ម៉ិកស៊ិក នឹងបញ្ជូនយន្តហោះទៅជម្លៀសពលរដ្ឋខ្លួន៣០០នាក់ នៅអ៊ីស្រាអែល
ម៉ិកស៊ិក ៖ ប្រធានាធិបតីម៉ិកស៊ិក លោក Andrés Manuel López Obrador បាននិយាយនៅថ្ងៃចន្ទ ទី០៩…
ម៉ិកស៊ិក ៖ ប្រធានាធិបតីម៉ិកស៊ិក លោក Andrés Manuel López Obrador បាននិយាយនៅថ្ងៃចន្ទ ទី០៩…
ម៉ិកស៊ិក ៖ ប្រធានាធិបតីម៉ិកស៊ិក លោក Andrés Manuel López Obrador បាននិយាយនៅថ្ងៃចន្ទ ទី០៩ ខែតុលា ឆ្នាំ២០២៣នេះថា ពលរដ្ឋម៉ិកស៊ិកចំនួន៣០០នាក់ ក្នុងប្រទេសអ៊ីស្រាអែល បានចុះហត្ថលេខា លើការចាកចេញពីប្រទេសនេះ ហើយលោកនឹងបញ្ជូនយន្តហោះ ០២គ្រឿង ដើម្បីធ្វើការជម្លៀសចេញ នេះបើយោងតាម CNN ។
លោកប្រធានាធិបតី បានបន្តថា ជនជាតិម៉ិកស៊ិកភាគច្រើន ដែលនៅក្នុងប្រទេសអ៊ីស្រាអែលនោះ ភាគច្រើនសម្រាប់គោលបំណងទេសចរណ៍ និងសាសនា ។
បន្ថែមលើនេះ លោក López Obrador ថ្លែងថា ពលរដ្ឋម៉ិកស៊ិក០៣នាក់ នៅតែបាត់ខ្លួន រដ្ឋាភិបាលកំពុទំនាក់ទំនងជាមួយសាច់ញាតិរបស់ពួកគេ។ លោកបញ្ជាក់ដែរថា “អ្នកការទូតរបស់យើង កំពុងធ្វើសកម្មភាព ដើម្បីការពារប្រជាជនម៉ិកស៊ិក” ។
រដ្ឋាភិបាលម៉ិកស៊ិក សម្រេចបញ្ជូនយន្តហោះមួយគ្រឿង នឹងទៅនៅពេលព្រឹក និងមួយគ្រឿងទៀត នៅពេលរសៀលស្អែកនេះបើគ្មានអ្វីប្រែប្រួលទេ ។
ប៉ុន្តែនៅថ្ងៃចន្ទនេះដែរ មានក្រុមហ៊ុនអាកាសចរណ៍ជាច្រើន បាននិងកំពុងផ្អាក ឫលុបចោលជើងហោះហើរ ទៅកាន់ទីក្រុង Tel Aviv ប្រទេសអ៊ីស្រាអែល ដោយសារការប្រយុទ្ធគ្នាដ៏ខ្លាំងក្លា រវាងកងកម្លាំងអ៊ីស្រាអែល និងក្រុមហាម៉ាស នៅតែបន្ត ៕
ចែករំលែកព័តមាននេះ