ខេត្តតាកែវ ៖ ជនដៃដល់ម្នាក់ ត្រូវបានកំលាំងនគរបាលស្រុកបាទីឃាត់ខ្លួនបានភ្លាមៗ បន្ទាប់ពីយកពូថៅកាប់ទៅលើបុរសម្នាក់អោយស្លាប់នៅក្នុងថ្លុកឈាមរួចមក ខណ:ពេលដែលគ្រាន់តែទាស់ពាក្យសំដីគ្នាបន្តិចបន្តួចតែប៉ុណ្ណោះ ហើយត្រូវកសាងសំណុំរឿងបញ្ជូនបន្តមកការិយាល័យព្រហ្មទណ្ទកំរិតធ្ងន់ខេត្ត ដើម្បីចាត់ការបន្ត ដែលហេតុការណ៍នេះ បានកើតឡើងវេលាម៉ោង១៨…
ខេត្តតាកែវ ៖ ជនដៃដល់ម្នាក់ ត្រូវបានកំលាំងនគរបាលស្រុកបាទីឃាត់ខ្លួនបានភ្លាមៗ បន្ទាប់ពីយកពូថៅកាប់ទៅលើបុរសម្នាក់អោយស្លាប់នៅក្នុងថ្លុកឈាមរួចមក ខណ:ពេលដែលគ្រាន់តែទាស់ពាក្យសំដីគ្នាបន្តិចបន្តួចតែប៉ុណ្ណោះ ហើយត្រូវកសាងសំណុំរឿងបញ្ជូនបន្តមកការិយាល័យព្រហ្មទណ្ទកំរិតធ្ងន់ខេត្ត ដើម្បីចាត់ការបន្ត ដែលហេតុការណ៍នេះ បានកើតឡើងវេលាម៉ោង១៨ និង២៩នាទីថ្ងៃទី០៦ ខែតុលា ឆ្នាំ២០២៣ ស្ថិតនៅភូមិមានជោគ ឃុំក្រាំងលាវ ស្រុកបាទី ខេត្តតាកែវ ។
លោកវរសេនីយ៍ឯក ឆាយ កែវមុន្នី អធិការនគរបាលស្រុកបាទីបានអោយដឹងថា ជនសង្ស័យដែលចាប់ខ្លួនបានមានឈ្មោះ ម៉ៅ ហុងឡាយ ភេទប្រុស អាយុ៣៥ឆ្នាំ មុខរបកសិករ រស់នៅភូមិឃុំកើតហេតុខាងលើ មានស្រុកកំណើតនៅភូមិស្វាយទងឃុំខ្វាវ ស្រុកសំរោង ខេត្តតាកែវ បានធ្វើសកម្មភាពយកពូថៅកាប់ទៅលើជនរងគ្រោះត្រង់កញ្ចឹងករ១ពូថៅ បណ្តាលអោយដួលប្រកាច់ស្លាប់ភ្លាមៗ នៅនិងកន្លែងដោយជនរងគ្រោះឈ្មោះ នៅ វ៉ាង ភេទប្រុស អាយុ២៩ឆ្នាំ មុខរបរកសិករ មានទីលំភូមិឃុំកើតហេតុខាងលើមានស្រុកកំនើតនៅភូមិត្រពាំងវិហារ ឃុំជើងគួន ស្រុកសំរោងខេត្តតាកែវ ជនសង្ស័យនិងជនរងគ្រោះត្រូវជាបងប្អូនថ្លៃនិងគ្នា (សាច់ថ្លៃដូចគ្នា) ។
លោកអធិការនគរបាលស្រុកបាទីបានបន្តទៀតថា មុនពេលកើតហេតុជនដៃដល់នឹងជនរងគ្រោះបានអង្គុយស៊ីផឹកនៅផ្ទះជាមួយគ្នា ។ ពេលនោះ ក៏មានពាក្យសម្តីទាស់គ្នារឿងជនរងគ្រោះយកខ្សែភ្លើងហើយរហូតមានការប្រតាយប្រតប់គ្នា ពេលនោះជនដៃដល់ក៏បានយកពូថៅដែលទុកនៅក្រោមគ្រែកាប់ត្រូវកញ្ចឹងករជនរងគ្រោះដួលប្រកាច់ស្លាប់នៅក្នុងថ្លុកឈាប់តែម្តងតែជនដៃដល់មិនរត់ទៅណាទេរួចនគរបាលប៉ុស្កិចាប់ខ្លួនតែម្តង។
នៅចំពោះមុខកំលាំងជំនាញព្រហ្មទណ្ទខេត្តជនដៃដល់បានសារភាពថារូបគេជាបងថ្លៃពិតជាបានយកពូថៅកាប់ទៅលើប្អូនថ្លៃអោយស្លាប់ពិតប្រាកដមែនមូលហេតុយកខ្សែភ្លើងហើយមិនប្រាប់នឹងមករករឿងទៀតទើបទ្រាំមិនបានកាប់តែម្តងទៅ។
លោកវរសេនីយ៍ឯកសែម សុជាតិនាយការិយាល័យព្រហ្មទណ្ទកំរិតធ្ងន់ខេត្តតាកែវបានអោយដឹងថាជនសង្ស័យយើងបានកសាងសំណុំរឿងរួចរាល់ហើយនៅរសៀលថ្ងៃទី៧ ១០ ២០២៣នេះយើងនឹងបញ្ជូនទៅសាលាដំបូងដើម្បីកាត់ទោសទៅតាមច្បាប់។
ចែករំលែកព័តមាននេះ