- ភ្នំពេញ
ជំងឺផ្តាសាយបក្សីបានសម្លា.ប់មនុស្ស២នាក់នៅកម្ពុជា ក្នុងរយៈពេលតែប៉ុន្មានថ្ងៃនេះ ដោយបង្កឱ្យមានការព្រួយបារម្ភ ខណៈគ្រុនកណ្តុរបានសម្លា.ប់មនុស្សជាង៣០នាក់ នៅប្រទេសថៃ
ជំងឺផ្តាសាយបក្សីបានសម្លា.ប់មនុស្ស២នាក់នៅកម្ពុជា ក្នុងរយៈពេលតែប៉ុន្មានថ្ងៃនេះ ដោយបង្កឱ្យមានការព្រួយបារម្ភ ខណៈគ្រុនកណ្តុរបានសម្លា.ប់មនុស្សជាង៣០នាក់ នៅប្រទេសថៃ។
កម្ពុជា រកឃើញករណីស្លា.ប់ថ្មី២នាក់ គឺបុរសម្នាក់នៅស្វាយរៀង និងកុមារម្នាក់ទៀតនៅព្រៃវែង ដោយសារតែមេរោគគ្រុនផ្តាសាយបក្សីនៅខេត្តស្វាយរៀង ក្នុងរយៈពេលពីរបីថ្ងៃនេះ ។
យោងតាមសេចក្តីប្រកាសព័ត៌មានរបស់ក្រសួងសុខាភិបាល បានឲ្យដឹងថា ករណីគ្រុនផ្តាសាយថ្មី H5N1 ដែលបានសម្លា.ប់មនុស្សម្នាក់ថ្មីនេះ គឺកើតឡើងនៅភូមិម្រាក់ទាប ឃុំត្រល់ ស្រុករមាសហែក ខេត្តស្វាយរៀង។ ជនរងគ្រោះ គឺជាបុរសមានអាយុ៥០ឆ្នាំ។ ជនរងគ្រោះបានទិញមាន់ស្តុកទុកនៅក្នុងផ្ទះ ដើម្បីលក់ ហើយក៏មានសេចក្តីរាយការណ៍ថា «មាន់ទាំងនោះឈឺ និងឆ្លងនៅក្នុងភូមិ» ហើយក៏មានសេចក្តីរាយការណ៍ទៀតថា «បន្ទាប់មកក៏បានចែកគ្នាហូបមាន់ដែលឈឺនេះផងដែរ»។
ករណីខាងលើនេះ ត្រូវបានបញ្ជាក់នៅថ្ងៃទី០៧ ខែតុលា ថ្មីៗនេះ ហើយបុរសរងគ្រោះ គឺជាករណីឆ្លងទី៥៨ និងជាជនរងគ្រោះដល់ជីវិតទី៣៩ ក្រោយពេលមេរោគគ្រុនផ្តាសាយបក្សីរកឃើញនៅកម្ពុជា ចាប់ពីឆ្នាំ២០០៥ មក។
ក្រោយមកទៀត ក្រសួងសុខាភិបាល កាលពីថ្ងៃទី៩ ខែតុលា ក៏បានអោយដឹងថា មានកុមារម្នាក់ក៏បានស្លា.ប់ដោយសារផ្តាសាយបក្សីនៅខេត្តព្រៃវែងផងដែរ។
សូមប្រុងប្រយ័ត្នលើជំងឺនេះ ពីព្រោះមេរោគ គឺនៅតែបន្តគំរា.មកំហែ.ងដល់សុខភាពពលរដ្ឋ ជាពិសេសគឺកុមារ ដែលជាក្រុមហានិភ័យខ្លាំងជាងគេ ។ មេរោគនេះ ត្រូវគេដឹងថា ច្រើនកើតមាននៅលើបក្សី ប៉ុន្តែជួនកាលវាបានចម្លងមកមនុស្ស តាមការប៉ះពាល់ជិតស្និទ្ធនឹងបក្សីដែលមានជំងឺ ។ ហើយជំងឺនេះ មិនទាន់មានករណីមនុស្សឆ្លងមកមនុស្សនៅឡើយទេ ប៉ុន្តែមានករណីមនុស្សឆ្លងពីសត្វ ។
