ក្រុងប៉ោយប៉ែត ៖ នៅទីបំផុត សមត្ថកិច្ចននាយកដ្ឋានគរបាលព្រហ្មទណ្ឌក្រសួងមហាផ្ទៃ សហការជាមួយខេត្តបន្ទាយមានជ័យ ចាប់ខ្លួនជនជាឃាតករបានហើយ នៅថ្ងៃទី៧ ខែតុលា ឆ្នាំ២០២៣ ខណៈជនសង្ស័យបម្រុងឆ្លងដែន…
ក្រុងប៉ោយប៉ែត ៖ នៅទីបំផុត សមត្ថកិច្ចននាយកដ្ឋានគរបាលព្រហ្មទណ្ឌក្រសួងមហាផ្ទៃ សហការជាមួយខេត្តបន្ទាយមានជ័យ ចាប់ខ្លួនជនជាឃាតករបានហើយ នៅថ្ងៃទី៧ ខែតុលា ឆ្នាំ២០២៣ ខណៈជនសង្ស័យបម្រុងឆ្លងដែន តាមច្រកទ្វារប៉ោយប៉ែត ទៅប្រទេសថៃ ។
សូមរំលឹកថា កាលពីវេលាម៉ោងប្រមាណ៦យប់ថ្ងៃទី០៦ ខែ តុលា ឆ្នាំ២០២៣ មានអំពើឃាតកម្មដ៏ឃោរឃៅមួយបានកើតឡើងនៅចំណុចភូមិពោធិស្មាត ឃុំជើងកើប ស្រុកកណ្ដាលស្ទឹង ខេត្តកណ្ដាល ដែលបុរសជាប្តី ជាឪពុក ដឹងរឿងប្រពន្ធទៅប្តឹងប្រធានសុំលែងលះ ក៏ប្រើកាំបិតបុ័ងតោអារកសម្លាប់ម្តាយនិងកូនស្លាប់ក្នុងថ្លុកឈាម ហើយប្តី.ឪពុកដែលជាជនដៃដល់បានរត់គេ ចខ្លួនបាត់ ។
ជនដៃដល់មានឈ្មោះ ម៉ែន សំអាង ភេទប្រុស អាយុ៣៦ឆ្នាំ ជាបុគ្គលិករដ្ឋករទឹក ចំណែកជនរងគ្រោះឈ្មោះ ឃឿន ស្រីវលក្ខ័ណ ភេទស្រី អាយុ៣២ ឆ្នាំ (ជាប្រពន្ធជាម្តាយ) និងឈ្មោះ អឿន ចន្ទសីម៉ា ភេទស្រី អាយុ០២ ឆ្នាំ (ជាកូន) រស់នៅភូមិពោធិស្មាត ឃុំជើងកើប ស្រុកកណ្ដាលស្ទឹង ខេត្តកណ្ដាល ។
បន្ទាប់ពីទទួលបានព័ត៌មានស្តីពីអំពើឃាតកម្មនោះ ប្រហែលកន្លះម៉ោងក្រោយមក លោកឧត្តមសេនីយ៍ទោ ឈឿន វិចិត្រ ស្នងការនគរបាលខេត្តកណ្តាល បានបញ្ជាទៅលោកអធិការនគរបាលស្រុកកណ្តាលស្ទឹង ឲ្យដឹកនាំកម្លាំងគ្រប់ជំនាញ ចុះទៅសហការជាមួយមូលដ្ឋាន ដើម្បីពិនិត្យ និងវិភាគកន្លែងកើតហេតុ ក្រោមការចូលរួមពីអង្គភាពការពារកុមារ ដែលហៅកាត់ថា CPU និងមានការសម្របសម្រួលពីស្ថប័នអយ្យការអមសាលាដំបូងខេត្តផងដែរ ។
