ជនសង្ស័យ៣នាក់ត្រូវចាប់ខ្លួនពាក់ព័ន្ធករណីគ្រឿងញៀ.ន
- ភ្នំពេញ
រាជធានីភ្នំពេញ ៖ ជនសង្ស័យ៣នាក់ត្រូវបានកម្លាំងនគរបាលខណ្ឌពោធិសែនជ័យ សហការជាមួយ
រាជធានីភ្នំពេញ ៖ ជនសង្ស័យ៣នាក់ត្រូវបានកម្លាំងនគរបាលខណ្ឌពោធិសែនជ័យ សហការជាមួយនគរបាលប៉ុស្តិ៍កាកាបទី២ឃាត់ខ្លួន ខណៈពេលដែលជួបប្រមូលផ្តុំគ្នាជួញដូរ និងប្រើប្រាស់ដោយខុសច្បាប់នូវសារធាតុញៀ.ន។
ការបង្ក្រាបគ្រឿងញៀ.ននេះធ្វើឡើងកាលពីវេលាម៉ោងប្រមាណ១១និង៣០នាទីព្រឹកថ្ងៃទី១៩ តុលា ឆ្នាំ២០២៣ នៅចំណុចផ្ទះខ្ទមទុកចោលមួយកន្លែង ស្ថិតនៅផ្លូវលំ ភូមិព្រៃសាលា សង្កាត់កាកាបទី២ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យដែលត្រូវឃាត់ខ្លួន១-ឈ្មោះឌុក សោភា ភេទប្រុស អាយុ២៩ឆ្នាំ ស្នាក់នៅបន្ទប់ជួលលេខ៦ សង្កាត់ទឹកថ្លា ខណ្ឌសែនសុខ ២-ឈ្មោះជួន វាសនា ភេទប្រុស អាយុ២៧ឆ្នាំ ស្នាក់នៅបន្ទប់ជួល ភូមិព្រៃសាលា សង្កាត់កាកាបទី២ ខណ្ឌពោធិ៍សែនជ័យ និង៣-ឈ្មោះសុង សុភ័ណ្ឌ ភេទប្រុស អាយុ៣៣ឆ្នាំ ស្នាក់នៅបន្ទប់ជួល ភូមិព្រៃសាលា សង្កាត់កាកាបទី២ ខណ្ឌពោធិ៍សែនជ័យ។
តាមព័ត៌មានអោយដឹងថា ប្រតិបត្តិការបង្ក្រាបគ្រឿងញៀ.នខាងលើនេះ ដោយមានការដឹកនាំ និងបញ្ជាផ្ទាល់ពីលោកវរះសេនីយ៍ឯក ម៉ន វុធី អធិការនគរបាលខណ្ឌពោធិ៍សែនជ័យ ។ ជនសង្ស័យចំនួន ៣នាក់ត្រូវបានសមត្ថកិច្ច ឃាត់ខ្លួន ព្រមទាំងឆែកឆេរដកហូតវត្ថុតាងរួមមានថ្នាំញៀ.នប្រភេទក្រាមថ្លា(ម៉ាទឹកក)ចំនួន៩កញ្ចប់ ក្នុងនោះមាន០២កញ្ចប់ធំល្មម, ម៉ូតូម៉ាកហុងដាឌ្រីមសង់ប៊ិចចំនួន០២គ្រឿង និងទូរស័ព្ទដៃចំនួន០៣គ្រឿង។
នគរបាលប៉ុស្តិ៍កាកាបទី២បានអោយដឹងថា ការឃាត់ខ្លួនជនសង្ស័យ ខណៈពេលដែលជួបប្រមូលផ្តុំជួញដូរនិងប្រើប្រាស់គ្រឿងញៀ.ន ។ ជនសង្ស័យទាំង០៣នាក់ ត្រូវបានបញ្ចូនទៅកាន់ផ្នែកជំនាញគ្រឿងញៀ.ននៃអធិការដ្ឋានខណ្ឌពោធិសែនជ័យ ដើម្បីចាត់ការទៅតាមផ្លូវច្បាប់ ៕
ចែករំលែកព័តមាននេះ