បាងកកស្ថិតក្នុងចំណោមទីក្រុង១០ដែលធាតុអាកាសមានការបំពុលខ្លាំងជាងគេ
ប្រទេសថៃ ៖ កាលពីថ្ងៃទី២០ តុលា អាជ្ញាធរថៃសន្យាចាត់បណ្ដាវិធានការ ដើម្បីតស៊ូប្រឆាំងការបំពុល
ប្រទេសថៃ ៖ កាលពីថ្ងៃទី២០ តុលា អាជ្ញាធរថៃសន្យាចាត់បណ្ដាវិធានការ ដើម្បីតស៊ូប្រឆាំងការបំពុល
ប្រទេសថៃ ៖ កាលពីថ្ងៃទី២០ តុលា អាជ្ញាធរថៃសន្យាចាត់បណ្ដាវិធានការ ដើម្បីតស៊ូប្រឆាំងការបំពុលបរិយាកាស។ ការសន្យានោះធ្វើឡើងខណៈដែលរាជធានីបាងកក ត្រូវបានចាត់បញ្ចូលនាថ្ងៃទី២០តុលានោះទៅក្នុងចំណោមទីក្រុង១០ ដែលធាតុអាកាសមានការបំពុលខ្លាំងជាងលើពិភពលោក។
យោងតាមIQAIR ជាក្រុមហ៊ុនស្វុីសមួយមានឯកទេសក្នុងបច្ចេកវិទ្យាគុណភាពខ្យល់ថា ក្រុងបាងកកត្រូវបានចាត់បញ្ចូលក្នុងបញ្ជីទីក្រុង១០ ដែលខ្យល់មានការបំពុលខ្លាំងជាងគេលើពិភពលោក ចាប់ពីម៉ោង៧ព្រឹកថ្ងៃទី២០តុលាទៅ ព្រោះកម្រិតធូលីល្អិតPM2,5មានដល់៤៨មីក្រូក្រាមក្នុងខ្យល់១ម៉ែត្រគូប។ នេះជាធាតុអាកាសមានការបំពុលខ្ពស់ ខុសពីកម្រិតបំពុលបរិយាកាសធម្មតាប្រចាំរដូវ។
ផ្នែកត្រួតពិនិត្យការបំពុលនៃក្រសួងធនធានធម្មជាតិនិងបរិស្ថានថៃថ្លែងថា ការបំពុលដោយPM2;5មានហួសពីកម្រិតសន្តិសុខ៣៧,៥មីក្រូក្រាមក្នុងខ្យល់១ម៉ែត្រគូប ក្នុងតំបន់ភាគច្រើននៃក្រុងបាងកក ដែលចាប់ផ្ដើមប៉ះពាល់ដល់សុខភាពរបស់ប្រជាជន។ ក្រសួងនោះក៏ព្រមានផងដែរថា កម្រិតខ្ពស់នៃPM2;5នឹងមានរហូតដល់ថ្ងៃទី២៨តុលានៅក្រុងបាងកក។
ទន្ទឹមនឹងនេះ រដ្ឋបាលក្រុងបាងកក បានណែនាំដល់ប្រជាជនរស់នៅក្នុងបណ្ដាតំបន់មានការបំពុលខ្ពស់ គួរចៀសវាងកុំធ្វើសកម្មភាពនានានៅកណ្ដាលវាល ហើយពាក់់ម៉ាស់ការពារ ប្រសិនបើចាំបាច់៕
ចែករំលែកព័តមាននេះ