ការប្រយុទ្ធគ្នាទាំងនេះមានគោលបំណងដណ្តើមត្រួតត្រាចំណុចឆ្លងកាត់ WAZEN ជិតមូលដ្ឋាន DHEHIBA របស់ទុយនីស៊ីដែលត្រូវដណ្តើមយកបានតាំងពីច្រើនសបា្តហ៍មកហើយ ដោយពួកបះបោរ ។ ការប៉ះទង្គិចគ្នាបណ្តាលឱ្យមនុស្សជាច្រើននាក់ត្រូវរបួសក្នុងនោះជាច្រើននាក់ត្រូវបញ្ជូនទៅកាន់ទុយនីស៊ី គឺទៅមន្ទីរពេទ្យក្រុង DHEHIBA ។ ចំណែកឯកងយន្តហោះទុយនីស៊ីវិញបានហោះហើរពីលើតំបន់ទាំងឡាយនៅក្បែរព្រំដែន ។
រដ្ឋាភិបាលទុយនីស៊ីបានគំរាមធ្វើការតវ៉ាទៅអ.ស.ប កាលពីយប់ថ្ងៃទី១៧ ឧសភា បន្ទាប់ពីការធ្លាក់គ្រាប់ផ្លោងថ្មីៗរបស់លីប៊ីចូលក្នុងដែនដីរបស់ខ្លួន ។ រដ្ឋាភិបាលទុយនីស៊ីចាត់ឱ្យឯកអគ្គរដ្ឋទូតរបស់ខ្លួនដែលមានវត្តមាននៅក្រុងទ្រីប៉ូលី បញ្ជូនការតវ៉ាដ៏ខ្លាំងក្លាដល់អាជ្ញាធរលីប៊ី ហើយព្រមានថា ការបន្តរំលោភបំពានដីគ្រោះថ្នាក់របស់កងទ័ពលីប៊ី នឹងមានផលអវិជ្ជមានបំផុតដល់ទំនាក់ទំនងរវាងប្រទេសទាំង២ ។
រដ្ឋមន្ត្រីការពារប្រទេសបារាំងលោក GER-ARD LONGUET វាយតម្លៃកាលពីថ្ងៃទី១៧ ឧសភា ថា ជាង៨០% នៃយន្តហោះរបស់លីប៊ីត្រូវបំផ្លាញលែងប្រើប្រាស់កើត ។ ចំណែកក្រសួងការពារប្រទេសអង់គ្លេសនិយាយកាលពីថ្ងៃទី១៧ ឧសភា ថា កងកម្លាំងអង់គ្លេស បានវាយប្រហារថា កាលពីថ្ងៃទី១៧ ឧសភា លើមជ្ឈមណ្ឌលហ្វឹកហ្វឺនមួយរបស់ពួកអង្គរក្សលោកកាដាហ្វីក្នុងប្រតិបត្តិការចុងក្រោយរបស់ខ្លួននៅលីប៊ី ៕
ចែករំលែកព័តមាននេះ