តាមប្រភព័ត៌មាននៅកន្លែងកើតហេតុ ដែលក្រុមគ្រួសារជនរងគ្រោះបានរៀបរាប់ឲ្យដឹងថា កន្លងមកជនសង្ស័យតែងតែមានរឿងឈ្លោះប្រកែក និងគំរាមសម្លាប់ប្រពន្ធជារៀងរហូត ផ្តើមចេញពីទង្វើប្រចណ្ឌ ។ ប្រភពព័ត៌មានបន្តថាបនៅថ្ងៃកើតហេតុឈ្មោះ ចន្ធី នីស្សា ភេទស្រី អាយុ២១ ឆ្នាំ ត្រូវជាប្អូនថ្លៃជនរងគ្រោះបានចេញពីបន្ទប់ដេក ដើរទៅបន្ទប់ទឹកក៏ឃើញជនសង្ស័យដើរសំដៅទៅបន្ទប់ជនរងគ្រោះ ពេលនោះជនសង្ស័យឃើញ ឈ្មោះ ចន្ធី នីស្សា ក៏ដើរត្រឡប់ទៅបន្ទប់វិញ ។
លុះដល់ម៉ោងប្រមាណ៦ល្ងាចថ្ងៃដដែល ឈ្មោះ ចន្ធី នីស្សា បានចេញពីបន្ទប់គេងដើម្បីទៅដាំបរបរឲ្យម្តាយហូប បានឃើញជនសង្ស័យស្លៀកខោខ្លីពាក់អាវដៃខ្លី បណ្តើរម៉ូតូចេញក្រៅ ហើយខ្លួន(ចន្ធី នីស្សា)ក៏ដទៅក្រោយផ្ទះ ដើម្បីដាំបរបរក្បែរបន្ទប់ជនរងគ្រោះ ។
មួយសន្ទុះក្រោយមក ឈ្មោះ ចន្ធី នីស្សា បានឮសម្លេងជនរងគ្រោះស្រែកអូយ ហើយខ្លួនបានលួចមើលតាមបង្អួច ឃើញជនសង្ស័យនៅពីលើជនរងគ្រោះ នីហ្សា ក៏បានស្រែកសួរជនសង្ស័យថា បងឯងធ្វើអីបងល័ក្ខណ ? ជនសង្ស័យឆ្លើយថា បងប្រឡែងគ្នាលេង ឮដូច្នោះខ្លួនបានទៅដាំបរបរវិញ ស្រាប់តែមួយសន្ទុះក្រោយមក ឃើញជនសង្ស័យស្លៀកខោ ខៅប៊យជើងវែង ពាក់អាវ យឺតពណ៌ខ្មៅ ឡើងជិះម៉ូតូ ពេលនោះខ្លួនបានស្រែកសួរថា បងឯងអត់យកកូនទៅរៀនទេ ? តែជនសង្ស័យមិនឆ្លេីយតបទេ ថែមទាំងបានជិះម៉ូតូចេញបាត់ទៅ ។
ភ្លាមនោះ នីស្សា មានការសង្ស័យបានរត់ទៅប្រាប់ប្តីរបស់ខ្លួន ឲ្យទៅមេីលបន្ទប់ជនរងគ្រោះ ដែលប្តីឈ្មោះ ឃឿន វិច្ឆិកា បានរត់ទៅបេីកមេីលបន្ទប់ជនរងគ្រោះ ឃេីញគ្របភួយពីលេីជិត គាត់ក៏ស្ទុះទៅទាញភួយចេញ ស្រាប់តែឃេីញកាំបិតបុ័ងតោនៅលេី.ក ជនរង គ្រោះ ហេីយឃេីញម្តាយ.កូនតូចអាយុ២ឆ្នាំ ដេកស្លាប់ក្នុងថ្លុក ឈាម រួចក៏បានស្រែកឆោឡោឡើង ទើបម្តាយជនរងគ្រោះស្ទុះចូលទៅមេីល រួចក៏លើកក្បាលចៅដែលដាច់ចេញពីក បីមកក្រៅផ្ទះស្រែយំឲ្យគេជួយ ។
