ទឹកជំនន់ភ្លាមៗនៅឥណ្ឌា បា.ត់ខ្លួនទាហាន២៣នាក់
ប្រទេសឥណ្ឌា ៖ កងទ័ពឥណ្ឌាគូសបញ្ជាក់កាលពីថ្ងៃទី៤ តុលា ថា ទាហានយ៉ាងតិច២៣នាក់បា.ត់ខ្លួន
ប្រទេសឥណ្ឌា ៖ កងទ័ពឥណ្ឌាគូសបញ្ជាក់កាលពីថ្ងៃទី៤ តុលា ថា ទាហានយ៉ាងតិច២៣នាក់បា.ត់ខ្លួន ក្រោយទឹកជំនន់ភ្លាមៗដ៏ធំ ក្នុងតំបន់ជ្រលងភ្នំមួយនៃជួរភ្នំហ៊ីម៉ាឡៃយ៉ា ភាគឦសានឥណ្ឌា។
ក្នងសេចក្ដីប្រកាសមួយកងទ័ពឥណ្ដាគូសបញ្ជាក់ថា ដោយសារមានភ្លៀងធ្លាក់ខ្លាំងក្នុងតំបន់បឹងLHONAK នាភាគខាងជើងរដ្ឋស៊ិកគីម ជំនន់ភ្លាមៗកើតមានក្នុងស្ទឹងTISTA បណ្ដាលឲ្យទាហាន២៣នាក់បា.ត់ខ្លួន ហើយបណ្ដារថយន្តត្រូវទឹកលិច។ ប្រតិបត្តិការរុករកកំពុងធ្វើ។ តំបន់ភ្នំដាច់ស្រយាលនោះនៅជួរភ្នំហ៊ីម៉ាឡៃយ៉ា ស្ថិតនៅជិតព្រំដែនរវាងឥណ្ឌានិងនេប៉ាល់។
កងទ័ពឥណ្ឌាគូសបញ្ជាក់ទៀតថា ដោយសារទំនប់មួយនៅពីខាងលើត្រូវបង្ហៀរទឹកចេញនាពេលមុននេះ បណ្ដាលឲ្យទឹកបឹងLHONAKកើនកម្ពស់ដល់៤,៥ម៉ែត្រថែមទៀតលើសពីកម្ពស់ទឹកធម្មតា ។
តាមវីដេអូមួយចេញផ្សាយដោយអ្នកនាំពាក្យយោធា បង្ហាញចរន្ធទឹកហូរធ្លាក់បុកយ៉ាងខ្លាំង មកលើជ្រលងភ្នំដែលមានព្រៃ ហូរកាត់បណ្ដាផ្លូវថ្នល់ និងផ្ដួលបណ្ដាបង្គោលភ្លើង។ រូបភាពនានាទៀតបង្ហាញពីទឹកជន់លិចអគារដល់ជាន់ទីមួយ ក្នុងទីក្រុងមួយ៕
ចែករំលែកព័តមាននេះ