ដោយឡែកនៅក្នុងប្រទេសថៃឯណោះវិញ ស្ថានប័នជំនាញខាងសុខភាពសាធារណៈ នៅក្នុងប្រទេសនោះ បានធ្វើការព្រមា.នអំពីការផ្ទុះករណីជំងឺគ្រុនកណ្តុរ ដែលភាសាបច្ចេកទេសគេហៅថា «ជំងឺ Leptospirosis»។
តាមសេចក្តីរាយការណ៍របស់សារព័ត៌មាន «the Nation» បានឲ្យដឹងថា ជំងឺ Leptospirosis ដែលត្រូវបានគេស្គាល់ជាទូទៅថា ជាជំងឺគ្រុនកណ្តុរ កំពុងរីករាលដាលនៅក្នុងប្រទេសនេះ ដោយមកដល់ថ្ងៃទី២៤ ខែកញ្ញា មានតួរលេខសរុបចំនួន ២.៧០០ ករណី នៅក្នុងនោះវាបានសម្លា.ប់មនុស្សចំនួន៣១នាក់ផងដែរ ជាពិសេសនៅតំបន់ភាគឦសាន និងភាគខាងត្បូង។
លោកវេជ្ជបណ្ឌិត ថាវីឆ័យ វីសានុយូធីន ( Thaweechai Wisanuyothin) ប្រធានការិយាល័យបង្ការ និងគ្រប់គ្រងជំងឺនៅខេត្ត ណាខន រ៉ាចាស៊ីម៉ា បានអះអាងថា ជំងឺរាតត្បាត ដែលជាធម្មតាកើតឡើងនៅរដូវវស្សា គឺកាន់តែធ្ងន់ធ្ងរនៅពេលនេះ បន្ទាប់ពីមានភ្លៀងធ្លាក់ច្រើនថ្ងៃជាប់ៗគ្នា។
លោកបានព្រមា.នសាធារណជន ជាពិសេសកសិករអំពីជំងឺនេះ ដោយសាររដូវវស្សានាំមកនូវទឹកជំនន់ បង្កើតលក្ខខណ្ឌអំណោយផលដល់ការរីករាលដាលនៃជំងឺ គ្រុនកណ្តុរ ។
លោកបានបន្តថា ជំងឺនេះ ឆ្លងពីសត្វទៅមនុស្ស ជាពិសេសនៅតំបន់សើម ឬលិចទឹក នៅពេលដែលលក្ខខណ្ឌបរិយាកាសបែបនេះ វាអំណោយផលខ្លាំងដល់ បាក់តេរី leptospira ដែលបណ្តាលឱ្យកើតជំងឺនេះ ។
ជាទូទៅបាក់តេរីនេះ ត្រូវបានរកឃើញនៅក្នុងទឹកនោមរបស់សត្វកណ្ដុរ និងសត្វ កកេរ ដទៃទៀត។ សត្វចិញ្ចឹមដូចជា ៖ ឆ្កែ ឆ្មា គោ ចៀម និងពពែ ក៏អាចផ្ទុកបាក់តេរីនេះផងដែរ។
ប្រភពដដែលបានបន្តថា ការដើរដោយជើងទទេរក្នុងទឹក ឬភក់ក្នុងរយៈពេលយូរ បង្កហានិភ័យខ្ពស់ក្នុងការឆ្លងជំងឺ ព្រោះបាក់តេរីអាចចូលទៅក្នុងខ្លួនតាមរយៈស្នាមរបួស ឬភ្នាសរំអិលក្នុងភ្នែក ច្រមុះ ឬមាត់។ ការញ៉ាំអាហារ ឬទទួលទានទឹក ដែលមានមេរោគក៏អាចនាំឱ្យមានការឆ្លងមេរោគផងដែរ។
