ក្មេងស្រី៣នាក់ដើររាវខ្យងតាមវាលស្រែ ហើយនាំគ្នាលាងខ្លួនក្នុងទឹកប្រឡាយ ល.ង់ស្លា.ប់ទាំងអស់
- បន្ទាយមានជ័យ
ខេត្តបន្ទាយមានជ័យ ៖ ក្មេងស្រីចំនួន៣នាក់ដើររាវខ្យងតាមវាលស្រែ ហើយនាំគ្នាលាងខ្លួនក្នុងទឹក
ខេត្តបន្ទាយមានជ័យ ៖ ក្មេងស្រីចំនួន៣នាក់ដើររាវខ្យងតាមវាលស្រែ ហើយនាំគ្នាលាងខ្លួនក្នុងទឹកប្រឡាយ បណ្តាលឱ្យល.ង់ស្លា.ប់ទាំង៣នាក់ និងត្រូវបានប្រទះឃើញសពកាលពីវេលាម៉ោង៥និង៣០នាទីថ្ងៃទី៧ ខែតុលា ឆ្នាំ២០២៣ ស្ថិតភូមិម៉ក់ហឺន ឃុំកូប ស្រុកអូរជ្រៅ ខេត្តបន្ទាយមានជ័យ។
លោកវរសេនីយ៍ឯក អ៊ឹម ភារៈ អធិការនគរបាលស្រុកងូរជ្រៅបានឱ្យដឹងថា ជនរងគ្រោះល.ង់ទឹកស្លា.ប់ចំនួន៣នាក់ខាងលើរួមមាន ១-ឈ្មោះ ស៊ុម សៅរី ភេទស្រី អាយុ១៦ឆ្នាំ ២-ឈ្មោះ ស៊ុម សៅរ៉ាត់ ភេទស្រី អាយុ១២ឆ្នាំ និង៣-ឈ្មោះ អឿន សោភា ភេទស្រី អាយុ១២ឆ្នាំរស់នៅភូមិម៉ក់ហឺន ឃុំកូប ស្រុកអូរជ្រៅ។
លោកបានបញ្ជាក់ថា មុនពេលកើតហេតុ គឺក្មេងស្រីរងគ្រោះទាំង៣នាក់ក្នុងចំណោម៤នាក់បានសុំយាយទៅរាវខ្យងនៅវាលស្រែនៅខាងជើងភូមិចម្ងាយប្រមាណ២០០ទៅ៣០០ម៉ែត្រ និងបានចេញទៅនៅវេលាម៉ោង១និង៣០នាទីថ្ងៃទី៧ ខែតុលា ឆ្នាំ២០២៣ ។ ក្រោយដើររាវខ្យងតាមវាលស្រែប្រឡាក់ខ្លួនក្មេងស្រីរងគ្រោះចំនួន៣នាក់ក៏នាំគ្នាទៅលាងខ្លួនក្នុងប្រឡាយទឹក ចំណែកក្មេងស្រីម្នាក់ឈ្មោះ អ៊ុម សៅរី ភេទស្រី អាយុ១៣ឆ្នាំ នៅអង្គុយចាំលើខ្នងប្រឡាយ ពេលនោះក្មេងស្រីរងគ្រោះទាំង៣នាក់ចុះលាងខ្លួន បណ្តាលឱ្យល.ង់ទឹក ។ បន្ទាប់ពីឃើញហេតុការណ៍បែបនេះ ក្មេងស្រីម្នាក់នោះក៏បានរត់ទៅប្រាប់អ្នកភូមិ និងបង្កការភ្ញាក់ផ្អើលដល់សមត្តកិច្ចជួយអន្តរាគមន៍រាវរកឃើញស.ពក្មេងស្រីទាំង៣នាក់ ស្រង់ឡើងគោកនៅម៉ោង៥និង៣០នាទីល្ងាចថ្ងៃទី៧ ខែតុលា ឆ្នាំ២០២៣។
លោកវរៈសេនីយ៍ឯក អ៊ឹម ភារៈ បានបញ្ជាក់ថា ប្រឡាយទឹកដែលក្មេងស្រី៣នាក់ល.ង់ស្លាប់ទាំង៣នាក់ខាងលើ នៅខាងជើងភូមិប្រមាណ២០០ទៅ៣០០ម៉ែត្រពីភូមិ និងមានជម្រៅជិត៣ម៉ែត្រ ។
ក្រោយរកឃើញស.ពក្មេងស្រី ត្រូវបានកម្លាំងសមត្ថកិច្ចនិងមន្ត្រីជំនាញពិនិត្យ ហើយប្រគល់ស.ពជូនក្រុមគ្រួសារសាច់ញាតិយកទៅធ្វើបុណ្យតាមប្រពៃណី ៕
ចែករំលែកព័តមាននេះ