ចុះបា.ញ់ថ្នាំសម្លា.ប់មេរោគ និងប្រមូលបក្សីឈឺ ឬងា.ប់ដុ.តកម្ទេចចោលនៅស្រុករមាសហែក
- ស្វាយរៀង
ខេត្តស្វាយរៀង ៖ រដ្ឋបាលខេត្តស្វាយរៀង សូមជម្រាបជូនព័ត៌មានបន្ថែមជុំវិញករណីជំងឺគ្រុន
ខេត្តស្វាយរៀង ៖ រដ្ឋបាលខេត្តស្វាយរៀង សូមជម្រាបជូនព័ត៌មានបន្ថែមជុំវិញករណីជំងឺគ្រុនផ្តាសាយបក្សី គិតមកដល់ថ្ងៃទី៩ ខែតុលា ឆ្នាំ២០២៣នេះ ក្រុមការងារអគ្គនាយកដ្ឋានសុខភាពសត្វ និងផលិតកម្មសត្វសហការជាមួយមន្ទីរកសិកម្ម រក្ខាប្រមាញ់ និងនេសាទ និងការិយាល័យផលិតកម្ម និងបសុព្យាបាលខេត្តស្វាយរៀង ព្រមទាំងអាជ្ញាធរមូលដ្ឋានបានចុះអនុវត្តវិធានការបសុព្យាបាលនៅភូមិម្រាក់ទាប ឃុំត្រស់ ស្រុករមាសហែក ខេត្តស្វាយរៀង ដែលមានករណីវិជ្ជមានជំងឺផ្តាសាយបក្សីលើមាន់១ក្បាលកាលពីយប់ថ្ងៃទី០៨ខែ តុលា ឆ្នាំ២០២៣( លទ្ធផលវិទ្យាស្ថាន) ក្នុងចំណោមមាន់ទាសរុប៣៤ក្បាល ងា.ប់២០ក្បាលជារបស់គ្រួសារកសិករឈ្មោះ ចិន សុខ ស្ថិតក្នុងភូមិខាងលើ។
ក្រុមការងារបានអនុវត្តវិធានការបន្ទាន់ដំបូងដូចខាងក្រោម៖
១-ដុតកម្ទេចចោលបក្សីចំនួន១៤ក្បាល របស់គ្រួសារខាងលើ ដែលមានមាន់១ក្បាលបានរកឃើញវិជ្ជមានវីរុសផ្តាសាយបក្សី និងបានអនុវត្តការបាញ់ថ្នាំសម្លា.ប់មេរោគ និងណែនាំដល់ក្រុមគ្រួសារ។
២- ចំពោះទីតាំងគេហដ្ឋានដែលមានមនុស្សស្លា.ប់ក្រុមការងារកំពុងអនុវត្តវិធានការបសុព្យាបាល។
៣-ក្រុមការងារកំពុងចុះពិនិត្យស្ថានភាពចិញ្ចឹមបក្សីនៅតំបន់ជុំវិញ ជាពិសេសនៅតំបន់ជុំវិញមានករណីមនុស្សស្លា.ប់ ដើម្បីអនុវត្តការចចារកម្ទេចចោលបក្សី និងអនុវត្តការបាញ់ថ្នាំសម្លា.ប់មេរោគ។
ជាមួយនេះក្រុមការងារបានបន្ត ចុះបាញ់ថ្នាំនិងប្រមូលបក្សីយកមកដុតបំផ្លាញចោល និងយកសំណាក សរុប២៦ក្បាល ក្នុងនោះបានដុតកំទេចចោលចំនួន២១ក្បាល (មាន់ចំនួន ១៧ក្បាល និងទា ៤ក្បាល) និងយកសំណាកទៅពិនិត្យចំនួន៤ក្បាល(មាន់៣ក្បាល ទា១ក្បាល )។
រដ្ឋបាលខេត្តសូមអំពាវនាវដល់បងប្អូនប្រជាពលរដ្ឋមេត្តាបង្កើននូវប្រុងប្រយ័ត្ន ប្រសិនបើបានឃើញមានសត្វឈឺ ឬងា.ប់ សូមកុំប៉ះពាល់ ត្រូវរាយការណ៍ជូនសមត្ថកិច្ចដែលនៅជិតបំផុតដើម្បីចុះទៅពិនិត្យ និងចាត់វិធានការភ្លាមៗ ៕
ចែករំលែកព័តមាននេះ