កូរ៉េខាងជើងបញ្ចូលលក្ខន្តិកៈរដ្ឋនុយក្លេអ៊ែរក្នុងរដ្ឋធម្មនុញ្ញរបស់ខ្លួនហើយ
ប្រទេសកូរ៉េខាងជើង ៖ ទីភ្នាក់ងារព័ត៌មានកូរ៉េខាងជើង KCNA រាយការណ៍នាព្រឹកថ្ងៃទី២៨ កញ្ញា ថា
ប្រទេសកូរ៉េខាងជើង ៖ ទីភ្នាក់ងារព័ត៌មានកូរ៉េខាងជើង KCNA រាយការណ៍នាព្រឹកថ្ងៃទី២៨ កញ្ញា ថា ប្រទេសនេះបាន បញ្ចូលលក្ខន្តិកៈរដ្ឋនុយក្លេអ៊ែរក្នុងរដ្ឋធម្មនុញ្ញ្ញរបស់ខ្លួនហើយ។
មេដឹកនាំកូរ៉េខាងជើងលោកគីម ជុងអ៊ុន ថ្លែង ថា នោះជាព្រឹត្តិការណ៍ប្រវត្តិសាស្ត្រមួយ ដែលផ្ដល់កម្លាំងនយោបាយ សម្រាប់ពង្រឹងសមត្ថភាពការពារជាតិ។ លោកថានយោបាយកសាងកម្លាំងនុយក្លេអ៊ែររបស់ប្រទេស បានក្លាយទៅជាអចិន្ត្រៃយ៍ ក្នុងឋានៈជាច្បាប់រដ្ឋធម្មនុញ្ញ។ ក្នុងកិច្ចប្រជុំមួយរបស់សភាជាតិ ដែលធ្វើពីថ្ងៃទី២៦ដល់២៧កញ្ញា លោកគីមជុងអ៊ុនបន្តថា គ្មាននរណាម្នាក់ចំអកឡកឡឺយចំពោះរដ្ឋធម្មនុញ្ញបានឡើយ។
កាលពីឆ្នាំទៅមិញកូរ៉េខាងជើងដែលធ្វើការសាកល្បងនុយក្លេអ៊ែរ៦លើករួចហើយ ពីឆ្នាំ២០០៦ទៅ២០១៧នោះ ធ្លាប់ប្រកាសលទ្ធិថ្មីមួយដែលថា លក្ខន្តិកៈជាមហាអំណាចនុយក្លេអ៊ែររបស់ខ្លួនមិនអាចប្រែក្រឡាស់បានឡើយ ហើយអនុញ្ញាតឲ្យធ្វើការវាយប្រហារនុយក្លេអ៊ែរបង្ការ ក្នុងករណីមានការគំរា.មកំហែងប្រឆាំងរបបខ្លួន៕
ចែករំលែកព័តមាននេះ