រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ក្រុមអ្នកញៀ.នល្បែ.ង និងភ្ញាក់ងារចំនួន៦នាក់ ត្រូវបានកម្លាំងគណៈបញ្ជាការឯកភាពខណ្ឌឬស្សីកែវ ឃាត់ខ្លួនពាក់ព័ន្ធករណីបង្ក្រាបល្បែ.ងស៊ីសងដោយខុសច្បាប់ (ឡូតូ) បង្កឱ្យមានការភ្ញាក់ផ្អើលកាលពីវេលាម៉ោងប្រមាណ៣រសៀល ថ្ងៃទី២១ ខែតុលា ឆ្នាំ២០២៣ នៅចំណុចផ្ទះគ្មានលេខ ផ្លូវលំ ក្រុមទី៦ ស្ថិតក្នុងភូមិទួលសង្កែ សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ។
សេចក្តីរាយការណ៍បន្តថា ជនសង្ស័យដែលត្រូវឃាត់ខ្លួនខាងលើនេះ រួមមាន ៖ ១- ឈ្មោះ អ៊ុន ស្រីលាភ ភេទស្រី ជាបុគ្គលិកក្រុមហ៊ុនឡូតូ (ភ្ញាក់ងារ), ២- ឈ្មោះ ស៊ឹម សុនីតា ភេទស្រី ជាបុគ្គលិក (ភ្ញាក់ងារ), ៣- ឈ្មោះ ជាង គឹមហឿង ភេទប្រុស មុខរបរកម្មករសំណង់ (អ្នកលេង), ៤- ឈ្មោះ សោម សម្ភស្ស ភេទប្រុស មុខរបរកម្មករសំណង់ (អ្នកលេង), ៥- ឈ្មោះ អ៊ីន ប៉ៃលិន ភេទប្រុស មុខរបរជាងមាស (អ្នកលេង) និង៦- ឈ្មោះ ឆេង សុខឡេង ភេទប្រុស មុខរបរលក់ដូរ (អ្នកលេង)។
តាមនគរបាលបានប្រាប់ឱ្យដឹងថា នៅថ្ងៃទី២១ ខែតុលា ឆ្នាំ២០២៣ វេលាម៉ោង៣រសៀលកម្លាំងអធិការដ្ឋាននគរបាលខណ្ឌឫស្សីកែវ សហការជាមួយកម្លាំងគណៈបញ្ជាការឯកភាពរដ្ឋបាលខណ្ឌឫស្សីកែវ បានចុះបង្ក្រាបករណីបើកលេងល្បែ.ងស៊ីសងដោយខុសច្បាប់ (ឡូតូ) និងឃាត់ខ្លួនជនសង្ស័យចំនួន៦នាក់។
នគរបាលបានប្រាប់ឱ្យដឹងទៀតថា ក្នុងប្រតិបត្តិការខាងលើនេះ សមត្ថកិច្ចចម្រុះដកហូតសម្ភារៈរួមមាន ៖ កុំព្យូទ័រ ចំនួន០៣គ្រឿង, ដុំ WiFi ចំនួន០១, Keybord ចំនួន០២, តេឡេទូរទស្សទ៍ ចំនួន០១, ទូរទស្សន៍ ចំនួន០១គ្រឿង និងប្រាក់ចំនួន២០០០០រៀល។ បច្ចុប្បន្ន កម្លាំងជំនាញកំពុងកសាងសំណុំរឿងបញ្ជូនជនសង្ស័យខាងលើនេះទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធីនៃច្បាប់ហើយ។
គួរបញ្ជាក់ផងដែរថា ល្បែ.ងស៊ីប្រភេទឡូតូ (តូច ឬធំ) នេះ បានបើកលេងពេញបន្ទុកនៅតាមហាងកាហ្វេ ហាងបាយ និងនៅតាមតារាងបាល់ទះនានា ដែលគេអះអាងថា មានច្បាប់អនុញ្ញាត តែកន្លែងខ្លះត្រូវបានបង្ក្រាប និងខ្លះទៀតបើកលេងយ៉ាងអនាធិបតេយ្យ។
ជុំវិញការអនុញ្ញាតច្បាប់នេះ ត្រូវបានមហាជនរិះគន់ថា មិនគួរអនុញ្ញាតនោះទេ ព្រោះតែចំណូលរដ្ឋបន្តិចបន្តួចបង្កើតឱ្យមានល្បែ.ងស៊ីសងនៅតាមមូលដ្ឋាន បង្កឱ្យមានការក្តៅក្រហា.យពីប្រជាពលរដ្ឋ។
មហាជនក៏បានលើកឡើងដែរថា រដ្ឋមានបានដឹងទេថា ល្បែ.ងស៊ីសងឡូតូទាំងនោះ រួមទាំងឆ្នោតវៀតណាមជ្រកក្រោមឆ្នោតខ្មែរ កំពុងតែដាក់ពង្រាយនៅតាមផ្សារ ភោជនីយ៍ដ្ឋាន ហាងកាហ្វេ តារាងបាល់ទះ និងក្លិបកីឡាផ្សេងៗនៅក្នុងរាជធានីភ្នំពេញ ក៏ដូចនៅតាមបណ្តាខេត្តគ្របដណ្តប់ទៅដោយល្បែ.ងស៊ីសង ហើយបាននិងកំពុងតែពង្វក់ពលរដ្ឋខ្មែរ ជាពិសេសយុវជនឱ្យឈ្លក់បង្វេង គិតតែពីលេងល្បែ.ងស៊ីសង មិនគិតពីការរៀនសូត្រ ហើយម្នាក់ៗចា.ញ់រាប់លានរៀលក្នុង១ថ្ងៃក៏មាន បង្កើតឱ្យមានចោ.រក.ម្ម លួ.ច ឆ.ក់ ប្ល.ន់ និងអំពើហិ.ង្សានៅក្នុងគ្រួសារជាដើម៕
ចែករំលែកព័តមាននេះ