ក្រុមគ្រួសារជនរងគ្រោះបន្តថា ប្រហែល ជា២ឬ៣ ថ្ងៃមុន ជនរងគ្រោះ និងជនសង្ស័យ បាននាំគ្នាទៅផ្ទះប្រធានភូមិដើម្បីប្តឹងសុំលែងលះ តែប្រធានភូមិបានសម្របសម្រួ លឲ្យត្រូវគ្នាវិញ អ្នកទាំងពីរក៏បានមករស់នៅជាមួយគ្នាមានលក្ខណៈធម្មតា ។ តាមប្រភពព័ត៌មានមួយទៀតបានបង្ហើបថា កាលពីល្ងាចថ្ងៃទី៣ ខែតុលា ឆ្នាំ២០២៣ ជនរងគ្រោះឈ្មោះ ឃឿន ស្រីវល័ក្ខណ ដែលជាប្រពន្ធ បានទូរស័ព្ទប្រាប់ទៅលោកស្រីប្រធានភូមិថា លោកស្រីអញ្ជើញមកផ្ទះខ្ញុំបន្តិច ខ្ញុំចង់ដាក់ពាក្យបណ្តឹងលែងលះប្តី ពេលនោះប្រធានបានតបវិញថា បើមានការអីមកផ្ទះខ្ញុំម៉ោ តែជនរងគ្រោះមិនបានទៅទេ ។
ស្រាប់តែនៅរសៀលថ្ងៃកើតហេតុ ជនសង្ស័យឈ្មោះ ម៉ែន សំអាង ដែលជាប្តី បានទៅជួបលោកស្រីប្រធានភូមិដល់ផ្ទះ និយាយពីរឿងប្រពន្ធទូរស័ព្ទឲ្យខ្លួនចេញពីកន្លែងធ្វើការ ដើម្បីមកលែងលះ ។ ប្តីបានជាឃាតករបានចាក់សម្លេងទូរស័ព្ទឲ្យប្រធានភូមិស្តាប់ទៀតថា ប្រពន្ធរបស់ខ្លួនបានដាំបាយឲ្យបុរសម្នាក់ ដែលមិនស្គាល់អត្ត សញ្ញាណហូបជារៀងរាល់ថ្ងៃ ក្នុងមួយថ្ងៃបានប្រាក់៥ ម៉ឺនរៀល ហើយក្នុងឆាតតបគ្នាទៅវិញទៅមក ប្រពន្ធបានលេងសើចជាមួយបុរសនោះជាច្រើន..ជាចំណុចធ្វើឲ្យខ្លួនមានការសង្ស័យក្លាយទៅ ជាទង្វើប្រចណ្ឌ ។
ពេលនោះលោកស្រីប្រធានភូមិ ក៏បានអប់រំណែនាំជនសង្ស័យកុំឲ្យប្រើអំពើហឹង្សា លោកស្រីថា បើមិនត្រូវគ្នាសូមលែងលះតាមសម្រួលទៅ តែជនកំណាចជាឃាតករមិនស្តាប់ទេហើយតបទៅវិញថា បើលែងលះគ្នាកូនទៅនៅជាមួយអ្នកណា ខ្លាចប្រពន្ធយកប្តីទៀតគេធ្វើបាបកូន ហើយបើខ្លួនយកប្រពន្ធក្រោយខ្លាចគេធ្វើបាបកូនដែរ ។
នេះជាពាក្យទាល់ច្រកមិនចង់ឲ្យប្រពន្ធប្តឹងលែង ទើបបង្កើតជាភ្លើងគំនុំលាយឡំទង្វើប្រចណ្ឌ រហូតផ្តាច់ជីវិតប្រពន្ធ និងកូនដាច់ក្បាលពីកសម្លាប់ក្នុងថ្លុកឈាម ប្តី.ឪពុកជាឃាតករបានគេចខ្លួនបាត់ ។
ចែករំលែកព័តមាននេះ