អតីតអនុប្រធានបក្សភ្លើងទៀន ត្រូវតុលាការផ្ដន្ទាទោសដាក់ពន្ធនាគារ៣ឆ្នាំ ពីបទញុះញង់ បន្ថែមលើទោសដែលមានស្រាប់
- ភ្នំពេញ
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី ១៨ ខែតុលា ឆ្នាំ២០២៣ បាន
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី ១៨ ខែតុលា ឆ្នាំ២០២៣ បាន
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី ១៨ ខែតុលា ឆ្នាំ២០២៣ បានប្រកាសសាលក្រមផ្ដន្ទាទោសអតីតអនុប្រធានគណៈបក្សភ្លើងទៀន ដាក់ពន្ធនាគារកំណត់៣ឆ្នាំ និងពិន័យជាប្រាក់ចូលថវិការរដ្ឋចំនួន៤ លានរៀល ក្រោមការចោទប្រកាន់ពីបទ«ញុះញង់» ។ សាលក្រមនេះបានប្រកាសជាសាធារណៈ ដោយលោកស្រី ឈុន ដាវី ចៅក្រមជំនុំជម្រះ និងលោក សេង ហៀង ព្រះរាជអាជ្ញារង តំណាងអយ្យការអមសាលា ដំបូងភ្នំពេញ ។ សាលក្រមបានទុកសិទ្ធិឲ្យប្តឹងទាស់ ឬប្ដឹងឧទ្ធរ ណ៍តាមកំណត់ច្បាប់ បើមិនសិនជាសុខចិត្តនិងការសម្រេចនេះ ។
ជនជាប់ចោទឈ្មោះ ថាច់ សេដ្ឋា ភេទប្រុស អាយុ៧០ ឆ្នាំ មុខរបរ មុនចាប់ខ្លួន ជាមន្ត្រីពាណិជ្ជកម្មរាជធានីភ្នំពេញ ជាគ្រូបង្រៀន ជាចាងហ្វាងកាសែតស្មារតីខ្មែរ និងមានតួនាទី ជាអនុប្រធានគណបក្សភ្លើងទៀន ទីកន្លែងកំណើត ភូមិអញ្ចាញ ឃុំតាសឹក ស្រុកថ្កូវ ខេត្តព្រះត្រពាំង (កម្ពុជាក្រោម) ទីលំនៅបច្ចុប្បន្នផ្ទះលេខ១០៦ ភូមិក្បាលទំនប់ សង្កាត់បឹងទំពុន ខណ្ឌមានជ័យ រាជធានីភ្នំពេញ ។
ទណ្ឌិត ថាច់ សេដ្ឋា ត្រូវបានតុលាការចោទប្រ កាន់ពីបទ«ញុះញង់»ដោយជនជាប់ចោទបានថ្លែងសារ«សន្ទរកថា»មួយ នៅក្នុងជុំជួបរវាងលោក ទៅនិងប្រទេសជប៉ុន កាលពីចុងឆ្នាំ២០២២ ដែលមានចរិតញុះញង់ឲ្យមានការរើសអើងនៅ ក្នុងសង្គមខ្មែរ ។ ទណ្ឌិត ថាច់ សេដ្ឋា អតីតអនុប្រធានគណបក្សភ្លើងទៀន ត្រូវបានសមត្តកិច្ចចាប់ខ្លួន កាលពីពាក់កណ្តាលខែ មករា ឆ្នាំ២០២៣ នៅរាជធានីភ្នំពេញ ។ កន្លងទៅទណ្ឌិតធ្លាប់បានស្នើទៅតុលាការភ្នំពេញ សុំតម្កល់ប្រាក់៣ម៉ឺនដុល្លារអាមេរិក ដើម្បីបាននៅក្រៅឃុំបណ្តោះអាសន្នដោយបញ្ហាសុខភាព ប៉ុន្តែតុលាការបានបដិសេធមិនទទួលយកសំណើសុំនោះទេ ។ ក្រោយពីសំណើរសុំនៅក្រៅឃុំមិនបានជោគជ័យ ទណ្ឌិត ថាច់ សេដ្ឋា និងមេធាវីការពារក្តីដោយអាណត្តិ បានប្តឹងឧទ្ធរណ៍ ហើយសភាស៊ើបសួរសាលាឧទ្ធរណ៍ នៅតែបដិសេធន៍ ។
បន្ទាប់មកទៀតលោក ជួង ជូងី ជាមេធាវីការពារក្តី បានបន្តប្ដឹងទៅតុលាការកំពួល ហើយតុលាការកំពូល នៅតែមិនអនុញ្ញាតិឲ្យជនជាប់ចោទបាននៅក្រៅឃុំដដែល ថែមទាំងបញ្ជូនសំណុំរឿងឲ្យតុលាការថ្នាក់ក្រោម បើកសវនាការជំនុំជំម្រះទោសទៅតាមផ្លូវច្បាប់ ។
សូមជម្រាបថា ៖ អតីតអនុប្រធានគណបក្សភ្លើងទៀនរូបនេះ ត្រូវបាន តុលាការថ្នាក់ក្រោមផ្តន្ទាទោសដាក់ពន្ធនាគារកំណត់១ ឆ្នាំ ៦ខែ និងពិន័យប្រាក់ចំនួន៣ លានរៀល មួយសំណុំរឿងរួចមកហើយ ពាក់ពន្ធ«ចាយសែកស្អុយ» ដែលសំណុំរឿងនោះក៏ត្រូវបានលោកស្រី ឈុន ដាវី ចៅក្រមជំនុំជម្រះសាលាដំបូងរាជធានីភ្នំពេញ ប្រកាសសាលក្រមផ្តន្ទាទោស កាលពីព្រឹកថ្ងៃទី២១ ខែកញ្ញា ឆ្នាំ២០២៣ រួចមកហើយដែរ ។ ដូច្នេះសរុបមកវិញអតីតអនុប្រធានគណៈបក្សភ្លើងទៀនទណ្ឌិត ថាច់ សេដ្ឋា ត្រូវបានតុលាការភ្នំពេញ ប្រកាសសាលក្រមតម្រូវឲ្យអនុវត្តទោសក្នុងពន្ធនាគារកំណត់ចំនួន ៤ឆ្នាំកន្លះ និងពិន័យជាប្រាក់ចូលថវិការរដ្ឋចំនួន៧ លានរៀល ដែលមានសំណុំរឿង២ផ្សេងគ្នា ៕
ចែករំលែកព័តមាននេះ