អត្រានៃអ្នកកើតជំងឺនេះ ត្រូវបានគេដឹងថា កសិករមានជាង៥៧ភាគរយ កម្មករជាង២៦ភាគរយ និងកុមារមានជិត៩ភាគរយ ។
អ្នកជំនាញបានព្រមា.នថា មនុស្សដែលងាយនឹងកើតជំងឺនេះ ភាគច្រើនគឺមនុស្សវ័យចាប់ពី៤៥ឆ្នាំឡើង ហើយដើម្បីការពារជំងឺនេះបាន គឺត្រូវចៀសវាងការដើរដោយជើងទទេរ នៅ កន្លែងលិចទឹក ឬភក់។ បើចាំបាច់គួរពាក់ស្បែកជើង.កវែង ឬថង់ផ្លាស្ទិកស្អាតពីលើស្បែកជើង។ បន្ទាប់ពីដើរក្នុងទឹក សូមលាងដៃ និងជើងជាមួយសាប៊ូ និងទឹកឱ្យបានទាន់ពេលវេលា។
នៅក្នុងករណី ប្រសិនបើអ្នកមានស្នាមរបួស សូមរុំវាដោយបង់រុំការពារទឹក ដើម្បីការពារ ការប៉ះពាល់ដោយផ្ទាល់ជាមួយនឹងទឹកដែលមានមេរោគ។ គ្រប់គ្រង និងកំចាត់សត្វកណ្តុរនៅក្នុងតំបន់រស់នៅ កន្លែងធ្វើការ និងកន្លែងទេសចរណ៍។ ធានាឱ្យមានប្រព័ន្ធបង្ហូរទឹកត្រឹមត្រូវ និងកន្លែងស្អាត ដែលមានទឹកកខ្វក់។ ប្រសិនបើអ្នកមានរោគសញ្ញាដូចជា ៖ គ្រុនក្តៅខ្លាំង ឈឺក្បាល ឈឺខ្លួន ជាពិសេសនៅភ្លៅ និងកំភួនជើង ចង្អោរ ក្អួត រាគ និងភ្នែកក្រហម ត្រូវប្រញាប់ទៅពិគ្រោះជាមួយវេជ្ជបណ្ឌិត ដើម្បីពិនិត្យ និងព្យាបាល។ ការពន្យាពេលការព្យាបាលអាចនាំឱ្យមានផលវិបាកដូចជា ៖ ស្បែកនិងភ្នែកលឿង ខ្សោយតំរង់នោមស្រួចស្រាវ ខ្សោយថ្លើមស្រួចស្រាវ ហូរឈា.មក្នុងសួត ក្អួតឈា.ម លា.មកខ្មៅ រោគសញ្ញាប្រព័ន្ធប្រសាទមិនប្រក្រតី ខ្សោយផ្លូវដង្ហើម និងរហូតដល់ស្លា.ប់។
សរុបមកវិញ នៅក្នុងស្ថានភាពអាកាសធាតុអាប់អួរ ខណៈតំបន់កំពុងតែទទួលរបបទឹកភ្លៀងជោកជាំជាបន្តបន្ទាប់មកនេះ សូមលើកកម្ពស់ការប្រុងប្រយ័ត្នពាក់ព័ន្ធនឹងជំងឺនានា ទោះបីជាជំងឺនោះ មិនធ្លាប់មាននៅកម្ពុជាក៏ដោយ ។ ការប្រុងប្រយ័ត្ន និងការបង្ការទុកជាមុន នេះគឺជាចំណុចខ្លាំងដែលយើងត្រូវតែទទួលស្គាល់ ជាក់ស្តែងគឺករណីការរីករាលដាលនៃមេរោគកូវីដ ១៩ ។
សរសេរដោយ ៖ ហេង ចេស្តារ
ចែករំលែកព័តមាននេះ