​, គណបក្ស​រស្មី​ខេមរា​, គណបក្ស​ធម្មាធិបតេយ្យ​, គណបក្ស​នគរ​ប្រជាធិបតេយ្យ​, គណបក្ស​មហា​សាមគ្គី​ជាតិខ្មែរ​, គណបក្ស​អំណាច​ប្រជាពលរដ្ឋ​, គណបក្ស​កម្ពុជា​សេរី​ឯករាជ្យ​ប្រជាធិប​តេយ្យ​, គណបក្ស​ចលនា​ប្រជាធិបតេយ្យ​, គណបក្ស​ឯកភាព​ជាតិខ្មែរ​, គណបក្ស​អភិវឌ្ឍន៍​សេដ្ឋកិច្ច​, គណបក្ស​ខ្មែរ​អង្គរ​, គណបក្ស​ខ្មែរ​សាធារណរដ្ឋ​, គណបក្ស​ខ្មែរ​តែ​មួយ​, គណបក្ស​ខ្មែរ​អភិរក្ស​, គណបក្ស​សំបុក​ឃ្មុំ​សង្គម​ប្រជាធិបតេយ្យ​, គណបក្ស​យុវជន​កម្ពុជា​, គណបក្ស​ជនជាតិ​ដើម​ប្រជា​ធិបតេយ្យ​កម្ពុជា​, គណបក្ស​ស្ត្រី​ដើម្បី​ស្ត្រី​, គណបក្ស​មហានគរ​,​និង​គណបក្ស​អភិវឌ្ឍ​កម្ពុជា ជាដើម ។

សូម​បញ្ជាក់​ថា ការ​ស្នើ​សុំ​ចងសម្ព័ន្ធភាព​នេះ គឺជា​រឿង​ប្រវត្តិសាស្ត្រ​មួយ​ថ្មី​នៅ​ក្នុង​ប្រទេស​កម្ពុជា ក្រោម​ការ​ដឹកនាំ​រាជរដ្ឋាភិបាល ដែល​ចេញពី​គណបក្ស​ប្រជាជន​កម្ពុជា ដែល​ត្រូវ​បាន​ប្រជាពលរដ្ឋ​បោះ​ឆ្នោត​គាំទ្រ​តាំង​ដើម​មក រហូត​មក​ដល់​បច្ចុប្បន្ន​នេះ ៕

អត្ថបទសរសេរ ដោយ