កម្មករប្រមូលផ្តុំគ្នាតវ៉ាមុខការដ្ឋានសំណង់ ស្នើសុំបើកប្រាក់ឈ្នួលពីមេការចិន
- ភ្នំពេញ
រាជធានីភ្នំពេញ ៖ កម្មករសំណង់ជាង៦០នាក់ តំណាងឱ្យកម្មករជាង១០០នាក់ បានប្រមូលផ្តុំគ្នាតវ៉ា
រាជធានីភ្នំពេញ ៖ កម្មករសំណង់ជាង៦០នាក់ តំណាងឱ្យកម្មករជាង១០០នាក់ បានប្រមូលផ្តុំគ្នាតវ៉ា
រាជធានីភ្នំពេញ ៖ កម្មករសំណង់ជាង៦០នាក់ តំណាងឱ្យកម្មករជាង១០០នាក់ បានប្រមូលផ្តុំគ្នាតវ៉ាមុខ ការដ្ឋានសំណង់ ស្នើសុំបើកប្រាក់ឈ្នួលពីមេការជាជនជាតិចិន ។
ការប្រមូលផ្តុំគ្នាតវ៉ាខាងលើនេះបានកើតឡើងនៅវេលាម៉ោង៨និង៣០នាទីព្រឹកថ្ងៃទី៩ ខែតុលា ឆ្នាំ២០២៣ នៅតំបន់អភិវឌ្ឍន៏បឹងកក់ ខាងមុខការដ្ឋានសំណង់ ស៊ីភីធូ ស្ថិតក្នុងភូមិ១ សង្កាត់ស្រះចក ខណ្ឌដូនពេញ រាជធានីភ្នំពេញ ។
យោងតាមប្រភពព័ត៌មានពីកម្មករម្នាក់សុំមិនបញ្ចេញឈ្មោះ បានប្រាប់អោយដឹងថា ពួកគាត់មកប្រមូលផ្តុំក្នាក្នុងថ្ងៃនេះ ក្នុងគោលបំណងស្នើសុំបើកប្រាក់ឈ្នួលពីមេការជនជាតិចិន ។ ពួកគាត់ក៏បានបញ្ជាក់បន្ថែមថា គាត់បានធ្វើការគ្រប់ថ្ងៃកំណត់ និងលើសចំនួន១០ថ្ងៃហើយ ប៉ុន្តែមេការមិនទាន់បើកប្រាក់ខែអោយពួកគាត់ទៀត ដោយជិតដល់ថ្ងៃទៅស្រុក នាឱកាសបុណ្យភ្ជុំបិណ្ឌ ។ ដោយសារតែពួកគាត់មិនមានប្រាក់គ្រប់គ្រាន់សម្រាប់ធ្វើដំណើរទៅស្រុក ទើបពួកគាត់ស្នើសុំមេការបើកប្រាក់ខែ ប៉ុន្តែមេការមិនបានឆ្លើយតប ទើបពួកគាត់ធ្វើការប្រមូលផ្តុំគ្នាតវ៉ាតែម្តង ។ ក្នុងការតវ៉ានេះដែរ មិនមានបង្កជាបាតុភាពហិ.ង្សានោះឡើយ ។
នៅព្រឹកថ្ងៃដដែលនេះដែរ អាជ្ញាធរមូលដ្ឋាន រួមនិងតំណាងក្រសួងការងារ បានចុះមកជួយសម្របសម្រួលជាមួយតំណាងក្រុមហ៊ុនរកដំណោះស្រាយជូនកម្មករ ។ ជាលទ្ធផល តំណាងក្រុមហ៊ុនបានយល់ព្រមបើកប្រាក់ឈ្នួលអោយកម្មករ អោយបានគ្រប់ចំនួននាថ្ងៃដដែលនេះតែម្តង ៕ (ដោយ ៖ រដ្ឋា)
ចែករំលែកព័តមាននេះ