អ៊ីស្រាអែល មានប្រព័ន្ធការពារដ៏ទំនើប «Iron Dome» ដែលបានចាត់ទុកយ៉ាងសំខាន់បំផុតថា ជាខ្សែការពារដំបូងរបស់ប្រទេស។ ប៉ុន្តែក្រុមហាម៉ាស់ បានបា.ញ់រ៉ុក្កែតជាង ៥,០០០ គ្រា.ប់ ទៅកាន់អ៊ីស្រាអែលពីតំបន់ហ្គាហ្សាស្ទ្រីប ក្នុងរយៈពេលប្រហែល
អ៊ីស្រាអែល មានប្រព័ន្ធការពារដ៏ទំនើប «Iron Dome» ដែលបានចាត់ទុកយ៉ាងសំខាន់បំផុតថា ជាខ្សែការពារដំបូងរបស់ប្រទេស។ ប៉ុន្តែក្រុមហាម៉ាស់ បានបា.ញ់រ៉ុក្កែតជាង ៥,០០០ គ្រា.ប់ ទៅកាន់អ៊ីស្រាអែលពីតំបន់ហ្គាហ្សាស្ទ្រីប ក្នុងរយៈពេលប្រហែល២០នាទី បណ្តាលឱ្យប្រព័ន្ធការពារដែនអាកាសល្អឥតខ្ចោះនេះ វាពិបាកក្នុងការស្ទាក់ចាប់មីស៊ីលទាំងអស់ ដោយការបា.ញ់គ្រា.ប់រ៉ុក្កែតជាច្រើន ដែលមិនធ្លាប់មានពីមុនមក។
«Iron Dome» មានសមត្ថភាពស្ទាក់បា.ញ់បំផ្លុះគ្រា.ប់រ៉ុក្កែត ដែលបា.ញ់បំពា.ន វាត្រូវបានគេចាត់ទុកថា ជាប្រព័ន្ធការពារដែនអាកាសទំនើបបំផុតមួយនៅក្នុងពិភពលោក ដែលផលិតឡើងដោយ អ៊ីស្រាអែល។ វា ដើរតួនាទីយ៉ាងសំខាន់ក្នុងការការពារជនស៊ីវិលអ៊ីស្រាអែល ពីការគំរា.មកំហែ.ងដែលអាចកើតមាន។
ប្រព័ន្ធការពារដែនអាកាសនេះ ត្រូវបានគេបង្កើតឡើងក្នុងឆ្នាំ២០០៦ បន្ទាប់ពីជម្លោះបង្ហូរឈា.មរវាងអ៊ីស្រាអែល និងក្រុម Hezbollah ដែលជាក្រុមសកម្មប្រយុទ្ធ Shia ដែលមានមូលដ្ឋាននៅប្រទេសលីបង់។
បន្ទាប់ពីការស្រាវជ្រាវ និងអភិវឌ្ឍន៍អស់ជាច្រើនឆ្នាំ «Iron Dome» បានដំណើរការនៅឆ្នាំ២០១១ ហើយប្រព័ន្ធនេះ ស្ទាក់ចាប់បានដោយជោគជ័យនូវគ្រា.ប់រ៉ុក្កែត ដែលបា.ញ់ចេញពី Gaza ជាលើកដំបូងនៅថ្ងៃទី០៧ ខែមេសា ឆ្នាំ២០១១។
ប្រព័ន្ធការពារដែនអាកាសនេះ ត្រូវបានបង្កើតឡើងដោយក្រុមហ៊ុនអ៊ីស្រាអែល Rafael Advanced Defense Systems និង Israel Aerospace Industries ក្នុងតម្លៃប្រមាណ ២១០លានដុល្លារ។
តើវាដំណើរការយ៉ាងដូចម្តេច? ប្រព័ន្ធនេះ ប្រើប្រាស់មីស៊ីលស្ទាក់ចាប់ ដើម្បីបំផ្ទុះគ្រា.ប់រ៉ុក្កែត ដែលចូលមក។ ដំណើរការនេះ ចាប់ផ្តើមជាមួយនឹងប្រព័ន្ធតាមដាន និងរ៉ាដា ដែលត្រួតពិនិត្យផ្ទៃមេឃសម្រាប់វត្ថុណាមួយដែលចូលមក។ ក្នុងរយៈពេលប៉ុន្មានវិនាទី ការគណនាកម្រិតខ្ពស់ដំណើរការយ៉ាងលឿន ដើម្បីកំណត់ អត្តសញ្ញាណកាំជ្រួច ហើយបន្ទាប់មកគណនាល្បឿន និងគន្លងរបស់រ៉ុក្កែត។ បន្ទាប់មក ប្រព័ន្ធនេះ នឹងបា.ញ់បង្ហោះរ៉ុក្កែតស្ទាក់ចាប់ភ្លាមៗ ដែលរត់ឆ្ពោះទៅរក រ៉ុក្កែតដែលបំពា.ន បណ្តាលឱ្យវាបំផ្ទុះនៅកណ្តាលអាកាស ជាមួយនឹងការខូចខាតតិចតួចនៅលើដី៕
សរសេរដោយ ៖ ណា រ៉េន
កែសម្រួលដោយ ៖ ប្រេវីន
ចែករំលែកព័តមាននេះ