ADផ្ទាំងផ្សព្វផ្សាយពាណិជ្ជកម្ម

Picture

​៣​ថ្ងៃ​នៃ​ពិធីបុណ្យ​ភ្ជុំបិណ្ឌ ខេត្តកំពត​កើន​ភ្ញៀវ​ទេស​ចរ​​​​នាំ​គ្នា​មក​លេងយ៉ាង​​ច្រើន​កុះករ

6 ខែ មុន
  • កំពត

ខេត្តកំពត ៖ ក្នុង​រយ​:​ពេល​៣​ថ្ងៃ ដោយ​គិត​ចាប់ពី​ថ្ងៃ​ទី​១៣ ដល់​ថ្ងៃ​ទី​១៥ តុលា ឆ្នាំ​២០២៣ ដែល​ជា​ថ្ងៃ​ឈប់​សម្រាក​សម្រាប់​ពិធីបុណ្យ​ភ្ជុំបិណ្ឌ ខេត្តកំពត​ទទួល​បាន​ភ្ញៀវ​ទេសចរ​ជិត​-​ឆ្ងាយ​បាន​ជាង​៩៦.០០០​នាក់ ដែល​មានការ​កើនឡើង​ប្រមាណ​២៤,៥២%…

ខេត្តកំពត ៖ ក្នុង​រយ​:​ពេល​៣​ថ្ងៃ ដោយ​គិត​ចាប់ពី​ថ្ងៃ​ទី​១៣ ដល់​ថ្ងៃ​ទី​១៥ តុលា ឆ្នាំ​២០២៣ ដែល​ជា​ថ្ងៃ​ឈប់​សម្រាក​សម្រាប់​ពិធីបុណ្យ​ភ្ជុំបិណ្ឌ ខេត្តកំពត​ទទួល​បាន​ភ្ញៀវ​ទេសចរ​ជិត​-​ឆ្ងាយ​បាន​ជាង​៩៦.០០០​នាក់ ដែល​មានការ​កើនឡើង​ប្រមាណ​២៤,៥២% បើ​ប្រៀបធៀប​នឹង​ពិធីបុណ្យ​ភ្ជុំបិណ្ឌ​កាលពី​ឆ្នាំ២០២២​ ។

ប្រធាន​មន្ទីរ​ទេសចរណ៍​ខេត្តកំពត លោក សយ ស៊ី​ណុ​ល បាន​ប្រាប់​ឱ្យ​ដឹង​ថា ដោយ​គិត​ពី​ថ្ងៃ​ទី​១៣ ដល់​ថ្ងៃ​ទី​១៥ តុលា ឆ្នាំ​២០២៣ ដែល​ជា​ថ្ងៃ​ឈប់​សម្រាក​សម្រាប់​ពិធីបុណ្យ​ភ្ជុំបិណ្ឌ​ប្រពៃណី​ជាតិ ភ្ញៀវ​​ទេសចរ​មក​ពី​តាម​បណ្តា​ខេត្ត​-​រាជធានី​ចំនួន​៩៦.៥៦៥​នាក់ បាន​ចូល​មក​សម្រាកលំហែ​កម្សាន្ត​តាម​តំបន់​ទេសចរណ៍ និង​កន្លែង​កម្សាន្ត​នានា​ក្នុង​ខេត្តកំពត ។

លោក​ប្រធាន​មន្ទីរ​បាន​បន្ត​ទៀត​ថា ចំនួន​ភ្ញៀវ​ទេសចរ​ឆ្នាំ​នេះ គឺ​មានការ​កើនឡើង​ប្រមាណ​២៤,​៥២% បើ​ប្រៀបធៀប​រយៈពេល​ដូច​គ្នា​កាលពី​ឆ្នាំ​២០២២​។ ក្នុង​នោះ ភ្ញៀវ​ទេសចរ​ជាតិ​មាន​ចំនួន ៩៥.៤២០​នាក់ និង​ទេសចរ​អន្តរជាតិ​មាន​ចំនួន ១.១៤៥​នាក់ ។

លោក​ប្រធាន​មន្ទីរ​បាន​បញ្ជាក់​បន្ថែម​ថា កាលពី​យប់​ថ្ងៃ​ទី​១៤ ខែតុលា ខេត្តកំពត​មាន​ភ្ញៀវ​ចន្លោះ​ពី​៧០​ភាគរយ​ទៅ​៨០% បាន​ស្នាក់​នៅ​ពេល​យប់​តាម​បណ្តា​សណ្ឋាគារ ផ្ទះសំណាក់ បឹង​ហ្គា​ឡូ និង​រី​ស៊​ត​នានា​។ ចំណែក​យប់​ថ្ងៃ​ទី​១៣ និង​យប់​ថ្ងៃ​ទី​១៥ ខែតុលា គឺ​មាន​ភ្ញៀវ​ស្នាក់​នៅ​ប្រមាណ​តែ ២០​ភាគរយ​ទៅ ៣០​ភាគរយ​ប៉ុណ្ណោះ ។

អត្ថបទសរសេរ ដោយ